Smartphone: మరో నయా ఫోల్డబుల్ ఫోన్ రిలీజ్ చేసిన మోటరోలా.. స్టన్నింగ్ ఫీచర్స్ ఇవే..!
భారతదేశంలోని యువత ఎక్కువగా స్మార్ట్ ఫోన్లను వాడుతూ ఉన్నారు. ముఖ్యంగా నలుగురిలో తమ ప్రత్యేకతను నిరూపించుకునేందుకు సూపర్ స్మార్ట్ ఫీచర్స్తో వచ్చే స్మార్ట్ ఫోన్ల వాడకాన్ని ఇష్టపడుతున్నారు. ఇటీవల మార్కెట్లో ఫోల్డబుల్ ఫోన్స్ హల్ చల్ చేస్తున్నాయ. ఈ నేపథ్యంలో ప్రముఖ కంపెనీ మోటరోలా మరో కొత్త ఫోల్డబుల్ ఫోన్ను భారత మార్కెట్లో లాంచ్ చేసింది మోటరోలా రేజర్ 60 అల్ట్రా పేరుతో రిలీజ్ అయిన ఈ స్మార్ట్ ఫోన్ గురించి మరిన్ని వివరాలను తెలుసుకుందాం.
మోటరోలా కంపెనీ తన తాజా ఫోల్డబుల్ స్మార్ట్ఫోన్ను భారతదేశంలో అధికారికంగా విడుదల చేసింది. మోటరోలా రేజర్ 60 అల్ట్రా పేరుతో ప్రపంచవ్యాప్తంగా విడుదలైన రెండు వారాల తర్వాత భారత మార్కెట్లో రిలీజ్ చేశారు. 6.9-అంగుళాల పీఓఎల్ఈడీ ప్రధాన డిస్ప్లేతో పాటు 3.6 అంగుళాల పీఓఎల్ఈడీ కవర్ స్క్రీన్తో ఈ ఫోన్ ఆకట్టుకుంటుంది. మీడియా టెక్ డైమెన్సిటీ 7400 ఎక్స్ చిప్సెట్ ద్వారా శక్తిని పొందే ఈ స్మార్ట్ ఫోన్ 4,500 ఎంఏహెచ్ బ్యాటరీతో వస్తుంది. అలాగే ఈ ఫోన్ 30 వాట్స్ టర్బోపవర్ ఛార్జింగ్కు మద్దతు ఇస్తుంది.
మోటరోలా రేజర్ 60 8 జీబీ + 256 జీబీ స్టోరేజ్ వేరియంట్లో అందుబాటులో ఉంటుంది. ఈ స్మార్ట్ ఫోన్ ధర రూ.49,999గా కంపెనీ పేర్కొంది. అలాగే ఈ స్మార్ట్ ఫోన్ ఇది జూన్ 4న మధ్యాహ్నం 12 గంటల నుంచి ఫ్లిప్కార్ట్, మోటరోలా ఇండియా వెబ్సైట్ మరియు ఎంపిక చేసిన రిటైల్ అవుట్లెట్ల ద్వారా కొనుగోలుకు అందుబాటులో ఉంటుంది. ఈ ఫోన్ మూడు సొగసైన కలర్ ఆప్షన్స్లో అందుబాటులో ఉంటుంది. పాంటోన్ జిబ్రాల్టర్ సీ వేరియంట్ ఫాబ్రిక్ లాంటి ఫినిషింగ్తో ఆకట్టుకుంటే పాంటోన్ లైటెస్ట్ స్కై, పాంటోన్ స్ప్రింగ్ బడ్ ఎంపికలు వరుసగా మార్బుల్ లాంటి వేగన్ లెదర్ వెనుక ప్యానెల్లతో ఆకర్షిస్తాయి. ఈ ఫోన్ 120 హెచ్జెడ్ వరకు రిఫ్రెష్ రేట్తో పాటు 3,000 నిట్ల గరిష్ట ప్రకాశాన్ని అందిస్తుంది. ఈ ఫోన్ 120 పర్సెంట్ డీసీఐ-పీ3 కలర్ గమట్ను కూడా కవర్ చేస్తుంది. ఈ స్మార్ట్ ఫోన్ హెచ్డీఆర్ 10+కు మద్దతు ఇస్తుంది. 3.63-అంగుళాల పీఓఎల్ఈడీ కవర్ డిస్ప్లే 1,056×1,066 పిక్సెల్ల రిజల్యూషన్తో వస్తుంది. ఈ స్క్రీన్ 90 హెచ్జెడ్ రిఫ్రెష్ రేట్, 1,700 నిట్ల పీక్ బ్రైట్నెస్ను ఇస్తుంది.
ఫోటోగ్రఫీ విషయానికి వస్తే మోటరోలా రేజర్ 60 ఆప్టికల్ ఇమేజ్ స్టెబిలైజేషన్తో కూడిన 50 మెగాపిక్సెల్ ప్రైమరీ ఔటర్ కెమెరా, ఎఫ్/1.7 ఎపర్చరు, క్వాడ్ పిక్సెల్ టెక్నాలజీతో ఆకట్టుకుంటుంది. అలాగే ఎఫ్/2.2 ఎపర్చరుతో 13 మెగాపిక్సెల్ అల్ట్రావైడ్ షూటర్తో పాటు /2.4 ఎపర్చరుతో 32 మెగాపిక్సెల్ ఫ్రంట్ కెమెరా ఈ ఫోన్ ప్రత్యేకతగా ఉంటుంది. ఈ ఫోన్ మోటో ఏఐ సూట్తో వస్తుంది. ఇది ఏఐ-ఆధారిత ఇమేజింగ్ ఫీచర్స్తో ఆకట్టుకుంటుంది. ఈ స్మార్ట్ఫోన్ 30 వాట్స్ టర్బోచార్జింగ్ సామర్థ్యాలతో 4,500ఎంఏహెచ్ బ్యాటరీతో పనిచేస్తుంది. అలాగే 15 వాట్స్ వైర్లెస్ ఛార్జింగ్ సపోర్ట్తో కలిగి ఉంది. ఈ స్మార్ట్ ఫోన్ భద్రత విషయానికి వస్తే సైడ్-మౌంటెడ్ ఫింగర్ ప్రింట్ సెన్సార్ను కలిగి ఉంటుంది. అలాగే ఐపీ48 రేటింగ్తో ఆకట్టుకుంటుంది.
మరిన్ని బిజినెస్ వార్తల కోసం ఇక్కడ క్లిక్ చేయండి