Shocking Video: చేతిలో పాము.. ముఖంలో చిరునవ్వు.. ఈ వీడియో చూస్తే వెన్నులో వణుకు పుట్టాల్సిందే!

Girl Playing With Snake

సోషల్ మీడియాలో ప్రతిరోజూ రకరకాల వీడియోలు మనల్ని పలకరిస్తుంటాయి. కొన్ని నవ్విస్తే, మరికొన్ని ఆశ్చర్యపరుస్తాయి. కానీ తాజాగా వైరల్ అవుతున్న ఒక వీడియో మాత్రం నెటిజన్లను ఒకింత భయానికి, మరెంతో విస్మయానికి గురిచేస్తోంది. సాధారణంగా పాము పేరు చెబితేనే ప్రతి ఒక్కరూ.. ఆమడదూరం పరుగెడుతుంటారు. అలాంటిది, ఒక చిన్నారి పామును తన దుస్తుల్లో దాచుకుని, దానితో ఎంతో హాయిగా ఆడుకుంటున్న దృశ్యం ఇప్పుడు ఇంటర్నెట్‌ను షేక్ చేస్తోంది.

సోషల్ మీడియా X (ట్విట్టర్) వేదికగా వెలుగులోకి వచ్చిన ఈ వీడియోలో, ఒక చిన్నారి తన గౌను లోపల ఏదో వస్తువును పట్టుకుని నడుచుకుంటూ వస్తుంది. మొదట చూసిన వారికి అది ఏదైనా బొమ్మో లేదా పెంపుడు జంతువో అనుకునే లోపే, ఆ చిన్నారి తన డ్రెస్సు నుండి ఒక పెద్ద పామును బయటకు తీసింది. ఆ దృశ్యం చూసి నెటిజన్లు ఒక్కసారిగా కంగుతిన్నారు.

ఆ పాము చిన్నారి చేతుల్లో అటూ ఇటూ కదులుతున్నా, ఆమె ముఖంలో ఏమాత్రం భయం నీడలు కనిపించలేదు. పైగా, ఆ పాము తన ప్రాణ స్నేహితుడు అన్నట్లుగా ఎంతో ఆత్మవిశ్వాసంతో దానిని పట్టుకుని ఆడించింది. వీడియో ముందుకు సాగుతున్న కొద్దీ ఆ పాము పరిమాణం చూసి చూసేవారికి వెన్నులో వణుకు పుడుతోంది. ఈ వీడియో సోషల్ మీడియాలో క్షణాల్లో వైరల్ అవ్వడంతో నెటిజన్ల నుండి రకరకాల కామెంట్లు వస్తున్నాయి.

“ఒకవేళ ఆ పాము కరిస్తే పరిస్థితి ఏంటి? తల్లిదండ్రులు ఎక్కడ ఉన్నారు?” అని కొందరు ప్రశ్నిస్తున్నారు. “నేను మొదట ఆమె చేతిలో కుక్కపిల్ల ఉందనుకున్నాను, కానీ అది పాము అని తెలిసి షాక్ అయ్యాను” అని ఒక యూజర్ రాశారు. “పిల్లల అమాయకత్వం గొప్పది. వారికి భయం అంటే ఏంటో తెలియదు, అందుకే ప్రకృతిని అంత స్వేచ్ఛగా ప్రేమిస్తారు” అని మరికొందరు అభిప్రాయపడ్డారు.

వైరల్ వీడియో ఇక్కడ చూడండి…

ఈ వీడియో ఆ చిన్నారి ధైర్యాన్ని చాటుతున్నప్పటికీ, వన్యప్రాణులతో, ముఖ్యంగా విషపూరితమైన పాములతో ఇలా వ్యవహరించడం అత్యంత ప్రమాదకరమని నిపుణులు హెచ్చరిస్తున్నారు. ఏది ఏమైనా, ఈ చిన్నారి స్పరంతో స్నేహం మాత్రం ప్రస్తుతం సోషల్ మీడియాలో హాట్ టాపిక్‌గా మారింది. నిజమే మరి.. భయం అనేది మనకు పెద్దయ్యాక అలవడే గుణం, చిన్నపిల్లలకు తెలిసింది కేవలం అన్వేషణ మాత్రమే!

మరిన్ని ట్రెండింగ్ వార్తల కోసం ఇక్కడ క్లిక్ చేయండి..