Viral: ఏడాదిగా తీవ్రమైన కడుపునొప్పి.. భరించలేక ఆస్పత్రికెళ్లిన మహిళ.. డాక్టర్లు ఎక్స్‌రే తీయగా.!

గడిచిన ఏడాది కాలంగా ఓ మహిళ కడుపునొప్పితో బాధపడింది. ఎన్ని మందులు వాడినా.. నొప్పి నుంచి ఉపశమనం పొందలేదు. చివరికి ఓ ఆసుపత్రిలో చేరి.. ఎక్స్‌రే తీయించుకోగా.. అసలు విషయం బయటపడింది. తన కడుపులో ఉన్న వస్తువును చూసి బిత్తరపోయింది. ఈ ఘటన 2001వ సంవత్సరంలో ఆస్ట్రేలియాలో జరిగింది. ఇంతకీ అసలేం జరిగిందంటే.?

వివరాల్లోకి వెళ్తే.. 2001లో సిడ్నీ నగరానికి చెందిన పాట్ స్కిన్నర్ అనే మహిళకు వైద్యులు అరుదైన శస్త్ర చికిత్స నిర్వహించారు. కడుపునొప్పి కారణంతో ఆమె ఈ ఆపరేషన్ చేయించుకోగా.. నొప్పి తగ్గకపోగా.. మరింత ఎక్కువైంది. దీంతో ఏడాదిగా నరకం అనుభవించింది. చివరికి స్థానిక ఆసుపత్రికి వెళ్లి.. మళ్లీ ఎక్స్‌రే తీయించుకున్నారు.

ఆ ఎక్స్‌రేలో మహిళ కడుపులో ఏడు అంగుళాల సర్జికల్ కత్తెర ఉన్నట్లు డాక్టర్లు గుర్తించారు. ఆపరేషన్ చేసిన సమయంలో డాక్టర్లు ఆమె కడుపులో కత్తెర పెట్టి మర్చిపోయినట్లు గుర్తించారు. అదృష్టవశాత్తు ఏడాది పాటు ఆ కత్తెర ఆమె కడుపులో ఉన్నా.. ఎలాంటి ఇన్ఫెక్షన్ అవ్వలేదని వైద్యులు చెప్పారు. కాగా, మరో శస్త్రచికిత్స నిర్వహించి కత్తెరను బయటికి తీశారు. అటు ఈ ఉదంతం మొత్తం సోషల్ మీడియాలో వైరల్ అవుతోంది.

In 2001, Pat Skinner, 69, had part of her colon removed at Sydney’s St. George Hospital in. But she said that she continued to suffer intense pain in her abdomen for months after the operation.

Eventually, she demanded doctors x-ray her abdomen. They did and discovered the… pic.twitter.com/kImEihrR3D

— Morbid Knowledge (@Morbidful) June 21, 2023