Telanagna: మైనార్టీలకు గుడ్ న్యూస్.. రూ.లక్ష ఆర్థిక సాయం ప్రకటించిన కేసీఆర్ సర్కార్
తెలంగాణలోని మైనార్టీలకు రాష్ట్ర ప్రభుత్వం గుడ్ న్యూస్ తెలిపింది. రాష్ట్రంలో పేద మైనారిటీలకు రూ.లక్ష ఆర్థిక సాయం ఇవ్వనున్నట్లు ప్రకటన చేసింది. ఈ మేరకు ఈ నూతన పథకంపై ప్రభుత్వం ఉత్తర్వులు జారీ చేసింది.
తెలంగాణలోని మైనార్టీలకు రాష్ట్ర ప్రభుత్వం గుడ్ న్యూస్ తెలిపింది. రాష్ట్రంలో పేద మైనారిటీలకు రూ.లక్ష ఆర్థిక సాయం ఇవ్వనున్నట్లు ప్రకటన చేసింది. ఈ మేరకు ప్రభుత్వం ఉత్తర్వులు జారీ చేసింది. అయితే బ్యాంకులతో సంబంధం లేకుండా ఈ సొమ్మును నేరుగా లబ్ధిదారులకే అందించనున్నారు. ఈ విషయాన్ని కూడా ఇటీవల ఆర్థికశాఖ మంత్రి హరీష్ రావు స్పష్టం చేసిన విషయం తెలిసిందే. ముఖ్యమంత్రి కేసీఆర్ తీసుకున్న ఈ నిర్ణయంపై రాష్ట్రంలోని మైనార్టీలు సంతోషం వ్యక్తం చేస్తున్నారు.
అంతేకాకుండా.. రాష్ట్రంలోని దివ్యాంగులకు కూడా ముఖ్యమంత్రి కేసీఆర్ శుభవార్త తెలిపారు. ఇప్పటిదాక వారికి రాష్ట్ర సర్కార్ నుంచి ఆసరా పింఛన్ రూ.3016 వచ్చేది. ఇప్పుడు ఆ పింఛన్‌ను రూ.4016 కి పెంచుతూ ముఖ్యమంత్రి కేసీఆర్ నిర్ణయం తీసుకున్నారు. ఇందుకు సంబంధించి రాష్ట్ర ప్రభుత్వం ఉత్తర్వులు కూడా జారీ చేసింది. అలాగే పెంచిన పింఛన్ జులై నుంచి అమల్లోకి వస్తుందని ఉత్తర్వుల్లో పేర్కొన్నారు.