Oldmonk Rum Tea: ఓల్డ్‌మంక్‌తో గరం గరం తందూరీ ఛాయ్‌.. లొట్టలేసుకుని తాగుతోన్న కస్టమర్లు.. ఎక్కడంటే?
ఈనేపథ్యంలో టీ అమ్ముకునే వ్యాపారి కూడా త‌న ఛాయ్‌కి గిరాకీ పెంచుకునేందుకు వినూత్నంగా ఆలోచించాడు. ఓల్డ్ మాంక్ రమ్.. గరం గరం ఛాయ్‌.. ఈ రెండింటిని క‌లిపి తందూరీ టీ త‌యారుచేశాడు.
Updated on: Nov 06, 2022 | 6:39 PM
మెదడుకు సాంత్వన కలిగించే టీలో రకరకాల ఫ్లేవర్లు, ఉంటాయి. అల్లం టీ, బాదం టీ, బ్లాక్‌ టీ, గ్రీన్‌ టీ, ఊలాంగ్‌ టీ.. ఇలా ఎన్నో రకాలు ఉంటాయి. ఇదిలా ఉంటే కస్టమర్లను ఆకట్టుకోవడానికి వ్యాపారులు ఎప్పటికప్పుడు కొత్త కొత్త ప్రయోగాలు చేస్తుంటారు. ఈనేపథ్యంలో టీ అమ్ముకునే వ్యాపారి కూడా త‌న ఛాయ్‌కి గిరాకీ పెంచుకునేందుకు వినూత్నంగా ఆలోచించాడు. ఓల్డ్ మాంక్ రమ్.. గరం గరం ఛాయ్‌.. ఈ రెండింటిని క‌లిపి తందూరీ టీ త‌యారుచేశాడు. గోవా బీచ్ లోని ఓ టీ స్టాల్ వ్యాపారి ఈ వెరైటీ ఛాయ్‌ను తయారుచేయగా దీనికి సంబంధించిన వీడియో ఇప్పుడు ప్రస్తుతం సోషల్‌ మీడియాలో వైరల్‌గా మారింది. ఈ ఛాయ్‌ పేరు మాత్రమే కాదు తయారీ కూడా ఎంతో ప్రత్యేకంగానే ఉంటుంది. వీడియో ప్రకారం.. ఛాయ్‌ తయారీ పాత్రలో మొదట కొద్దిగా బెల్లం పొడి వేసి మంటపై ఉంచాడు. ఆతర్వాత అందులో ఓల్డ్ మాంక్ రమ్ పోశాడు. ఆపై టీ పొడి వేశాడు. చివరిగా వేడి వేడి టీని మ‌ట్టి క‌ప్పుల్లో పోసి కస్టమర్లకు సర్వ్‌ చేయడం మనం చూడవచ్చు.
గోవాలో టూరిస్టులు ఎక్కువగా తిరిగే బీచ్‌లో ఈ టీ స్టా్ల్‌ ఏర్పాటు చేసుకున్నాడు. దీంతో బీచ్ సందర్శనకు వచ్చిన వాళ్లందరూ లొట్టలేసుకుని మరీ వెరైటీ ఛాయ్‌ని తాగుతున్నారు. ఈ టీ రుచిని కొంద‌రు మెచ్చుకుంటుంటే, మ‌రికొంద‌రేమో అస్సలు బాగాలేదు అంటూ పెదవి విరిస్తున్నారు. కాగా అత‌ను టీ త‌యారుచేస్తున్న వీడియోను ఒక యూజ‌ర్‌ ట్విట్టర్‌లో పోస్ట్‌ చేశాడు. దీంతో ఈ వీడియో కాస్తా ఇప్పుడు ఆన్‌లైన్‌లో తెగ వైర‌ల్ అవుతోంది.
Old monk tea in Goa. The end is near!!! ? pic.twitter.com/1AYI0ikR40
— Dr V ?? (@DrVW30) November 3, 2022
మరిన్ని ట్రెండింగ్ వార్తల కోసం క్లిక్ చేయండి..
