Dramatic video: నైట్‌క్లబ్‌లో వివాదం, రోడ్డు మీదకొచ్చి విధ్వంసం, సోషల్ మీడియాలో హల్‌చల్ చేస్తున్న వీడియో..
శుక్రవారం జరిగిన ఈ ఘటనలో కాల్పులు కూడా జరిగాయని మీడియా వెల్లడించింది. దాడి ఘటనకు సంబంధించిన వీడియో ప్రస్తుతం సోషల్ మీడియాలో వైరల్ అవుతుంది. వీడియోకు సంబంధించి..
హాంకాంగ్‌లోని లాన్ క్వాయ్ ఫాంగ్ ప్రాంతంలోని నైట్ క్లబ్ వెలుపల కర్రలు, ఆయుధాలతో దాడి చేయడంతో ముగ్గురు వ్యక్తులు గాయపడ్డారని స్థానిక మీడియా తెలిపింది. శుక్రవారం జరిగిన ఈ ఘటనలో కాల్పులు కూడా జరిగాయని మీడియా వెల్లడించింది. దాడి ఘటనకు సంబంధించిన వీడియో ప్రస్తుతం సోషల్ మీడియాలో వైరల్ అవుతుంది. వీడియోకు సంబంధించి జాతీయ మీడియాలో వచ్చిన కథనం ప్రకారం వివరాల్లోకి వెళితే..
సోషల్ మీడియాలో ఓ వీడియో హల్‌చల్ చేస్తోంది. ట్రాఫిక్ జంక్షన్‌లో వాహనాలు వరుసగా ఆగిపోతున్నట్లు ఆ వీడియోలో కనిపిస్తుంది. ఈ క్రమంలో నలుగురు వ్యక్తులు కర్రలు, ఆయుధాలు పట్టుకుని ఓ కారు నుండి బయటకు వస్తారు. ట్రాఫిక్ సిగ్నల్ లైట్ వద్ద ఆగిపోయి ఆ ప్రక్కనే ఉన్న తెల్లటి కారుపై దాడి చేస్తారు. కొద్దిసేపటికి తెల్లటి కారు వెనుక ఉన్న ఒక నల్ల రంగు వ్యాన్, కుడివైపునకు వంగి, రెండు కార్ల మధ్య నుంచి వేగంగా వెళ్లేముందు దాడి చేసిన ఇద్దరిని ఢీకొట్టినట్లు ఆ వీడియోలో కనిపిస్తుంది. ఫుటేజీలో దాడి చేసేవారు కనిపిస్తారు, కానీ ఆకస్మికంగా సన్నివేశం నుండి పారిపోయిన దృశ్యం కనిపిస్తుంది.
అయితే, ఈ ఘటనకు సంబంధించి స్థానిక పోలీసులు తెలిపిన వివరాల ప్రకారం.. ‘రెండు వాహనాల్లో మొత్తం ఎనిమిది మంది వ్యక్తులు ఉన్నారు. దాడి చేసిన వారిలో ఒకరు దాడి సమయంలో తుపాకీని తీసి దుండగులపై కాల్పులు జరిపారు. దాడి చేసిన వారిలో ఒకరు వెనుక భాగంలో కాల్చి చంపబడ్డారు. మరొకరిని కారు ఢీకొట్టింది. మరో వ్యక్తి తలపై గాయమైంది. ముగ్గురినీ ఆసుపత్రికి తరలించినట్టు పోలీసులు గుర్తించారు. బార్‌లో రెండు గ్రూపుల మధ్య జరిగిన వివాదమే ఈ ఘర్షణకు కారణమని తెలిసింది.
స్థానిక కాలమానం ప్రకారం తెల్లవారుజామున 2 గంటలకు దాడి జరిగిందని, ఆ ప్రాంతం నుంచి వెళ్లిపోవడానికి సిద్ధంగా ఉన్న వ్యక్తులపై కత్తులతో దాడికి దిగారని తెలిసింది. ఇందుకు సంబంధించి పోలీసులు ముగ్గురు వ్యక్తులను అరెస్ట్ చేసి, ఆయుధాలు స్వాధీనం చేసుకున్నట్టు సమాచారం.