Viral Video: ప్రాథమిక పాఠశాలలో పొట్టుపొట్టు కొట్టుకున్న మహిళా టీచర్లు… వీడియో వైరల్‌ కావడంతో అధికారులు సీరియస్‌

Teachers Fighting In School

ఉత్తరప్రదేశ్‌లోని మధురలో ఒక షాకింగ్‌ సంఘటన జరిగింది. స్థానిక ప్రాథమిక పాఠశాలలో ఇద్దరు మహిళలు పొట్టు పొట్టు కొట్టుకున్నారు. వారిలో ఒకరు అంగన్‌వాడీ కార్యకర్త అయితే మరొకరు అసిస్టెంట్ టీచర్. ఇద్దరి మహిళల మధ్య జరిగిన ఘర్షణ వీడియో సోషల్ మీడియాలో వైరల్ అవుతోంది. టీచర్లు కొట్టుకోవడంతో విద్యార్థులు భయాందోళనలకు గురయ్యారు. అయితే ఓ విద్యార్థి తమ టీచర్‌కు మద్దతుగా అంగన్‌వాడీ కార్యకర్తపై దాడి చేస్తున్నట్లు వీడియోలో కనిపించింది.

ప్రాథమిక పాఠశాల మహిళా ఉపాధ్యాయురాలు, అంగన్‌వాడీ కార్యకర్త ఇద్దరూ నేలపై పడుకుని ఒకరి జుట్టు ఒకరు లాగుతున్నట్లు వీడియోలో కనిపించింది. వారు ఒకరినొకరు చెంపదెబ్బ కొట్టుకోవడం, కాలుతో తన్నడం కూడా కనిపిస్తుంది. పాఠశాలలోని చిన్న పిల్లలు కూడా ఈ గొడవలో పాల్గొన్నారు. వారు అంగన్‌వాడీ కార్యకర్తను నేలపై ఉండగా, ఇద్దరూ ఒకరి జుట్టు ఒకరు లాగుతున్నట్లు కనిపిస్తుంది.

ఈ సంఘటనకు సంబంధించిన వీడియోలో పాఠశాల లోపల విద్యార్థుల ముందు గొడవ జరిగినట్లు కనిపిస్తోంది. ఆశ్చర్యకరంగా, ఈ వీడియోలో, కొంతమంది పిల్లలు గొడవ సమయంలో మహిళలను తన్నడం కూడా కనిపిస్తుంది. విద్యా శాఖ అధికారులు వీడియో చూసిన వెంటనే చర్య తీసుకోవాలని నిర్ణయించుకున్నారు. ఈ కేసును దర్యాప్తు చేయాలని విద్యాశాఖ అధికారి కైలాష్ శుక్లాను కోరారు.

ప్రాథమిక దర్యాప్తులో అసిస్టెంట్ టీచర్ ప్రీతి తివారీ గొడవను ప్రారంభించారని, అంగన్‌వాడీ కార్యకర్త చంద్రవతిపై మొదట దాడి చేసిందని తెలుస్తోంది. ప్రీతి తివారీ వివాదంలో చిక్కుకోవడం ఇదే మొదటిసారి కాదని, ఆమెపై గతంలో ఇలాంటి ఫిర్యాదులు ఉన్నట్లు తెలిసింది. ఆ గొడవ హింసాత్మకంగా మారడంతో అంగన్‌వాడీ కార్యకర్త తీవ్రంగా గాయపడ్డాడు. ఆమె పరిస్థితి విషమంగా మారడంతో ఫరీదాబాద్‌లోని ఆసుపత్రికి తరలించి, ఐసియులో చికిత్స అందిస్తున్నారు. దర్యాప్తు నివేదిక ఆధారంగా చర్యలు తీసుకుంటామని విద్యాశాఖ ఉన్నతాధికారులు తెలిపారు.

వీడియో చూడండి: