పేషంట్ల డేటా డాక్టర్ల చేతిలో..అంతా సీక్రెట్ !

ప్రాక్టో యాప్.. ఈ యాప్ ని ఉపయోగించి ఒక రోగికి, డాక్టర్ కు మధ్య జరిగే సంభాషణను రికార్డు చేయవచ్చునట. ఈ సంభాషణ తాలూకు రికార్డింగ్ ఈ సంస్థ నిర్వహించే సర్వర్లలో సేవ్ అయిఉంటుందని  తెలుస్తోంది. అంటే..ముఖ్యంగా రోగులు డాక్టర్లకు చెప్పే సమాచారమంతా వీటిలో నిక్షిప్తమై ఉంటుందన్నమాట ! కానీ ఇది సర్వర్లలో ‘ దాగి ‘ ఉంటుందన్న విషయం తమకు తెలియదని డాక్టర్లు చెబుతున్నారు. ప్రాక్టో  సంస్థకు, తమకు మధ్య ఓ బిల్లింగ్ విషయంలో కొంత వివాదం రేగిందని, దీంతో ఈ సంస్థ ప్రతినిధులు తమ క్లినిక్ కి వచ్చి.. తమ కాల్స్ కు సంబంధించిన రికార్డింగుల డ్యాష్ బోర్డును చూపారని బెంగుళూరులోని ఓ కాస్మెటిక్ సర్జన్ తెలిపారు.అది చూసి తాను షాక్ తిన్నానని ఆయన పేర్కొన్నాడు. డాక్టర్లతో వివాదాల పరిష్కారానికి తమ కంపెనీ ఈ రికార్దింగులనుసులభంగా యాక్సెస్ చేయగలుగుతుందని ఆ ప్రతినిధులు చెప్పినట్టు ఆయన వెల్లడించారు. అంటే.. యూజర్ల మెడికల్ డేటా ను ఈ సంస్థ రహస్యంగా ట్రాక్ చేస్తోందన్న మాట..పైగా ఈ యాప్ వంటివి.. ప్రతి రోగికి సంబంధించిన డాక్టర్ల అపాయింట్ మెంట్ ఫీజులపై కూడా ‘ నిఘా ‘ పెడతాయని తెలుస్తోంది. రోగికి, డాక్టర్ కు మధ్య వారధిలా ఉండాల్సిన ఇవి..’ సీక్రెట్ ఏజంట్ల ‘ లా పని చేస్తున్నాయని కొందరు వైద్యులే అభిప్రాయ పడ్డారు.ప్రపంచ వ్యాప్తంగా రోగుల మెడికల్ రికార్డులకు భద్రత అంటూ లేదు. ఎవరైనా వీటిని రకరకాల యాప్ ల ద్వారా సేకరించవచ్చు. పేషంట్లనో, డాక్టర్లనో బ్లాక్ మెయిల్ చేయడానికి కూడా వీటిని దుర్వినియోగం చేసే అవకాశం ఉంటుందని చెబుతున్నారు.