Viral: భార్యతో కలిసి హోటల్‌కు వెళ్ళిన వ్యక్తి.. ఆరా తీయగా ఫ్యూజులౌట్.. శృంగార యాత్రల గుట్టురట్టు..
ఓ ప్రబుద్దుడు తన గర్ల్‌ఫ్రెండ్‌తో ఎంజాయ్ చేసేందుకు పెద్ద స్కెచ్ వేశాడు. కట్టుకున్న భార్యకు బిజినెస్ ట్రిప్పులని చెబుతూ..
Updated on: Feb 06, 2022 | 8:06 AM
ఓ ప్రబుద్దుడు తన గర్ల్‌ఫ్రెండ్‌తో ఎంజాయ్ చేసేందుకు పెద్ద స్కెచ్ వేశాడు. కట్టుకున్న భార్యకు బిజినెస్ ట్రిప్పులని చెబుతూ.. గర్ల్‌ఫ్రెండ్‌తో శృంగార యాత్రలు చేస్తూ వచ్చాడు. అయితే భర్త ప్రవర్తనపై అనుమానపడ్డ భార్య.. అతడ్ని రెడ్ హ్యాండెడ్‌గా పట్టుకుంది. ఆ స్టోరీ ఏంటి.? ఆమె ఎలా రెడ్ హ్యాండెడ్‌గా పట్టుకుందో తెలుసుకుందాం.!
వివరాల్లోకి వెళ్తే.. గుజరాత్‌కు చెందిన 41 ఏళ్ల వ్యాపారవేత్త మరో మహిళతో వివాహేతర సంబంధాన్ని ఏర్పరచుకున్నాడు. తరచూ బిజినెస్ ట్రిప్పులంటూ వేరే ఊర్లకు వెళ్లాలని భార్యతో చెప్పి గర్ల్‌ఫ్రెండ్‌తో చెక్కేసేవాడు. ఇక భర్త ప్రవర్తనపై భార్యకు అనుమానం వచ్చింది. బిజినెస్ ట్రిప్పులను బయటికి వెళ్తున్న భర్త ఏం చేస్తున్నాడో తెలుసుకునేందుకు టెక్నాలజీని ఉపయోగించింది. సీక్రెట్‌గా భర్త వాహనానికి ఓ జీపీఎస్ ట్రాకర్‌ను ఫిక్స్ చేసింది. గతేడాది నవంబర్‌లో బిజినెస్ పనుల నిమిత్తం బెంగుళూరు వెళ్తున్నానంటూ భార్యకు చెప్పి వెళ్లాడు. అయితే జీపీఎస్ లొకేషన్ ప్రకారం తన భర్త కారు పూణేలో ఉన్నట్లు గుర్తించింది సదరు మహిళ. దీనితో ఆమె అనుమానం మరింత బలపడింది.
వెంటనే భర్త బస చేసిన హోటల్‌కు వెళ్లింది. అక్కడున్న హోటల్ సిబ్బందిని ఎంక్వయిరీ చేసింది. ఆ వ్యాపారవేత్త తన భార్యతో కలిసి చెకిన్ అయ్యాడని వారు చెప్పారు. ఇది అస్సలు సాధ్యం కాదే అనుకుంటూ ఆమె హోటల్ సిబ్బందిని విజ్ఞప్తి చేసి సీసీటీవీ ఫుటేజ్ చెక్ చేసింది. తన భర్త వేరే మహిళతో చెకిన్ అవుతున్నట్లు కనిపించింది. అంతేకాదు అతడి గర్ల్‌ఫ్రెండ్‌ను భార్యగా చిత్రీకరించేందుకు.. తన ఆధార్ కార్డును ఉపయోగించినట్లు ఆమె గుర్తించింది. దీనితో సదరు మహిళ తన భర్త వివాహేతర సంబంధంపై పోలీసులకు ఫిర్యాదు చేసింది. సెక్షన్ 419 కింద కేసు నమోదు చేసిన పోలీసులు.. పరారీలో ఉన్న సదరు వ్యాపారవేత్త, అతడి ప్రేయసి కోసం గాలింపు చర్యలు చేపట్టారు.
ఇవి చదవండి:
