Motorola Edge 40 Neo: ఎదురుచూపులకు ఫుల్ స్టాప్.. మోటోరోలా కొత్త ఫోన్ లాంచింగ్‌కు ముహూర్తం ఫిక్స్..
మోటోరోలా అధికారిక సోషల్ మీడియా ప్లాట్ ఫారం ఎక్స్(ట్విట్టర్)లో మోటోరోలా ఇండియా ఈ ఫోన్ విడుదలకు సంబంధించిన టీజర్ ను విడుదల చేసింది. సెప్టెంబర్ 21న ఇండియన్ మార్కెట్లోకి ఫోన్ రానుందని పేర్కొంది. దీనికి సంబంధించిన ఓ సూచన ప్రాయక చిత్రాన్ని కూడా విడుదల చేసింది. అది బ్లూ కలర్ లో రెండు కెమెరాలు కలిగి, ఎల్ఈడీ ఫ్లాష్ యూనిట్ ను కలిగి ఉంటుంది. అయితే ఇంతకు ముందే ఈ ఫోన్ కు సంబంధించిన స్పెసిఫికేషన్లు, ఫీచర్లను కొన్ని రిపోర్టుల్లో వెల్లడయ్యాయి.
Madhu |
Updated on: Sep 17, 2023 | 10:30 AM
తక్కువ ధరలో ఎక్కువ ఫీచర్లలో అందించే బ్రాండ్లలో లెనోవోకు చెందిన మోటోరోలా కూడా ఒకటి. ఇప్పటికే అనువైన బడ్జెట్లో ఉత్తమమైన ఫోన్లను అందిస్తోంది. ఇటీవల కాలంలో ఈ కంపెనీ నుంచి స్మార్ట్ ఫోన్లు పెద్ద సంఖ్యలోనే విడుదలవుతున్నాయి. ఇదే క్రమంలో మరో కొత్త ఫోన్ లాంచింగ్ కు రెడీ అయ్యింది. మోటోరోలా ఎడ్జ్ 40 నీయో ఫోన్ ను ఇండియాలో లాంచ్ చేసేందుకు ముహూర్తం ఫిక్స్ చేశారు. వాస్తవానికి ఈ మోడల్ ను ఏప్రిల్ లోనే పరిచయం చేశారు. మోటోరోల్ ఎడ్జ్ 40, మోటోరోలా ఎడ్జ్ 40 ప్రో మోడళ్లను ఇంతకు ముందే మార్కెట్లోకి ప్రవేశపెట్టింది. అయితే వాటితో పాటు ప్రకటించిన ఈ మోటోరోలా ఎడ్జ్ 40 నియోను మాత్రం మన దేశంలో విడుదల చేయలేదు. అయితే ఇప్పుడు ఈ ఫోన్ ను సెప్టెంబర్ 21న ఆవిష్కరిస్తున్నట్లు కంపెనీ ప్రకటించింది. ఈ నేపథ్యంలో ఈ మోటోరోలా ఎడ్జ్ 40 నియో ఫోన్ పూర్తి స్పెసిఫికేషన్లు, ఫీచర్లు, ధర వంటి వివరాలు ఇప్పుడు తెలుసుకుందాం..
టీజర్ విడుదల..
మోటోరోలా అధికారిక సోషల్ మీడియా ప్లాట్ ఫారం ఎక్స్(ట్విట్టర్)లో మోటోరోలా ఇండియా ఈ ఫోన్ విడుదలకు సంబంధించిన టీజర్ ను విడుదల చేసింది. సెప్టెంబర్ 21న ఇండియన్ మార్కెట్లోకి ఫోన్ రానుందని పేర్కొంది. దీనికి సంబంధించిన ఓ సూచన ప్రాయక చిత్రాన్ని కూడా విడుదల చేసింది. అది బ్లూ కలర్ లో రెండు కెమెరాలు కలిగి, ఎల్ఈడీ ఫ్లాష్ యూనిట్ ను కలిగి ఉంటుంది. అయితే ఇంతకు ముందే ఈ ఫోన్ కు సంబంధించిన స్పెసిఫికేషన్లు, ఫీచర్లను కొన్ని రిపోర్టుల్లో వెల్లడయ్యాయి. అవేంటో ఓసారి చూద్దాం..
స్పెసిఫికేషన్లు ఇలా..
మై స్మార్ట్ ప్రైస్ నివేదిక ప్రకారం, మోటోరోలా ఎడ్జ్ 40 నియో ఫోన్ లో 6.55-అంగుళాల ఫుల్ హెచ్డీ ప్లస్ (2400 × 1080 పిక్సెల్‌లు) పీఓఎల్ఈడీ డిస్‌ప్లేను కలిగి ఉంటుంది,144హెర్జ్ రిఫ్రెష్ రేట్‌తో వస్తుందని భావిస్తున్నారు. ఇది మాలి జీ77 జీపీయూ, 12జీబీ ర్యామ్ 256జీబీ ఇంటర్నల్ స్టోరేజ్‌తో వస్తుంది. మీడియా టెక్ డైమెన్సిటీ 1050 ఎస్ఓసీ ద్వారా శక్తి పొందుతుంది. ఆండ్రాయిడ్ 13-ఆధారిత మైయూఎక్స్ ఓఎస్ తో పనిచేస్తుంది.
కెమెరా పరిశీలిస్తే, ఎడ్జ్ 40 నియో ఆప్టికల్ ఇమేజ్ స్టెబిలైజేషన్ (ఓఐఎస్)తో 50-మెగాపిక్సెల్ ప్రైమరీ రియర్ సెన్సార్, 13-మెగాపిక్సెల్ అల్ట్రా-వైడ్ లెన్స్‌ను కలిగి ఉంటుందని భావిస్తున్నారు. ముందు కెమెరా 32-మెగాపిక్సెల్ సెన్సార్‌తో అమర్చబడి ఉంటుందని అంచనా వేస్తున్నారు. ఈ ఫోన్ 68వాట్ల వైర్డ్ ఫాస్ట్ ఛార్జింగ్ సపోర్ట్‌తో 5,000ఎంఏహెచ్ బ్యాటరీతో వస్తుంది. భద్రత కోసం, హ్యాండ్‌సెట్ ఇన్-డిస్‌ప్లే ఫింగర్‌ప్రింట్ సెన్సార్‌తో వస్తుంది. ఫోన్ డస్ట్, స్ప్లాష్ రెసిస్టెన్స్ కోసం ఐపీ68 రేటింగ్‌తో వస్తుందని కూడా చెబుతున్నారు. డ్యుయల్ నానో సిమ్-సపోర్ట్ చేసే ఫోన్ 5జీ, బ్లూటూత్, ఎన్ఎఫ్సీ, వైఫై, యూఎస్బీ టైప్-సి కనెక్టివిటీ అందిస్తుంది. కెనీల్ బే, బ్లాక్ బ్యూటీ, సూథింగ్ సీ కలర్ ఆప్షన్లలో ఈ ఫోన్ లాంచ్ అవుతుందని భావిస్తున్నారు.
మరిన్ని టెక్నాలజీ వార్తల కోసం ఇక్కడ క్లిక్ చేయండి..
