హైదరాబాద్‌లో మొండెం లేని తల కలకలం.. సీసీ ఫుటేజ్‌ను సేకరించిన పోలీసులు..!
ఈ ఏడాది ఏప్రిల్ 12న హైద్రాబాద్ కు సమీపంలోని తుక్కుగూడ సమీపంలో మహిళ డెడ్ బాడీ లభ్యమైంది. మహిళపై అత్యాచారం చేసి ఆమెను హత్య చేశారని పోలీసులు గుర్తించారు. ప్లాస్టిక్ బ్యాగులో మహిళ డెడ్ బాడీని నిందితులు వదిలివెళ్లారు. తాజాగా మరో సంఘటన కలకలం రేపుతోంది.
హైద‌రాబాద్ లో మొండెం లేని మహిళ తల కనిపించటం కలకలం రేపింది. హైద‌రాబాద్ లోని మలక్‌పేట తీగలగూడ వద్ద మొండెం లేని మహిళ తల కనిపించటంతో స్థానికులు భయబ్రాంతులకు గురయ్యారు. ఈ విషయాన్ని గుర్తించిన స్థానికులు వెంటనే పోలీసులకు సమాచారం ఇచ్చారు. మహిళను ఎక్కడో హత్య చేసి కవర్ లో తలను మూసీ సమీపంలో తీగలగూడ వద్ద వదిలివేశారని పోలీసులు అనుమానిస్తున్నారు. మహిళ మొండెం ఎక్కడ ఉందనే విషయమై పోలీసులు దర్యాప్తు చేస్తున్నారు. ఈ మహిళ ఎవరనే విషయమై కూడా పోలీసులు ఆరా తీస్తున్నారు.
మరో వైపు, మొండెం లేని తల మహిళను హత్య చేసినట్టుగా పోలీసులు భావిస్తున్నారు. ఈ మహిళను హత్య చేసిన దుండగుల కోసం దర్యాప్తును ప్రారంభించారు. సంఘటన స్థలంలో పోలీసులు క్లూస్ సేకరిస్తున్నారు. ఈ ప్రాంతంలోని సీసీటీవీ పుటేజీని కూడా పోలీసులు పరిశీలిస్తున్నారు.
అయితే, గతంలో కూడా ఇలాంటి ఘటనే జరిగింది. ఈ ఏడాది ఏప్రిల్ 12న హైద్రాబాద్ కు సమీపంలోని తుక్కుగూడ సమీపంలో మహిళ డెడ్ బాడీ లభ్యమైంది. మహిళపై అత్యాచారం చేసి ఆమెను హత్య చేశారని పోలీసులు గుర్తించారు. ప్లాస్టిక్ బ్యాగులో మహిళ డెడ్ బాడీని నిందితులు వదిలివెళ్లారు. తాజాగా మరో సంఘటన కలకలం రేపుతోంది. ఇలాంటి వరుస హత్యల నేపథ్యంలో ప్రజలు భయాందోళనలు వ్యక్తం చేస్తున్నారు.
మరిన్ని తెలంగాణ న్యూస్ కోసం ఇక్కడ లింక్ క్లిక్ చేయండి..