Viral Video: జలపాతం మధ్యలో రైలు.. సీన్ అదిరిపోయింది.. వీడియో చూస్తే వావ్ అనాల్సిందే!

దూద్‌సాగర్ జలపాతం.. దీని గురించి తెలియనివారు ఉండరు. భారత్‌లోని అతి పొడవైన(310 మీటర్లు) జలపాతంగా దీనికి పేరుంది. మాండవీ నది కర్ణాటకలోని బెలగావి నుంచి మొదలయ్యి.. పశ్చిమ కనుమల నుంచి పనాజీ, ఆపై అరేబియా సముద్రంలో కలుస్తుంది. ఈ ప్రయాణంలోనే వాటర్ ఫాల్స్ రూపుదిద్దుకుంటాయి.

ఇదిలా ఉంటే ప్రకృతి రమణీయ దృశ్యాలను చూసేందుకు రెండు కళ్లు సరిపోవు. మరీ ముఖ్యంగా గోవా- బెంగళూరు రైలు మార్గంలో ఉన్న జలపాతాల సెలఏరులు గురించి ఎంత చెప్పిన తక్కువే. ఆ ప్రయాణం మధ్యలో కనిపించే వాటర్‌ ఫాల్స్‌ సీన్‌కు ఎవ్వరైనా ఫిదా కావాల్సిందే. ఇక తాజాగా భారీ​ వర్షాల దాటికి దూద్‌సాగర్‌ జలపాతం వెల్లువలా దూకుతున్న ఓ వీడియో నెటిజన్లను కనువిందు చేస్తోంది. అది కాస్తా సామాజిక మాధ్యమాల్లో వైరల్‌గా మారింది.

ఈ మధ్య కురిసిన భారీ వర్షాలకు జలపాతం ఉగ్రరూపం దాల్చింది. నదీ ప్రవాహం పెరగడంతో గోవా-బెంగళూరు రైలును మధ్యలోనే నిలిపివేయాల్సి వచ్చింది. దానికి సంబంధించిన వీడియోను ప్రసార భారతీ న్యూస్ సర్వీసెస్ ట్విట్టర్‌లో షేర్ చేసింది. ఆ వీడియోను చూసిన నెటిజన్లు ఆశ్చర్యానికి గురి కావడమే కాకుండా కామెంట్స్‌తో హోరెత్తిస్తున్నారు. ”దృశ్యం చూడటానికి ఎంతో రమణీయంగా ఉన్నా.. కాసింత భయంగానూ ఉందని” ఒకరు కామెంట్ చేయగా.. ”పాపం! ఆ రైలులోని ప్యాసింజర్‌లు చాలా భయపడి ఉంటారేమో” అంటూ మరొకరు కామెంట్ చేశారు.