Funny Video: ‘చెవి’తో కూడా పాలు తాగుతారా? వీడియో చూసిన నెటిజన్ల మైండ్ బ్లాంక్..!

సాధారణంగా పాలు ఎలా తాగుతారు అని అడిగితే ఏం చెబుతారు? ఎవరైనా సరే నోటితోనే అని సమాధానం చెబుతారు. కానీ, ఇక్కడ ఓ మాతృమూర్తి మాత్రం.. తన చంటి బిడ్డకు చెవి ద్వారా పాలు తాగిస్తోంది.

Baby Feeding

Shiva Prajapati |
Updated on: Dec 24, 2022 | 6:41 AM

సాధారణంగా పాలు ఎలా తాగుతారు అని అడిగితే ఏం చెబుతారు? ఎవరైనా సరే నోటితోనే అని సమాధానం చెబుతారు. కానీ, ఇక్కడ ఓ మాతృమూర్తి మాత్రం.. తన చంటి బిడ్డకు చెవి ద్వారా పాలు తాగిస్తోంది. అవును, అదెలాగంటారా? అయితే, ఈ వివరాలు తెలుసుకోవాల్సిందే. తాజాగా సోషల్ మీడియాలో ఒక వీడియో వైరల్ అవుతోంది. ఈ వీడియో చూసి నెటిజన్లు హవ్వ అనుకుంటున్నారు. అదే సమయంలో.. అందులో కనిపిస్తున్న ఆ మాతృమూర్తి తీరుపై కొంచెం ఘాటుగానే రియాక్ట్ అవుతున్నారు. అవును, ఆమె చేసిన పని అలా ఉంది మరి. చిన్నారికి పాలు పట్టించాల్సిన ఆ తల్లి.. కబుర్లలో మునిగిపోయి వింత పని చేసింది. నోటితో తాపాల్సిన పాలను చెవితో తాగించే ప్రయత్నం చేసింది. పిల్లలకు పాలు తాగించే పాల డబ్బాను నోట్లో పెట్టకుండా.. చిన్నారి చెవిలో పెట్టింది. ఇక తన పాటికి తాను పక్కన వారితో కబుర్లు చెబుతోంది. చిన్నారి పాలు తాగుతుందా? లేదా? అసతు తాను ఎక్కడ డబ్బా పెట్టాను అనే సోయే లేకుండా.. ముచ్చట్లలో మునిగిపోయింది. అయితే, ఈ తతంగాన్నంతా పక్కనే ఉన్న కొందరు వీడియో తీశారు. ఆ వీడియోను సోషల్ మీడియాలో పోస్ట్ చేయడంతో అదికాస్తా వైరల్ అయ్యింది.

అయితే, చిన్నారికి పాలు పట్టించిన తల్లి కాసేపటికి తేరుకుని, అయ్యో అని నాలుక కరుచుకుంది. వెంటనే పాల డబ్బాను నోట్లో పెట్టి చిన్నారికి పాలు తాగించింది. తాను చేసిన పనికి సిగ్గుపడుతూ నవ్వుకుంది. ఇక ఈ వీడియో సోషల్ మీడియాలో ట్రెండ్ అవుతోంది. ఆమె వ్యవహరించిన తీరుపై నెటిజన్లు సెటైర్లు వేస్తున్నారు. పిల్లల విషయంలో ఇలా వ్యవహరించడం ఏంటంటూ కొందరు సీరియస్ అవుతుంటే.. కబుర్లుంటే చాలు ప్రపంచంతో సంబంధమే ఉండదని మరికొందరు కామెంట్స్ పెడుతున్నారు. ఇంకెందుకు ఆలస్యం.. వైరల్ అవుతున్న ఫన్నీ వీడియోపై మీరూ ఓ లుక్కేసుకోండి.