Viral Video: ఆరుబయట పడుకుని ఫోన్ చూస్తున్న వ్యక్తి.. అక్కడికి మెల్లిగా వచ్చిన చిరుత.. ఆపై
ఒక వ్యక్తి రాత్రి సమయంలో బయట మంచంపై పడుకుని ఫోన్ చూస్తున్నాడు. అతని మంచం పక్కనే ఓ కుక్క కూడా నిద్రిస్తుంది. ఈ సమయంలో చప్పుడు కాకుండా ఓ చిరుత పులి అక్కడికి వచ్చి... నిద్రపోతున్న కుక్కపై దాడి చేసింది. రైతు జయానంద్ కాలే తన ఇంటి బయట నిద్రిస్తుండగా, తెల్లవారుజామున 3:30 గంటల ప్రాంతంలో ఒక చిరుతపులి ఆవరణలోకి చొరబడింది. అక్కడే నిద్రపోతున్న అతని కుక్కపై దాడి చేసి దానిని తీసుకెళ్లింది.
Updated on: Mar 16, 2025 | 12:00 PM
సోషల్ మీడియా పుణ్యమా అని రీల్స్ పిచ్చి బాగా ముదిరిపోయింది జనాలకి. వయసుతో సంబంధం లేకుండా ఈ రీల్స్లో మునిగిపోతున్నారు. లైక్స్, వ్యూస్ కోసం రీల్స్ కోసం సాహసాలు చేస్తూ ప్రాణాలమీదకు తెచ్చుకునేవారు కొందరైతే.. నెట్టింట ఈ వీడియోలు చూస్తూ చుట్టూ ఉన్న ప్రపంచాన్నే మర్చిపోయి ప్రమాదాల్లో పడేవారు ఇంకొందరు. తాజాగా ఓ వ్యక్తి రాత్రి వేళ ఇంటిముందు ఆరుబయట మంచం వేసుకొని పడుకొని రీల్స్ చూస్తూ ఉన్నాడు. ఇంతలో ఎవరూ ఊహించని ఘటన చోటు చేసుకుంది. మెల్లగా అక్కడికి చిరుత పులి వచ్చింది. ఈ ఘటనకు సంబంధించిన వీడియో సోషల్ మీడియాలో తెగ వైరల్ అవుతోంది. వీడియో చూసిన నెటిజన్లు అవాక్కవుతున్నారు.
ఆరుబయట మంచం మీద పడుకొని రీల్స్లో మునిగిపోయాడు ఓ వ్యక్తి. ఇంతలో ఎక్కడినుంచి వచ్చందో కానీ నెమ్మదిగా నక్కి నక్కి అక్కడికి ఓ చిరుత పులి వచ్చింది. రీల్స్లో మునిగిపోయిన అతను చిరుతను గమనించలేదు. అయితే ఆ చిరుత.. అతడి మంచం పక్కనే పడుకొని ఉన్న కుక్కను నోటకరుచుకొని వెళ్లిపోయింది. ఆ శబ్ధానికి ఈ లోకంలోకి వచ్చిన అతను ఏం జరిగిందా అని చుట్టుపక్కలా వెతికాడు. ఇంతలో ఆ చిరుత పులి నోటకరుచుకొని వెళ్లిపోయిన కుక్క.. దాని నుంచి తప్పించుకొని అక్కడికి పరుగు పరుగున వచ్చింది. అప్పుడు కనిపించింది అతనికి చిరుత. దెబ్బకు అక్కడినుంచి ఇంట్లోకి పరుగెత్తి తలుపు వేసేసుకున్నాడు. చిరుతను చూసిన కుక్క అరుస్తూనే ఉంది. ఈ ఘటన మొత్తం అక్కడే ఉన్న సీసీ కెమెరాలో రికార్డ్ అయింది. ఈ వీడియో ప్రస్తుతం సోషల్ మీడియాలో తెగ వైరల్ అవుతోంది. పూణె భోర్ తాలూకా దేగావ్ గ్రామం థాకరే ఫామ్హౌస్లో ఈ ఘటన వెలుగుచూసింది.
దీనిపై నెటిజన్లు రకరకాలుగా స్పందించారు. ఫోన్లో పడితే పక్కన ఏం జరిగినా డోంట్ కేర్.. అని కొందరు.. కుక్కను అక్కడే వదిలి అతను పారిపోవడం దారుణం అని ఇంకొందరు కామెంట్లు చేస్తున్నారు. ఈ వీడియోను ఇప్పటికే ఒకటిన్నర మిలియన్ల మందికి పైగా వీక్షించారు. 16 వేలమందికి పైగా లైక్ చేశారు.
A shocking encounter unfolds as a leopard attacks a pet dog sleeping peacefully in the front yard. Watch the intense moment captured on video, showcasing the unpredictable nature of wildlife. #LokmatTimes #LeopardAttack #WildlifeEncounter #ThrillingVideo #LeopardVsDog pic.twitter.com/TMgy644oiZ
— Lokmat Times (@lokmattimeseng) March 11, 2025
భోర్ తాలూకా ప్రాంతంలో పెంపుడు జంతువులపై చిరుతపులుల దాడులు తరచుగా జరుగుతున్నాయి, దీనివల్ల గ్రామస్తులు ఆందోళన చెందుతున్నారు. అటవీ శాఖ వెంటనే చర్యలు తీసుకోవాలని నివాసితులు ఇప్పుడు కోరుతున్నారు.
మరిన్ని ట్రెండింగ్ న్యూస్ కోసం క్లిక్ చేయండి..
