Viral Video: ఇదేందయా ఇదీ.. ఇదేం వింత.. ఉన్నచోటనే మాయమైపోతున్న యువతి.. వీడియో చూస్తే ఫ్యూజులు ఔట్..

వ్యక్తులు తాము ఉన్న చోటనే మాయం అవడం ఎప్పుడైనా చూశారా?.. సినిమాల్లో చూశామని బదులివ్వకండి. ఎందుకంటే.. సినిమాల్లో అందరూ చూసిన ముచ్చటే ఇది. కానీ, నిజ జీవితంలోనూ ఇలాంటిది..

Invisible

Updated on: Dec 24, 2022 | 6:06 AM

వ్యక్తులు తాము ఉన్న చోటనే మాయం అవడం ఎప్పుడైనా చూశారా?.. సినిమాల్లో చూశామని బదులివ్వకండి. ఎందుకంటే.. సినిమాల్లో అందరూ చూసిన ముచ్చటే ఇది. కానీ, నిజ జీవితంలోనూ ఇలాంటిది ఉంటుందని, వస్తుందని ఎప్పుడైనా ఊహించారా? అవును, మీరు చదివేది అక్షరాలా నిజం. ఓ అమ్మాయి ఉన్నట్లుండి మాయం అవుతుంది. దానికి కారణం ఓ క్లాత్. దానితో కవర్ చేసుకుంటే చాలు.. కనిపించకుండా మాయమైపోతోంది యువతి. పాత సినిమాల్లో అబ్రదకదబ్ర అనగానే మాయం అయినట్లు.. ఈ యువతి కూడా తనకు అడ్డుగా క్లాత్ పెట్టగానే మాయమైపోతోంది. ఆ క్లాత్ ఉన్నంత వరకు ఆమె కనిపించడం లేదు. ఎప్పుడైతే ఆ క్లాత్ తీసేస్తుందో.. అప్పుడు మళ్లీ కనిపిస్తోంది. ఇందుకు సంబంధించిన షాకింగ్ వీడియో ఒకటి సోషల్ మీడియాలో వైరల్ అవుతోంది. అది చూసి నెటిజన్లు నోరెళ్ల బెడుతున్నారు.

Learn Something New పేరుతో ఉన్న ట్విట్టర్ అకౌంట్‌లో ఈ వీడియోను పోస్ట్ చేశారు. ఈ వీడియోలో ఓ యువతి.. తన రెండు చేతులతో ఒక ఇన్‌విజబుల్ క్లాత్‌ను పట్టుకుంది. ఆ పక్కనే మరికొందరు క్యాబిన్‌లో ఉన్నారు. అయితే, ఈ వింత క్లాత్‌ను పట్టుకున్న అమ్మాయి.. దానితో తనను తాను కవర్ చేసుకుంది. ఎంత వరకు కవర్ చేసుకుంటే.. అంత వరకు ఆమె కనిపించకుండాపోతోంది. అదే సమయంలో పూర్తిగా కవర్ చేసుకుంటే.. పూర్తిగా మాయమైపోతోంది. చూడటానికి చాలా విచిత్రంగా ఉంది.

ఈ వీడియోను శుక్రవారం ఉదయం ట్విట్టర్‌లో పోస్ట్ చేయగా.. విపరీతంగా వైరల్ అవుతోంది. షేర్ చేసిన కొద్ది గంటల్లో 4 లక్షలకు పైగా వ్యూస్, వేలాది లైక్స్, రీట్వీట్స్ చేయడం జరిగింది. ఈ వింత చూసి నెటిజన్లు షాక్ అవుతున్నారు? ఇది నిజంగా నిజమేనా? లేక ఎడిటింగ్ ఎఫెక్టా? అని సందిగ్ధంలో ఉన్నారు. ఏది ఏమైనా ఈ వీడియో మాత్రం చాలా అట్రాక్ట్ చేస్తోంది. ఇంకెందుకు ఆలస్యం వీడియోను మీరూ ఓసారి చూడండి.