Viral Video: ఏంట్రా సామి..! కిలోల బంగారం, వెండి షాపులో పెట్టుకుని గాఢనిద్ర.. కట్ చేస్తే..!

సోషల్ మీడియాలో ప్రస్తుతం ఒక సీసీటీవీ వీడియో విపరీతంగా వైరల్ అవుతోంది. ఈ వీడియోలో నగల దుకాణం యజమాని గాఢ నిద్రలో ఉండగా, ఓ దొంగ చాకచక్యంగా దుకాణంలోకి ప్రవేశించి బంగారం, వెండిని దోచుకుని వెళ్లిపోయాడు. దొంగతనం జరుగుతున్నంత సేపు యజమాని నిద్రలోనే ఉండటం నెటిజన్లను ఆశ్చర్యానికి గురిచేస్తోంది.

వైరల్ వీడియోలో కనిపిస్తున్న దృశ్యాల ప్రకారం, నగల దుకాణంలో ఓ వ్యక్తి ప్రశాంతంగా నిద్రపోయాడు. ఇదే సమయంలో ఒక దొంగ నెమ్మదిగా దుకాణంలోకి ప్రవేశించి ఎలాంటి శబ్దం చేయకుండా విలువైన వస్తువులను సేకరించాడు. వీడియోతో పాటు ప్రచారం అవుతున్న సమాచారం ప్రకారం, దొంగ సుమారు 5 కిలోల బంగారం, 12 కిలోల వెండిని ఎత్తుకెళ్లినట్లు చెబుతున్నారు. అయితే ఈ వాదనలపై అధికారిక ధృవీకరణ లేదు. ఈ వీడియోలో దొంగ బంగారం, వెండిని తీసుకున్న తర్వాత డ్రాయర్‌ను తిరిగి మూసివేసి ప్రశాంతంగా బయటకు వెళ్లిపోతాడు. దొంగ వెళ్లిపోయే సమయంలో యజమాని మేల్కొన్నట్లు కనిపించినప్పటికీ, అప్పటికే ఆలస్యం అయిపోతుంది. దొంగ ఎలాంటి అడ్డంకులు లేకుండా అక్కడి నుంచి పారిపోయాడు.

ఈ వీడియో వైరల్ కావడంతో సోషల్ మీడియాలో భిన్నాభిప్రాయాలు వ్యక్తమవుతున్నాయి. కొందరు ఇది నిజంగా జరిగిన సంఘటన అని నమ్ముతుండగా, మరికొందరు వైరల్ కావడం కోసం రూపొందించిన నాటకీయ వీడియో కావచ్చని అనుమానిస్తున్నారు. నిజానిజాలు పక్కన పెడితే, ఈ వీడియోపై నెటిజన్లు భారీగా స్పందిస్తున్నారు. “దొంగ నిజాయితీగా డ్రాయర్ కూడా మూసి వెళ్లిపోయాడు”, “అంతా దోచుకున్న తర్వాతే మామయ్య నిద్ర లేచాడు”, “ఇంత గాఢంగా నిద్రపోవడం సాధ్యమేనా?” అంటూ సరదా కామెంట్లు చేస్తున్నారు. ప్రస్తుతం ఈ వీడియో సోషల్ మీడియాలో లక్షలాది వ్యూస్ సాధిస్తూ హాట్ టాపిక్‌గా మారింది.

షాకింగ్ వీడియో ఇక్కడ చూడండి…

चाचा सो रहे थे 👀

चोरों ने 5Kg सोना 12Kg चांदी साफ कर दी

अब चाचा दिन में छोड़ो रात में नहीं सोयेगा ❌ pic.twitter.com/2NJygYdlYH

— Soniya Deshwal (@ImSoniya24) June 15, 2026

మరిన్ని ట్రెండింగ్ వార్తల కోసం ఇక్కడ క్లిక్ చేయండి…