ఆర్టిఫిషియల్ ఇంటెలిజెన్స్.. ప్రస్తుతం ఎక్కడ విన్నే దీనికి సంబంధించిన వార్తలే వస్తున్నాయి. దాదాపు అన్ని రంగాల్లో ఏఐ వినియోగం అనివార్యంగా మారింది. అయితే మనలో చాలా మందికి ఏఐ అనగానే చాట్బాట్లే గుర్తొస్తాయి. మనం అడిగే ప్రతీ ప్రశ్నకు సమాధానం ఇస్తాయి ఈ చాట్బాట్లు. అయితే ఏఐ కేవలం ప్రశ్నలకు సమాధానం ఇవ్వడమే కాకుండా, మరెన్నో పనులను చేసి పెడుతుందని మీకు తెలుసా.? ఏఐని ఏయే రంగాల్లో ఉపయోగిస్తున్నారో ఇప్పుడు తెలుసుకుందాం..
* వైద్య రంగంలో ఆర్టిఫిషియల్ ఇంటెలిజెన్స్ వినియోగం భారీగా పెరుగుతోంది. ముఖ్యంగా మెషిన్ లెర్నింగ అల్గిథమ్ల ద్వారా వైద్య డేటాను చిత్రాలను విశ్లేషిస్తున్నారు. వీటిలో ప్రధానమైనవి సీటీ స్కాన్, ఎక్స్రే, రెటీనా చిత్రాలు. ఇలాంటి వాటిని విశ్లేషించడంలో వైద్యులకు ఏఐ టెక్నాలజీ ఉపయోగపడుతుంది.
* ఇక ఔషధాల తయారీ విషయంలో కూడా ఏఐ ఉపయోగపడుతుంది. డేటా సెట్ల విశ్లేషణలో ఏఐ టెక్నాలజీని ఉపయోగిస్తున్నారు. ప్రెసిషన్ మెడిసిన్గా పిలిచే ఈ విధానంలో రోగి లక్షణాల ఆధారంగా ఎలాంటి ఔషధాలు ఇవ్వాలన్న విషయాన్ని ఏఐ చెబుతుంది.
* న్యాయపరమైన కేసుల విచారణలో కూడా ఏఐ ఉపయోగపడుతుంది. ఇప్పటికే జర్మనీలోని కోర్టులో ఈ టెక్నాలజీని ఉపయోగించారు. పెండింగ్లో కేసులను విచారించడంలో పాత కేసుల డేటాను విశ్లేషించడంలో ఏఐ ఉపయోగపడుతుంది.
* రైలు, విమాన, సినిమా టికెట్ల బుకింగ్స్ విషయంలో కూడా ఏఐ సాధనాలు ఉపయోగపడుతున్నాయి. ఇటీవల ఐఆర్సీటీసీ యూజర్ల కోసం ఆస్క్దిశా 2.0 పేరుతో ఒక ఏఐ చాట్బాట్ను తీసుకొచ్చింది. ఆస్క్దిశా2.0ని డిజిటల్ ఇంటరాక్షన్గా పిలుస్తారు. ఆర్టిఫిషియల్ ఇంటెలిజెన్స్, మెషిన్ లెర్నింగ్ ఆధారంగా ఈ చాట్బాట్ పనిచేస్తుంది. ఈ చాట్బాట్ ప్రస్తుతం హిందీ, ఇంగ్లిష్ భాషకు సపోర్ట్ చేస్తుంది. ఐఆర్సీటీసీ వెబ్సైట్తో పాటు మొబైల్ యాప్లో కూడా ఈ సేవలు అందుబాటులో ఉన్నాయి.
* ఏఐ సహాయంతో వాట్సాప్లోనే విమాన టికెట్లు బుక్ చేసుకునే అవకాశం లభిస్తోంది. ఇటీవల ఇండిగో కొత్త AI ఫీచర్ను ప్రారంభించింది , ఈ ఫీచర్ సహాయంతో వాట్సాప్లో మెసేజ్ చేయడం ద్వారా టికెట్లను సులభం బుక్ చేసుకోవచ్చు.
మరిన్ని టెక్నాలజీ వార్తల కోసం క్లిక్ చేయండి..