Viral: ఒకవైపు అందం.. మరోవైపు ధైర్యం.. ఈ అమ్మడి టాలెంట్ చూస్తే బిత్తరపోతారు
అమ్మాయిల్లో అందమే కాదు.. తెగువ కూడా ఎక్కువే. తేడా వచ్చిందంటే తాట తీస్తారు. సాధారణంగా పాములంటే అందరికీ భయమే. ఇక కొందరు యువతులైతే పాములను దూరం నుంచి..
అమ్మాయిల్లో అందమే కాదు.. తెగువ కూడా ఎక్కువే. తేడా వచ్చిందంటే తాట తీస్తారు. సాధారణంగా పాములంటే అందరికీ భయమే. ఇక కొందరు యువతులైతే పాములను దూరం నుంచి చూస్తేనే దడుసుకుంటారు. అయితే ఇక్కడ ఓ యువతి.. ఒట్టి చేతులతో పొడవాటి విషసర్పాన్ని ఇట్టే పట్టేసింది. అందంతో పాటు ధైర్యం కూడా తనలో ఉందని నిరూపించింది. ఈ వీడియో సోషల్ మీడియాలో తెగ వైరల్ అవుతోంది.
వైరల్ వీడియో ప్రకారం.. సైబా అనే యువతి ఓ ఇంట్లో దాగి ఉన్న ప్రమాదకరమైన ర్యాట్ స్నేక్‌ను ఒట్టి చేతులతో పట్టుకుని బయటకు లాగింది. అనంతరం ఆ పాముతో రకరకాల ఫోటోలకు పోజులిచ్చింది. ఆ పామును బంధించేందుకు అక్కడున్న గ్రామస్తులు భయంతో ముందుకు రాకపోగా.. ఈమె మాత్రం ఎక్కడా కూడా బెదరకుండా ఆ పామును ఓ గోనె సంచిలో వేసుకుని.. దూరంగా ఊరు బయట అడవిలో విడిచిపెట్టింది. ఓ యువతి ఇంత ధైర్యంగా పామును పట్టుకోవడం చూసి నెటిజన్లు ఆశ్చర్యపోతున్నారు. ఇందుకు సంబంధించిన వీడియో సోషల్ మీడియాలో వైరల్ అవుతుండగా.. ఇప్పటిదాకా దీనికి 10 మిలియన్లకు పైగా వ్యూస్ వచ్చిపడ్డాయి. ఈ వీడియోపై నెటిజన్లు వివిధ రకాల కామెంట్స్‌తో హోరెత్తిస్తున్నారు. లేట్ ఎందుకు మీరూ ఓ లుక్కేయండి.
View this post on Instagram
