Formula-E Hyderabad: సచిన్ నుంచి రాంచరణ్ వరకు.. ఫార్ములా-ఈ లో సందడి చేసిన సెలబ్రెటీలు..
ఓవైపు హుస్సేన్ సాగర్.. మరోవైపు సందడి చేసిన సెలబ్రిటీలు.. ఫార్ములా రేస్‌కే సరికొత్త జోష్ తెచ్చారు. అటు సినీ.. ఇటు క్రీడా ప్రముఖులు స్పెషల్ అట్రాక్షన్ తీసుకొచ్చారు. హైదరాబాద్ నగరంలో ఫస్ట్ టైమ్ జరిగిన ఫార్ములా రేస్ సక్సెస్‌ఫుల్‌గా ముగిసింది.
ఓవైపు హుస్సేన్ సాగర్.. మరోవైపు సందడి చేసిన సెలబ్రిటీలు.. ఫార్ములా రేస్‌కే సరికొత్త జోష్ తెచ్చారు. అటు సినీ.. ఇటు క్రీడా ప్రముఖులు స్పెషల్ అట్రాక్షన్ తీసుకొచ్చారు. హైదరాబాద్ నగరంలో ఫస్ట్ టైమ్ జరిగిన ఫార్ములా రేస్ సక్సెస్‌ఫుల్‌గా ముగిసింది.
ఫార్ములా రేస్.. ఫార్ములా రేస్.. తెలుగు రాష్ట్రాలతో పాటు ఇండియాలో ఈ పోటీల గురించే ట్రెండింగ్ టాక్‌. హైదరాబాద్ అడ్డాగా జరిగిన ఈ రేసులో.. 320 కిలోమీటర్ల వేగంతో కార్లు దూసుకెళ్లడం ఒక ఎత్తైతే.. టోర్నీ వీక్షించేందుకు వచ్చిన సెలబ్రిటీలు స్పెషల్ అట్రాక్షన్. టాలీవుడ్ నుంచి బాలీవుడ్ వరకు సినిమాన స్టార్లు.. రాజకీయ, క్రీడా ప్రముఖులకు ఫార్ములా రేస్ గ్యాలరీలన్నీ కలర్‌ఫుల్‌గా కనిపించాయి.
ఫార్ములా ఈ రేసింగ్ పోటీలతో కలర్‌ఫుల్‌గా మారిన హుస్సేన్‌సాగర్‌ తీరంలో సెలబ్రిటీస్ సరికొత్త అందాలను తెచ్చారు. క్రికెటర్లు సచిన్ టెండుల్కర్‌, శిఖర్‌ ధావన్, దీపక్‌ హుడా, యజువేంద్ర చాహల్‌, బ్యాడ్మింటన్‌ కోచ్‌ పుల్లెల గోపీచంద్‌ రేస్‌ను తిలకించారు. టాలీవుడ్ హీరోలు రామ్‌చరణ్‌, నాగార్జున, నాగచైతన్య, కేజీఎఫ్ హీరో యష్, దుల్కర్ సల్మాన్, అఖిల్, సిద్దు జొన్నలగడ్డ, చిరంజీవి కుమార్తె సుస్మిత, మహేష్‌ బాబు కుమారుడు గౌతమ్‌.. రేసింగ్ పోటీలను తిలకించారు. రాంచరణ్‌తో కలిసి నాటునాటు సాంగ్‌కు పాదం కదిపారు ఆనంద్ మహీంద్రా.
కేంద్రమంత్రులు కిషన్ రెడ్డి, అనురాగ్ ఠాకూర్, మంత్రి కేటీఆర్, ఏపీ మంత్రి అమర్‌నాథ్, ఎంపీ రామ్మోహన్ నాయుడు సహా పలువురు ప్రజా ప్రతినిధులు పాల్గొన్నారు. ఫార్ములా ఈ- రేస్ కు అటెండ్ అయిన వీఐపీకు ట్రాఫిక్ కష్టాలు ఎదురయ్యాయి. సచిన్ టెండుల్కర్‌కు సరైన టైమ్‌లో వాహనం అందుబాటులో లేకపోవడంతో కిలోమీటర్ పైగా నడిచి వెళ్లారు. అయనకు అభివాదం తెలిపేందుకు అభిమానులు పోటీ పడ్డారు. ఈ క్రమంలో తోపులాట జరిగింది.
ఫార్ములా-ఈ రేస్ వరల్డ్‌ ఛాంపియన్‌షిప్‌ విజేతగా జీన్‌ ఎరిక్‌.. రెండో స్థానంలో నిక్‌ క్యాసిడీ, మూడో స్థానంలో సెబాస్టియన్‌కి బహుమతులు అందజేశారు మంత్రి కేటీఆర్, కేంద్ర మంత్రి అనురాగ్ ఠాగూర్. భారత్‌లో జరుగుతున్న ఫార్ములా-ఈ తొలి రేసుకు మన హైదరాబాద్ వేదికవడం గర్వకారణంగా ఉందన్నారు మంత్రి కేటీఆర్. మెరుపు వేగంతో దూసుకెళ్తోన్న కార్లను చూసి యువత సరికొత్త అనుభూతి పొందారని చెప్పారు. ట్రాఫిక్ ఇబ్బందులకు సారీ చెప్పారు.
ఇక శుక్రవారం జరిగిన ప్రాక్టీస్‌ సెషన్‌ను తిలకించేందుకు కూడా పలువురు స్టార్లు తరలి వచ్చారు. బ్యాడ్మింటన్‌ ఏస్‌ పీవీ సింధు, నారా బ్రాహ్మణి, నమ్రతా శిరోద్కర్‌, జూ.ఎన్టీఆర్‌ భార్య ప్రణతి తమ పిల్లలతో హాజరై సందడి చేశారు. కొన్ని చిన్న చిన్న సమస్యలు మినహాయిస్తే.. ఓవరాల్‌గా ఈవెంట్‌ను సక్సెస్ చేశారు నిర్వాహకులు.
దూసుకపోతున్న రేసింగ్ కార్లను ఆసక్తిగా చూస్తోన్న జనం..
దూసుకపోతోన్న రేసింగ్ కార్లు..
ఆనంద్ మహీంద్రాతో రాంచరణ్
ఫార్ములా-ఈ రేస్ చూసేందుకు తరలివస్తోన్న ప్రేక్షకులు
రేసింగ్ కార్లను తిలకిస్తోన్న మంత్రి కేటీఆర్