Video: ‘ఎవడ్రా నువ్వు ఇంత టాలెంటెడ్‌గా ఉన్నావ్’.. ఈ కుర్రాడి టెక్నిక్‌కి నెటిజన్లు ఫిదా..!

ట్రాఫిక్ రూల్స్ ప్రకారం బండి బయటికి తీయాలంటే.. హెల్మెట్ తప్పనిసరి. అయితే ఈ మధ్యకాలంలో చాలామంది హెల్మెట్ లేకుండా రయ్.. రయ్ మంటూ బైక్స్ నడుపుతున్నారు. మరి హఠాత్తుగా పోలీసులు కంటపడితే.. కొందరు దొరికిపోతున్నారు. మరికొందరు రకరకాల ట్రిక్కులు ఉపయోగించి జరిమానాల నుంచి తప్పించుకుంటారు. తాజాగా ఓ కుర్రాడు ప్లే చేసిన ట్రిక్‌కు పోలీసులు చిత్తు అయ్యారు. ప్రస్తుతం ఇందుకు సంబంధించిన వీడియో వైరల్ అవుతోంది.

వైరల్ వీడియో ప్రకారం.. ఓ కుర్రాడు హెల్మెట్ లేకుండా స్కూటీపై వెళ్తున్నాడు. అంతలో రోడ్డుపై అతడికి ట్రాఫిక్ పోలీసులు కనిపించారు. దీంతో ఆ కుర్రాడు ఓ ట్రిక్కు ఉపయోగించి పోలీసుల నుంచి తప్పించుకున్నాడు. ఆ కుర్రాడు పోలీసులను చూడగానే స్కూటీ దిగి తోసుకుంటూ ముందుకు వెళ్లిపోయాడు. దీంతో పోలీసులు అతడిని పట్టించుకోలేదు. పోలీసులను దాటి పోగానే ఆ కుర్రాడు స్కూటీ స్టార్ట్ చేసుకుని వేగంగా అక్కడ నుంచి జారుకున్నాడు. దీన్ని అటుగా రోడ్డుపై వెళ్తున్న ఓ వ్యక్తి వీడియో తీసి సోషల్ మీడియాలో పోస్ట్ చేశాడు. అది కాస్తా ప్రస్తుతం సోషల్ మీడియాలో వైరల్ అవుతోంది. ‘ఈ ట్రిక్ తెలియక ఇప్పటికి ఎన్నోసార్లు ఫైన్ కట్టామా’ అని అనుకుంటూ నెటిజన్లు వరుసపెట్టి కామెంట్స్‌తో హోరెత్తిస్తున్నారు. లేట్ ఎందుకు మీరూ వీడియో చూసేయండి.

View this post on Instagram

A post shared by Entertainer ? (@aapara_nee_performance)