Bats: గబ్బిలాలు తలక్రిందులుగా ఎందుకు నిద్రపోతాయి.. కారణం ఏమిటి..?

Bats: గబ్బిలాలు ఒక ప్రత్యేకమైన జీవి. ఇది క్షీరద జాతికి చెందినది. క్షీరదాలలో ఎగరగలిగినది గబ్బిలం ఒక్కటే. ఇవి వేటకి వెళ్ళేటప్పుడు తమ పిల్లలను పొట్టకి కరుచుకుని ఎగురుతుంది. మిగిలిన పక్షులు ఎగరగలిగినా, అవి కావాలంటే నడవగలవు. కానీ గబ్బిలాల కాళ్ళు మాత్రం ఎందుకూ పనికి రావు. అవి బొత్తిగా నడవలేవు. ఆఖరికి వాటి కాళ్ళ మీద అవి నిలబడలేవు కూడా. అందుకే గబ్బిలలకి ఎగరడం తప్ప మరో ప్రత్యామ్నాయం లేదు. కాసేపు ఆగాలంటే వాటి రెక్కలకి ఉన్న గోళ్ళతో ఏ చెట్టుకొమ్మనో, గోడ పగులునో పట్టుకొని తలకిందులుగా వేలాడటం తప్ప ఇంకో దారి లేదు. గబ్బిలానికి ఉండే రెక్కలకీ, మిగిలిన పక్షులకి ఉండే రెక్కలకీ చాలా తేడా ఉంటుంది. మిగిలిన పక్షుల రెక్కల్లా గబ్బిలానికి ఈకలు ఉండవు. వీటి వేళ్ళ మధ్యని గొడుగు బట్టలాగా సాగదీసిన చర్మంతో చేసిన రెక్కలు ఉంటాయి గబ్బిలాలకి. దాని వేళ్ళల్లో బొటనవేలు తప్ప మిగిలిన అన్ని వేళ్ళూ గొడుగు ఊచల్లాగా పనిచేస్తాయి. బొటన వేలు మాత్రం పైకి పొడుచుకు వచ్చినట్టుగా ఉండి ఏ చెట్టు కొమ్మనో పట్టుకుంటుంది. నిద్ర పోయేటప్పుడు కూడా ఆ పట్టు జారిపోదు. అయితే గబ్బిలాలు ఎప్పుడు చూసినా అవి తలకిందులు (Upside Down) గా నిద్రపోతుంటాయి. అంటే తలలు దించుకుని గోళ్లలోంచి దేన్నైనా పట్టుకుని నిద్రపోతుంటాయి.

అయితే గబ్బిలాలకు ఉండే కండరాలు ప్రత్యేక నిర్మాణం కలిగి ఉంటాయి. గబ్బిలాల వెనుక, పాదాలు కండరాలకు ఎదురుగా పని చేస్తాయి. మోకాళ్లు వీపులా ఉంటాయి. దీనితో పాటు, అవి విశ్రాంతిగా ఉన్నప్పుడు ప్రత్యేకమైన కండరాలు కాలి, కాలి వేళ్ళను పట్టుకుంటాయి. దీని కారణంగా అవి వేలాడుతున్నప్పుడు ఎటువంటి శక్తిని ప్రయోగించాల్సిన అవసరం లేదు. తలక్రిందులుగా వేలాడుతున్నప్పుడు కూడా అవి విశ్రాంతిగా ఉంటాయి.

తలక్రిందులుగా వేలాడదీయడంలో ఇబ్బంది లేదా?

నిజానికి ఒక వ్యక్తి తలక్రిందులుగా వేలాడదీసినప్పుడు అతని తలలో రక్తం ఆగిపోతుంది. దీని కారణంగా ప్రతి ఒక్కరికి కొంత సమయం వరకు మాత్రమే తలక్రిందులుగా ఉంటారు. తర్వాత వారు ఇబ్బంది పడతారు. కానీ గబ్బిలాల విషయంలో అలాంటివి ఉండవు. అలాంటి సమయంలో గబ్బిలాలకు రక్త ప్రసరణ సజావుగా జరుగుతుంటుంది. అమెరికా రెడ్‌క్రాస్ ప్రకారం.. మనిషిలో 2 గ్యాలన్లు అంటే దాదాపు 7.5 లీటర్ల రక్తం ఉంటుంది.

నేషనల్ జియోగ్రాఫిక్ నివేదిక ప్రకారం.. గబ్బిలాలు చాలా తేలికగా ఉంటాయి. అందుకే వాటికి గురుత్వాకర్షణ, రక్త ప్రసరణలో పెద్దగా సమస్యలు ఉండవు. దీని కారణంగా గబ్బిలాలు తమను తాము తలక్రిందులుగా ఉండగలుగుతాయి. వాటి ప్రత్యేక పద్ధతిలో నిద్రించడం వల్ల అవి కూడా బాగా ఎగరగలుగుతాయి. గబ్బిలం తలక్రిందులుగా వేలాడుతూ చనిపోయినా, చనిపోయిన తర్వాత కూడా అది తలక్రిందులుగా ఉంటుంది.

ఇవి కూడా చదవండి:

Puncture Guard Tyre: వాహనదారులకు అదిరిపోయే గుడ్‌న్యూస్‌.. ఈ టైర్లకు పంక్చర్‌ అయినా గాలి బయటకు పోదు!

Google Chrome, Microsoft: మీరు గూగుల్‌ క్రోమ్‌, మైక్రోసాఫ్ట్ వాడుతున్నారా..? అప్రమత్తంగా ఉండాలంటూ కేంద్రం హెచ్చరిక