Elon Musk: యూట్యూబ్‌కు పోటీగా ‘ఎక్స్’ టీవీ.. ఎలాన్ మస్క్ సంచలనం..

వీడియోల కేటగిరీకి సంబంధించినంత వరకూ యూ ట్యూబ్ మించిన ప్లాట్ ఫారం మరొకటి లేదని చెప్పొచ్చు. షార్ట్ వీడియోల దగ్గర నుంచి గంటల తరబడి ఉండే పెద్ద వీడియోల వరకూ అందరికీ అందుబాటులో ఉన్న ఏకైక మార్గం ఇదే. ప్రస్తుతానికి గ్లోబల్ వైడ్ యూట్యూబ్ కి సరైన పోటీ లేదనే చెప్పాలి. ఈ క్రమంలో ప్రముఖ సోషల్ మీడియా యాప్ ఎక్స్(గతంలో ట్విట్టర్) దీనిపై దృష్టి పెట్టింది. త్వరలోనే యూట్యూబ్ ప్రత్యామ్నాయంగా మరో ప్లాట్ ఫారం తీసుకొచ్చేందుకు ప్రయత్నిస్తున్నట్టు ఎక్స్ అధినేత ఎలాన్ మస్క్ ఎక్స్ వేదికగానే సూచన ప్రాయంగా తెలియజేశారు. అతి పెద్ద స్క్రీన్ పై చూడగలిగే విధంగ ఎక్స్ టీవీ యాప్ ను తీసుకొచ్చేందుకు ప్రణాళిక సిద్ధం చేశారు. దీనికి సంబంధించిన పూర్తి వివరాలు ఇప్పుడు చూద్దాం..

ఎక్స్ విస్తరణకు ప్రణాళిక..

ఎక్స్ అనేది ఒక మైక్రో-బ్లాగింగ్ ప్లాట్‌ఫారమ్ మాత్రమే. ఇది వినియోగదారులు తమ ఆలోచనలను పరిమిత పదాలలో ప్రపంచంతో పంచుకోవడానికి వీలు కల్పిస్తుంది. కానీ ఇప్పుడు ఈ సోషల్ మీడియా ప్లాట్‌ఫారమ్ మరింత విస్తరణ దిశగా అడుగులు వేస్తోంది. జాబ్ పోస్టింగ్‌లను అనుమతించడం నుంచి భవిష్యత్తులో ప్లాట్‌ఫారమ్‌లో చెల్లింపులు చేయడానికి వినియోగదారులను అనుమతించేలా కొత్త ఫీచర్లను తీసుకొచ్చేందుకు ప్రణాళిక చేస్తుంది. అంతేకాక వీడియో స్ట్రీమింగ్ స్పేస్‌లో యూట్యూబ్‌తో పోటీ పడేలా త్వరలో టీవీ యాప్ అందుబాటులోకి రానుంది.

త్వరలో టీవీ యాప్‌..

ఫార్చ్యూన్‌లోని ఒక నివేదిక ప్రకారం, ఎలాన్ మస్క్ యూట్యూబ్‌తో పోటీ పడాలనుకుంటున్నందున ఈ వారంలోనే ఎక్స్ టీవీ యాప్‌ని తీసుకొచ్చే అవకాశం ఉంది. టీవీ యాప్ ముందుగా శామ్సంగ్, అమెజాన్ స్మార్ట్ టీవీలలో అందుబాటులో ఉంటుందని తెలుస్తోంది. పెద్ద డిస్‌ప్లేలో వీడియోలను చూడడానికి ఎక్స్ వినియోగదారులను ప్రోత్సహించాలని మస్క్ కోరుకుంటున్నట్లు ఆ నివేదిక స్పష్టం చేస్తోంది. ఇది యూట్యూబ్‌తో పాటు, లైవ్-స్ట్రీమింగ్ ప్లాట్‌ఫామ్ ట్విచ్, మెసేజింగ్ యాప్ సిగ్నల్, సోషల్ మీడియా ప్లాట్‌ఫామ్ రెడ్డిట్‌తో కూడా మస్క్ పోటీపడాలని చూస్తున్నట్లు కూడా నివేదిక పేర్కొంది.

ఇవి కూడా చదవండి

హార్ట్‌ రేట్‌ ఎంతో చెవిలో చెబుతా అంటున్న గూగుల్.. వింటారా?

మోసం గురూ! దీని గురించి తెలుసుకోకపోతే రూ. లక్షలు నష్టపోతారు!

తిరుగులేని ఫీచర్లతో జియోమీ నుంచి ప్రీమియం స్మార్ట్ వాచ్..

ఎన్ఆర్ఐలకు, వారి పిల్లలకూ ఆధార్.. ఎలా దరఖాస్తు చేసుకోవాలంటే..

గూగుల్ సెర్చ్ ఇంజిన్.. ఏళ్లుగా ఆన్ లైన్ సెర్చింగ్ ప్లాట్ ఫారంలో ఆధిపత్యాన్ని చెలాయిస్తుండగా.. యూ ట్యూబ్ వీడియో కంటెంట్ ప్లాట్ ఫారంలో ఆధిపత్యం చెలాయిస్తోంది. 2005లో ప్రారంభమైన ఈ వీడియో స్ట్రీమింగ్ ప్లాట్‌ఫారమ్‌లో కంటెంట్ సృష్టికర్తలు, ఇన్‌ఫ్లుయెన్సర్‌లు, సినిమా ప్రేమికులు, గేమర్‌లు, అనేక ఇతర కమ్యూనిటీలు చురుకుగా కంటెంట్‌ను వెతుకుతున్నారు.

సోషల్ మీడియా వేదికపై మస్క్ స్పందన ఇది..

ఎక్స్ వేదికగా ఎలాన్ మస్క్ ఓ వినియోగదారునితో ఇంటరాక్ట్ అవుతున్నప్పుడు మస్క్ స్మార్ట్ టీవీ యాప్ గురించి కూడా మాట్లాడారు. ఫోన్‌లో పొడవైన వీడియోలను చూడటం నిజంగా సాధ్యం కానందున స్మార్ట్ టీవీల కోసం ట్విట్టర్ వీడియో యాప్ ఎలా అవసరం అని వినియోగదారు పేర్కొన్నప్పుడు, మస్క్ తన ట్వీట్‌కు ప్రతిస్పందిస్తూ, ‘కమింగ్ సూన్’ అని చెప్పారు.

మరిన్ని టెక్నాలజీ వార్తల కోసం ఇక్కడ క్లిక్ చేయండి..