Balka Suman: మంత్రి కాన్వాయ్పై దాడి .. మాజీ ఎమ్మెల్యే బాల్క సుమన్కు రిమాండ్!
తెలంగాణలో గత 24గంటలుగా తీవ్ర దుమారం రేపుతున్న మాజీ ఎమ్మెల్యే బాల్క సుమన్కు వ్యవహారంలో కీలక పరిణామం చోటుచేసుకుంది. మంత్రి వివేక్ కాన్వాయ్పై దాడి కేసులో బీఆర్ఎస్ మాజీ ఎమ్మెల్యే బాల్క సుమాన్ సహా మరో నలుగురికి కోర్టు రిమాండ్ విధించింది.
Updated on: Feb 18, 2026 | 7:08 PM
మంత్రి వేవెక్ కాన్వాయ్పై దాడి కేసులో అరెస్టైన బీఆర్ఎస్ మాజీ ఎమ్మెల్యే బాల్క సుమన్కు కోర్టు షాక్ ఇచ్చింది. ఈ కేసులో బాల్క సుమన్ సహా మరో నలుగురికి 14 రోజుల రిమాండ్ విధిస్తూ కోర్టు తీర్పు వెలువరించింది. కోర్టు ఆదేశాలతో బాస్క సుమన్తో సహా మరో నలుగురిని రిమాండ్కు తీసుకోనున్నారు పోలీసులు.
ఇదిలా ఉండగా మాజీ ఎమ్మెల్యే బాల్క సుమన్ అరెస్ట్కు నిరసనగా రేపు మంచిర్యాల జిల్లా వ్యాప్తంగా బంద్కు పిలుపునిచ్చింది బీఆర్ఎస్ పార్టీ. ఈ బందులో పార్టీ కార్యకర్తలు అందరూ పాల్గొనాలని పేర్కొంది. అలాగే పార్టీ వర్కింగ్ ప్రెసిడెంట్ కేటీఆర్, పార్టీ సీనియర్ నేత హారీష్ రావు సైతం బాల్క సుమన్ అరెస్ట్ను ఖండించారు. ముందస్తు నోటీసులు ఇవ్వకుండా ఎలా అరెస్ట్ చేస్తారని కేటీఆర్ ప్రశ్నించారు. ఇది కాంగ్రెస్ ప్రభుత్వం చేస్తున్న పిరికిపంద చర్యగా కేటీఆర్ పేర్కొన్నారు. బాల్క సుమన్ను వెంటనే విడుదల చేయాలని ఆయన డిమాండ్ చేశారు.
మరోవైపు బాల్క సుమన్ అరెస్ట్ పార్టీ సీనియర్ నేత హరీష్ రావు తప్పు బట్టారు. కాంగ్రెస్ ప్రభుత్వం ప్రజాస్వామ్యాన్ని ఖూనీ చేసిందని మండిపడ్డారు. క్యాతన్పల్లిలో బీఆర్ఎస్ పార్టీకి పూర్తి మెజార్టీ వచ్చిందనే అక్కసుతోనే ప్రభుత్వం ఇలాంటి చర్యలకు పాల్పడుతుందన్నారు. అధికార, పోలీస్, ధన బలంతో కాంగ్రెస్ చట్టాలను తుంగలో తొక్కిందన్నారు. ఇది కాంగ్రెస్ అరాచక వైఖరికి పరాకాష్ట అని హరీష్రావు అన్నారు.
మరిన్ని తెలంగాణ వార్తల కోసం ఇక్కడ క్లిక్ చేయండి.
