Noise Smartwatch: వారం రోజుల బ్యాటరీ బ్యాకప్‌తో నాయిస్ నుంచి నయా స్మార్ట్ వాచ్.. తక్కువ ధరలోనే సూపర్ ఫీచర్లు

Noisefit Twist Go

భారతదేశంలో పెరుగుతున్న స్మార్ట్ ‌వాచ్‌ల మార్కెట్‌కు అనుగుణంగా ఇటీవల కాలంలో టాప్ కంపెనీలన్నీ సరికొత్త ఫీచర్లతో స్మార్ట్ వాచ్‌లను రిలీజ్ చేస్తున్నాయి. తాజాగా ప్రముఖ స్మార్ట్ వాచ్ తయారీ సంస్థ అయితే నాయిస్ ఫిట్ ట్విస్ట్ గో స్మార్ట్‌వాచ్‌ను విడుదల చేసింది. ఈ వాచ్ మెటల్ బిల్డ్, బ్లూటూత్ కాలింగ్, ఐపీ 67 రేటింగ్‌తో కూడిన వృత్తాకారంలో వాచ్ ఆకర్షిస్తుంది. హృదయ స్పందన పర్యవేక్షణ, రక్త ఆక్సిజన్ ట్రాకింగ్, ఒత్తిడి నిర్వహణ వంటి వివిధ ఆరోగ్య పర్యవేక్షణ లక్షణాలను కలిగి ఉంది. ముఖ్యంగా యువతను ఆకర్షించేందుకు ఈ వాచ్‌లో అనేక ఫీచర్లు ఉన్నాయి. కాబట్టి ఈ స్మార్ట్ వాచ్ గురించి మరిన్ని ఫీచర్లు తెలుసుకుందాం. 

నాయిస్ ట్విస్ట్ గో ఫీచర్లు

• 1.39-అంగుళాల రౌండ్ డయల్ డిస్ప్లే
• బ్లూటూత్ కాలింగ్ సపోర్ట్ వల్ల స్మార్ట్ వాచ్ నుంచి నేరుగా కాల్స్ చేయడంతో పాటు స్వీకరించే అవకాశం.
• కాల్ నిర్వహణ కోసం డయల్ ప్యాడ్, గరిష్టంగా 8 పరిచయాలను నిల్వ చేసే స్పేస్
• నాయిస్ ఫిట్ సహచర యాప్‌ ద్వారా డేటా భద్రత
• కచ్చితమైన ఆరోగ్య మెట్రిక్ పర్యవేక్షణ, హృదయ స్పందన సెన్సార్
• రక్త ఆక్సిజన్ స్థాయి ట్రాకింగ్ కోసం ఎస్పీఓ2 మానిటర్
• నీరు, ధూళి నిరోధకత కోసం ఐపీ 67 రేటింగ్
• అలాగే ఓ సారి ఛార్జ్ చేస్తే 7 రోజుల వరకు బ్యాటరీ బ్యాకప్

ధర, లభ్యత

నాయిస్ ఫిట్ ట్విస్ట్ గో స్మార్ట్‌వాచ్ ధర రూ. 1,199గా ఉంటుంది. ఈ స్మార్ట్ వాచ్ కోసం జెట్ బ్లాక్, సిల్వర్ గ్రే, రోజ్ పింక్, ఎలైట్ బ్లాక్, ఎలైట్ సిల్వర్, గోల్డ్ లింక్, బ్లాక్ లింక్, సిల్వర్ లింక్ వంటి ఎనిమిది రంగు వైవిధ్యాలు అందుబాటులో ఉన్నాయి. అలాగే మెటాలిక్, సిలికాన్, మెష్ స్ట్రిప్స్ ఈ వాచ్ ప్రత్యేకతలు. అలాగే ఈ వాచ్ నాయిస్ వెబ్‌సైట్‌తో పాటు అమెజాన్ వెబ్‌సైట్‌లో కొనుగోలుకు అందుబాటులో ఉంటుంది. 

మరిన్ని టెక్నాలజీ వార్తల కోసం ఇక్కడ క్లిక్ చేయండి..