Watch Video: ఎగిరే విమానంలో మంటలు.. ఎమర్జెన్సీ ల్యాండింగ్.. భయానక దృశ్యాలు వైరల్‌..!

Airplane Fire

ప్రయాణికులతో వెళ్తున్న విమానానికి పెను విమాన ప్రమాదం తృటిలో తప్పింది. అమెరికాలో ఓ కార్గో విమానానికి ఆకాశంలో మంటలంటుకొన్నాయి. మియామి అంతర్జాతీయ విమానాశ్రయంలో ఒక విమానం అత్యవసరంగా ల్యాండింగ్ చేయాల్సి వచ్చింది. విమానం గాలిలో ఉండగా మంటలు చెలరేగాయి. మియామీ ఎయిర్‌పోర్టు నుంచి అట్లాస్‌ ఎయిర్‌ కంపెనీకి చెందిన బోయింగ్‌ 747-8 కార్గో విమానం గురువారం టేకాఫ్‌ అయిన కొద్దిసేపటికే ఎడమవైపు ఉన్న ఇంజిన్‌కు మంటలంటుకున్నాయి.. దీంతో అదే ఎయిర్‌పోర్టులో విమానాన్ని అత్యవసరంగా ల్యాండ్‌ చేశారు.

మియామీ ఇంటర్నేషనల్‌ ఎయిర్‌పోర్టు నుంచి అట్లాస్‌ ఎయిర్‌ కంపెనీకి చెందిన బోయింగ్‌ 747-8 కార్గో విమానం గురువారం టేకాఫ్‌ అయిన కొద్దిసేపటికే ఈ ప్రమాదం జరిగింది. దీంతో అదే ఎయిర్‌పోర్టులో విమానాన్ని అత్యవసరంగా దించేశారు. విమానం సిబ్బంది అన్ని ప్రామాణిక విధానాలను అనుసరించి మియామీ ఎయిర్‌పోర్ట్‌లో సురక్షితంగా ల్యాండ్ అయ్యారని ఎయిర్‌లైన్ ఒక ప్రకటనలో తెలిపింది. ఈ ఘటనపై దర్యాప్తు ప్రారంభిస్తామని కంపెనీ తెలిపింది. అయితే, విమానంలో ఎంత మంది సిబ్బంది ఉన్నారు.?అనే విషయంపై ఇంకా స్పష్టత రాలేదు. ఈ ఘటనలో ఎవరికీ ఎలాంటి హాని జరుగలేదని అధికారులు తెలిపారు.

కాగా, విమానానికి మంటలు అంటుకున్న దృశ్యాలకు సంబంధించిన వీడియో మాత్రం సోషల్‌మీడియాలో వైరల్‌గా మారింది. అందులో ఆకాశం మధ్యలో ఒక విమానం మంటలంటుకుని ఉండటం చూడవచ్చు. అటువంటి అనేక వీడియోలు సోషల్ మీడియాలో వైరల్ అవుతున్నాయి. అయితే, ఈ వీడియోలు ఇంకా ధృవీకరించబడలేదు.

మరిన్ని ట్రెండింగ్ న్యూస్ కోసం క్లిక్ చేయండి