Top 5 SUV’s In 2023-24: త్వరలో భారత మార్కెట్ లోకి రిలీజ్ అయ్యే ఎస్ యూవీలు ఇవే.. మీరూ ఓ లుక్కెయ్యండి

పైన పేర్కొన్న కార్ల ఆఫర్లలో వేరియంట్ల పరంగా మార్పులు ఉండొచ్చు. అలాగే డీలర్, ప్రాంతం చొప్పున కూడా డిస్కౌంట్లలో మారుతుంటాయి. అవన్నీ కూడా మీరు గమనించాల్సి ఉంటుంది.

భారత్ లో క్రమేపి కార్ల కొనుగోళ్లు పెరుగుతున్నాయి. దీంతో టాప్ కంపెనీలు కొత్త మోడళ్ల తయారీ వైపు మొగ్గు చూపుతున్నాయి. ముఖ్యంగా మధ్య తరగతి మార్కెట్ ను దృష్టిలో పెట్టుకుని ఎస్ యూవీ తయారీకి వేగంగా అడుగులు వేస్తున్నాయి. ఈ నేపథ్యంలో కొత్త ఎస్ యూవీలను మార్కెట్ లోకి రిలీజ్ చేయడానికి ప్రయత్నాలు చేస్తున్నాయి. వినియోగదారులు కూడా ఏ కంపెనీ ఏ మోడల్స్ ఎస్ యూవీలను రిలీజ్ చేస్తాయో? అని ఆత్రుతగా ఎదురుచూస్తున్నారు. ముఖ్యంగా మధ్యతరగతి కొనుగోలుదారులు తమకు బడ్జెట్ వచ్చే ఎస్ యూవీ రిలీజ్ కోసం ఎదురుచూస్తున్నారు. అయితే వారిని టార్గెట్ చేస్తూ కొత్త ఎస్ యూవీలను మార్కెట్ లో రిలీజ్ చేయడానికి టాప్ కంపెనీలు పోటీపడుతున్నాయి. 2023-24 సంవత్సరంలో మార్కెట్ లోకి రాబోయే టాప్ ఎస్ యూవీలపై ఓ లుక్కెద్దాం.

కియా సెల్టొస్

భారత్ లో ఆదరణ పొందిన కియా 2023 మధ్య నాటికి దేశంలో కొత్త సెల్టోస్‌ను విడుదల చేయడానికి సన్నాహాలు చేస్తోంది. ఇప్పటికే ఈ కార్ ను భారత్ లో పరీక్షిస్తున్నట్టు నివేదికలు వెల్లడిస్తున్నాయి. ఇప్పటికే ఈ కార్ అంతర్జాతీయ మార్కెట్లలో అమ్మకానికి సిద్ధంగా ఉంది. కొత్త మోడల్ కొత్త టర్బో పెట్రోల్ ఇంజిన్‌తో పాటు డిజైన్ లో పలు మార్పులు చేశారు. అలాగే ఇంటీరియర్‌ను అప్‌గ్రేడ్ చేశారు. క్యాబిన్ లోపల మెరుగైన ఇన్ఫోటైన్‌మెంట్ స్క్రీన్, కొత్త ఇన్స్ట్రుమెంట్ కన్సోల్ కలిగి ఉంటుంది. అలాగే అడాప్టివ్ క్రూయిజ్ కంట్రోల్, అటానమస్ ఎమర్జెన్సీ బ్రేకింగ్, బ్లైండ్ స్పాట్ మానిటరింగ్, లేన్ కీప్ అసిస్ట్, లేన్ డిపార్చర్ అసిస్ట్ మొదలైన ఫీచర్లతో వస్తుంది. 1.5-లీటర్ 4-సిలిండర్ టర్బో ఇంజిన్ దీని ప్రత్యేకత

హ్యుందాయ్ క్రెటా

హ్యుందాయ్ కొత్త క్రెటా ఫేస్‌లిఫ్ట్‌ను 2024లో భారత్ లో విడుదల చేసే అవకాశం ఉంది. ఇందులో కొత్త పారామెట్రిక్ గ్రిల్, హెడ్‌ల్యాంప్‌లు, విశాలమైన ఎయిర్ ఇన్‌లెట్ ఉన్నాయి. వెనుకవైపు టెయిల్-లైట్లు, స్లైటింగ్ ట్వీక్డ్ బూట్ లిడ్, రివైజ్డ్ బంపర్‌ తో వినియోగదారులను ఆకట్టుకుంటుంది.  ఇది 158bhp, 260Nm టార్క్ ఉత్పత్తి చేసే కొత్త 1.5-లీటర్ టర్బో పెట్రోల్ ఇంజిన్ తో వస్తుంది. ఇది 6-స్పీడ్ మాన్యువల్, 7-స్పీడ్ డీసీటీ గేర్‌బాక్స్ తో అందుబాటులో ఉంది. 

హోండా ఎస్ యూవీ

2023 మధ్య నాటికి దేశంలో సరికొత్త మధ్యతరహా SUVని విడుదల చేయనున్నట్టు హోండా ప్రకటించింది. కొత్త మోడల్ 2023 ఏప్రిల్-మేలో ప్రపంచవ్యాప్తంగా లాంచ్ చేస్తున్నట్టు పేర్కొంది. 10.2-అంగుళాల డిజిటల్ డ్రైవర్ డిస్‌ప్లే, 12.3-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్‌తో వస్తుందని మార్కెట్ వర్గాలు అంచనా వేస్తున్నాయి. ఇది 1.5-లీటర్ ఐవీ టెక్ పెట్రోల్, 1.5-లీటర్ అట్కిన్సన్ సైకిల్ ఇంజిన్‌తో వస్తుంది. హైబ్రిడ్ వెర్షన్ ఇంజిన్ దీని ప్రత్యేకత.

రెనాల్ట్ డస్టర్

2024-25 నాటికి కొత్త తరం డస్టర్ ఎస్‌యూవీని మార్కెట్లో విడుదల చేయనున్నట్లు రెనాల్ట్ ధ్రువీకరించింది. ఈ కొత్త మోడల్ పరిమాణంతో పాటు క్యాబిన్ లోపల మరింత స్థలాన్ని అందిస్తుంది. పెద్ద ఇన్ఫోటైన్‌మెంట్ టచ్ స్క్రీన్, వైర్‌లెస్ ఫోన్ ఛార్జింగ్, డిజిటల్ డ్రైవర్ డిస్‌ప్లే, సన్‌రూఫ్ తో పాటు ఇతర ఆధునిక ఫీచర్లు ఆకట్టుకునేలా ఉన్నాయి. కొత్త డస్టర్‌ను 48 వీ హైబ్రిడ్ టెక్‌తో 1.2L టర్బో పెట్రోల్ ఇంజిన్‌తో వస్తుందని మార్కెట్ వర్గాలు అంచనా వేస్తున్నాయి. 

టాటా కర్వ్

టాటా మోటార్స్ 2023 ఆటో ఎక్స్‌పోలో పెట్రోల్ ఇంజన్ ఎంపికతో కర్వ్ ఎస్ యూవీ కూపే కాన్సెప్ట్‌ను ప్రదర్శించింది. ఇది టాటా కొత్త జెన్ 2 ప్లాట్‌ఫారమ్‌పై ఆధారపడి ఉంటుంది. ఇది ప్రాథమికంగా భారీగా సవరించబడిన ఆల్ఫా ప్లాట్‌ఫారమ్. కొత్త మోడల్ పెట్రోల్, ఎలక్ట్రిక్ పవర్‌ట్రెయిన్‌లతో వచ్చే అవకాశం ఉంది. ఉత్పత్తికి సిద్ధంగా ఉన్న మోడల్ 2024లో ప్రవేశపెడతామని కంపెనీ ధ్రువీకరించింది. 1.2L 3-సిలిండర్ టర్బోచార్జ్డ్ పెట్రోల్ ఇంజిన్‌తో వస్తుంది. ఈ కార్ 5,000 ఆర్పీఎం వద్ద 125 పీఎస్ శక్తిని, 1700-3500 ఆర్పీఎం మధ్య 225 ఎన్ఎం గరిష్ట టార్క్‌ను ఉత్పత్తి చేస్తుంది. ఇది 6-స్పీడ్ మాన్యువల్ తో పాటు డ్యూయల్-క్లచ్ ఆటోమేటిక్ గేర్‌బాక్స్ ఎంపికతో వస్తుందని మార్కెట్ వర్గాలు చెబుతున్నాయి. 

మరిన్ని టెక్నాలజీ వార్తల కోసం క్లిక్ చేయండి..