Viral: పంప్ హౌస్​లో మరమ్మత్తులు చేస్తోన్న సిబ్బంది.. అనుకోని అతిధి రాకతో ఒక్కసారిగా షాక్!

అదొక గోల్ఫ్ క్లబ్ హౌస్. అందులో పని చేసే సిబ్బంది తెల్లారి నుంచి తమ పనుల్లో నిమగ్నమై ఉన్నారు. అయితే క్లబ్​లోని పంప్ హౌస్​లో పలు రిపేర్లు చేస్తోన్న వారికి దూసుకొచ్చిన ఓ అనుకోని అతిధి ఒక్కసారిగా షాక్ ఇచ్చింది. దీనితో వారంతా దెబ్బకు దడుసుకున్నారు. మరి ఇంతకీ ఆ కథేంటంటే.?

వివరాల్లోకి వెళ్తే.. కర్ణాటకలోని శివమొగ్గ ప్రాంతంలో ఉన్న కిమ్మనే గోల్ఫ్ క్లబ్​లో 13 అడుగుల కింగ్ కోబ్రా ఒక్కసారిగా కలకలం రేపింది. అది క్లబ్​లోని పంప్​ హౌస్​లోకి వెళ్ళడంతో అక్కడున్న ప్లంబింగ్ పనులు చేస్తోన్న సిబ్బంది దెబ్బకు హడలెత్తిపోయారు. దాన్ని చూసిన వెంటనే బయటికి పరుగులు తీశారు. అనంతరం స్థానికంగా ఉండే స్నేక్ క్యాచర్ కిరణ్​కు సమాచారం అందించారు. అతడు ఆ 13 అడుగుల కింగ్ కోబ్రాను చాకచక్యంగా బయటికి తీసి.. ఆ తర్వాత అటవీ ప్రాంతంలో సురక్షితంగా విడిచిపెట్టాడు.