ఎండకాలంలో ట్యాంక్ నీరు గీజర్‌లా వస్తోందా? ఈ మెరిసే పేపర్‌ ట్రిక్‌ ట్రై చేశారంటే హాయిగా, కూల్‌ కూల్‌గా ఉండొచ్చు!

బాబోయ్ ఈ సమ్మర్‌ సుర్రుమంటోంది. ఎండలు దంచి కొడుతున్నాయి. ప్రజలు ఇంటి నుంచి బయటకు రావాలంటేనే భయపడాల్సిన పరిస్థితి నెలకొంది. ఫ్యాన్లు, కూలర్లు, ఏసీలు రెస్ట్‌ లేకుండా పరిగెడుతున్నాయి. ఇక మిద్దెపై ఉండే ప్లాస్టిక్ నీటి ట్యాంకులు ఎండ వేడికి కరిగిపోయేలా తయారై, గీజర్‌లా వేడి నీటిని ఇస్తుంటాయి. దీంతో ప్రజలు మరింత ఉక్కిరి బిక్కిరి అవుతున్నారు. అయితే, దీనికి ఒక అద్భుతమైన ఉపాయం ఉంది. అది అల్యూమినియం ఫాయిల్ హ్యాక్ (Aluminium Foil Hack). ఇప్పుడు సోషల్ మీడియాలో బాగా వైరల్ అవుతోంది.

అవును, మనం కిచెన్‌లో ఆహార పదార్థాలను ప్యాక్ చేయడానికి ఉపయోగించే ఈ మెరిసే పేపర్‌కు సూర్యకిరణాలను ప్రతిబింబించే (Reflect) గుణం ఉంది. ట్యాంకుకు పాత కాటన్ గుడ్డ లేదా జూట్ బస్తాను చుట్టి, దానిపై అల్యూమినియం ఫాయిల్‌ను మెరిసే వైపు బయటకు ఉండేలా కప్పడం ద్వారా 90 శాతానికి పైగా ఎండను నిరోధించవచ్చు. దీనివల్ల ట్యాంకు దెబ్బతినకుండా ఉండటమే కాకుండా వేసవిలోనూ నీరు చల్లగా ఉంటుంది.

అల్యూమినియం ఫాయిల్ ఎలా పనిచేస్తుంది? :

సాధారణంగా మనం వంటగదిలో చపాతీలు, ఇతర ఆహార పదార్థాలు వేడిగా ఉండటానికి సిల్వర్ రంగులో మెరిసే అల్యూమినియం ఫాయిల్ పేపర్‌ను వాడుతుంటాం. ఈ పేపర్‌కు అద్భుతమైన రిఫ్లెక్టివ్ (సూర్యకాంతిని వెనక్కి పంపే) గుణం ఉంది. దీనిపై తీవ్రమైన సూర్యకిరణాలు పడినప్పుడు, ఇది ఆ వేడిని గ్రహించకుండా 90శాతం కంటే ఎక్కువ ఎండను తిరిగి ఆకాశంలోకి పరావర్తనం (Reflect) చేస్తుంది. ఫలితంగా ట్యాంక్ ప్లాస్టిక్ పొర వేడెక్కదు.

ఇవి కూడా చదవండి

ఓరీ దేవుడో.. ఇంత చిన్న చీమలో అంత పవర్ ఉంటుందా? ఈ నిజాలు తెలిస్తే

అయ్యో పాపం కొత్త పెళ్లి కొడుకు..మొదటి రాత్రి భార్యను చూసి పరార్

మోదీ-మెలోని మీటింగ్‌లో మెలోడీ వీడియో.. దూసుకెళ్లిన పార్లే షేర్!

భారత్ ఖనిజాల హబ్‌గా ఆ రాష్ట్రం? బంగారం కన్నా విలువైన నిధి లభ్యం!

Water Tank Cooling Tips

ఎలా ఉపయోగించాలి?:

మొదటి పొర (ఇన్సులేషన్): అల్యూమినియం ఫాయిల్‌ను నేరుగా ట్యాంకుపై చుడితే అది గాలికి చినిగిపోయే అవకాశం ఉంది. అందువల్ల మొదట ట్యాంకు చుట్టూ ఏదైనా పాత కాటన్ బెడ్‌షీట్, కాటన్ చీర లేదా జనపనార (Jute) బస్తాలను గట్టిగా చుట్టాలి. ఇది బయటి వేడి నేరుగా ప్లాస్టిక్‌కు తగలకుండా ఆపుతుంది.

రెండో పొర (ఫాయిల్ పేపర్): ఇప్పుడు ఆ బస్తా లేదా గుడ్డపై అల్యూమినియం ఫాయిల్ పేపర్‌ను చుట్టాలి. ఇక్కడ ముఖ్యమైన విషయం ఏంటంటే, ఫాయిల్ పేపర్‌లో ఎక్కువ మెరిసే భాగాన్ని (Shiny Side) బయటి వైపుకు ఉంచాలి. ట్యాంక్ పైభాగం (మూత) నుండి కిందటి వరకు దీనిని పూర్తిగా కవర్ చేసి దారంతో లేదా టేపుతో కట్టేయాలి.

ఇతర ప్రయోజనాలు:

ఈ చిన్న చిట్కా వల్ల కేవలం నీరు చల్లగా ఉండటమే కాకుండా, ఎండ తీవ్రతకు ప్లాస్టిక్ ట్యాంకులు పాడైపోకుండా, పగుళ్లు రాకుండా దీర్ఘకాలం మన్నుతాయి. అలాగే ట్యాంకు లోపల నాచు (Algae) పట్టకుండా ఉంటుంది. వేసవి తాపానికి భారీ ఖర్చుతో కూడిన కూలింగ్ షెడ్లు వేయలేని వారికి ఈ సింపుల్ హోమ్ హ్యాక్ ఎంతో ఉపయోగకరంగా ఉంటుంది.

మరిన్ని లైఫ్ స్టైల్ న్యూస్ కోసం క్లిక్ చేయండి..