Samsung Galaxy: సామ్ సంగ్ గాలాక్సీ యూజర్లకు షాకింగ్ న్యూస్.. మీ డేటా భద్రత గాల్లోనే.. !
స్మార్ట్ ఫోన్స్ విషయంలో సామ్ సంగ్ తన ప్రత్యేకతను చాటుకుంటుంది. లక్షాలాది మంది వినియోగదారులు సామ్ సంగ్ లోని గాలక్సీ సిరీస్ ను ఇష్టపడుతున్నారు.
ప్రస్తుతం ప్రతి చిన్న అవసరానికి అంతా ఫోన్లపై ఆధారపడుతున్నారు. గతంలో ఫోన్లు అంటే కేవలం కాల్స్ మాట్లాడడానికి, మెసెజ్ పంపుకోడానికి మాత్రమే ఉపయోగించే వారు. అయితే మారుతున్న టెక్నాలజీకి అనుగుణంగా మొబైల్స్ లోనే కెమెరా, ఇతర అప్ డేట్స్ ఉండడంలో ప్రతి ఒక్కరూ స్మార్ట్ ఫోన్లను వాడుతున్నారు. కంపెనీలు కూడా వినియోగదారులను ఆకట్టుకునే లేటెస్ట్ అప్ డేట్స్ స్మార్ట్ ఫోన్స్ ను మార్కెట్ లో రిలీజ్ చేస్తున్నాయి. స్మార్ట్ ఫోన్స్ విషయంలో సామ్ సంగ్ తన ప్రత్యేకతను చాటుకుంటుంది. లక్షాలాది మంది వినియోగదారులు సామ్ సంగ్ లోని గాలక్సీ సిరీస్ ను ఇష్టపడుతున్నారు. అయితే అప్ డేట్స్ ను గెలాక్సీ లోని కొన్ని వెర్షన్లకు కంపెనీ నిలిపేసింది. కొన్ని వాటికి అప్ డేట్స్ ఇచ్చినా వినియోగదారులకు ఆకట్టుకోలేకపోయింది. దీంతో చాలా మంది యూజర్లు గాలక్సీలోని పాత వెర్షన్లతో నే ఫోన్ వాడుతున్నారు.
ఇలా గెలాక్సీ ఫోన్స్ లో పాత వెర్షన్లు వాడుతున్న వినియోగదారులకు షాక్ ఇస్తూ మినిస్ట్రీ ఆఫ్ ఎలక్ట్రానిక్స్ అండ్ ఇన్ ఫర్మేషన్ టెక్నాలజీ ఆధ్వర్యంలో ఇండియన్ కంప్యూటర్ ఎమర్జెన్సీ టీమ్ కొత్త విషయాన్ని బయటపెట్టింది. సామ్ సంగ్ గెలాక్సీ ఫోన్స్ లో పాత వెర్షన్లు వాడేవారి ఫోన్స్ లో అన్ వాంటెడ్ యాప్స్ ను ఇన్ స్టాల్ చేసేయవచ్చని హెచ్చరింది. ఇది వినియోగదారుల గోప్యతకు భంగం కల్పిస్తుందని తెలిపింది. గెలాక్సీ వెర్షన్ 4.5.49.8 కు ముందు వెర్షన్లు వాడుతున్న వినియోగదారులకు ఈ ప్రమాదం ఎక్కువగా ఉంటుంది. అలాగే యాప్స్ లో నిక్షిప్తమయ్యే బ్యాంకింగ్ డేటా కూడా చోరీ చేసే అవకాశం ఉందని నిపుణులు హెచ్చరిస్తున్నారు. ఓ స్పెషల్ హైపర్ లింక్ ను మెసేజ్ లో పంపుతారు. ఆ లింక్ ను క్లిక్ చేస్తే చోరులు మన ఫోన్ ను వారి కంట్రోల్ లోకి తీసుకునే అవకాశం ఉంది. దీంతో వినియోగదారులు భద్రతకు భంగం వాటిల్లతుంది. కాబట్టి ఇలాంటి మోసాల నుంచి జాగ్రత్త పడడానికి కచ్చితంగా లెటెస్ట్ వెర్షన్ డౌన్ లోడ్ చేసుకోవాలని నిపుణులు సూచిస్తున్నారు.
మరిన్ని బిజినెస్ వార్తల కోసం ఇక్కడ క్లిక్ చేయండి..