Tokyo Olympics Highlights: మహిళల హాకీ సెమీఫైనల్‌ లో 1-2 తేడాతో భారత్ ఓటమి..

భారతదేశం, గ్రేట్ బ్రిటన్ మధ్య మహిళల హాకీ కాంస్య పతక మ్యాచ్ ఆగస్టు 6 న జరుగుతుంది. ఈ మ్యాచ్‌లో గెలిచిన జట్టుకు కాంస్య పతకం లభిస్తుంది. ఇప్పటికే సెమీ ఫైనల్స్ ఆడి చరిత్ర సృష్టించిన రాణి రాంపాల్ జట్టు నుంచి మరింత అద్భుతమైన మ్యాచ్‌ చూడవచ్చు. అదే సమయంలో పురుషుల కాంస్య పతక మ్యాచ్ ఆగస్టు 5 న జరుగుతుంది. ఇందులో భారతదేశం జర్మనీతో తలపడుతుంది.

భారతదేశం, అర్జెంటీనా మధ్య జరుగుతున్న మహిళల హాకీ రెండో సెమీ-ఫైనల్‌లో 1-2 తేడాతో ఓడిపోయింది. దీంతో తొలిసారిగా ఫైనల్‌ చేరే అవకాశాన్ని కోల్పోయింది. కానీ కాంస్య పతకం సాధించాలనే వారి ఆశలు ఇంకా సజీవంగా ఉన్నాయి. ఇందుకోసం భారత్ గ్రేట్ బ్రిటన్ తో తలపడుతుంది. బ్రిటన్ జట్టు మొదటి సెమీ ఫైనల్‌లో నెదర్లాండ్స్‌తో ఓడిపోయింది. నెదర్లాండ్స్ అతనిని 5-1తో ఓడించింది. నెదర్లాండ్స్, అర్జెంటీనా ఇప్పుడు బంగారు, రజత పతకాల కోసం ఫైనల్‌ మ్యాచ్‌లో తలపడుతాయి.

భారతదేశం, అర్జెంటీనా మధ్య జరుగుతున్న మహిళల హాకీ నాలుగో క్వార్టర్‌ ఆట ప్రారంభమైంది. అర్జెంటీనా ఆధిక్యాన్ని తగ్గించడానికి భారత్ ప్రయత్నిస్తోంది. ఎందుకంటే భారత మహిళల హాకీ జట్టు తొలిసారి ఫైనల్‌కు చేరుకునే అవకాశం వచ్చింది.

భారతదేశం, అర్జెంటీనా మధ్య జరుగుతున్న మహిళల హాకీ రెండో సెమీ-ఫైనల్‌లో, మూడో క్వార్టర్ ఆట ముగిసింది. ప్రస్తుతం రాణి రాంపాల్ బృందానికి తదుపరి 15 నిమిషాల ఆట చాలా ముఖ్యమైంది. ఈ 15 నిమిషాల్లో భారత మహిళల హాకీ జట్టు ముందంజ వేస్తే, తొలిసారి ఒలింపిక్స్‌లో ఫైనల్ ఆడే అవకాశం లభిస్తుంది. ఈ మ్యాచ్‌లో తొలి గోల్ భారతదేశం నుంచి గుర్జిత్ కౌర్ స్టిక్ ద్వారా వచ్చింది. కానీ తర్వాత అర్జెంటీనా కెప్టెన్ 2 గోల్స్ చేసి జట్టుకు ఆధిక్యాన్ని సంపాదించాడు.

భారత్‌, అర్జెంటీనా జట్లలో ఏది గెలిచినా ఫైనల్‌లో నెదర్లాండ్స్‌తో పోటీ ఉంటుంది. మహిళల హాకీ తొలి సెమీ ఫైనల్‌లో నెదర్లాండ్స్ 5-1తో గ్రేట్ బ్రిటన్‌ను ఓడించింది. మహిళల హాకీ చివరి మ్యాచ్ ఆగస్టు 6 న జరుగుతుంది.

అర్జెంటీనా జట్టు దూకుడుగా ఆడుతోంది. ఇప్పటి వరకు అర డజను పెనాల్టీ కార్నర్‌లను పొందింది.2 గోల్స్‌ సాధించారు.రెండో క్వార్టర్‌లో మ్యాచ్‌ని సమం చేసిన తర్వాత, మూడో క్వార్టర్‌లో అర్జెంటీనా ఆధిక్యంలో నిలిచింది. పెనాల్టీ కార్నర్‌ల ద్వారా భారత గోల్‌పోస్ట్‌లో అర్జెంటీనా రెండు గోల్స్ సాధించింది.

టోక్యో ఒలింపిక్స్‌లో భారత్‌, అర్జెంటీనాల మధ్య జరుగుతున్న మహిళల హాకీ సెమీఫైనల్‌ మ్యాచ్‌ హోరాహోరీగా సాగుతుంది. రెండు క్వార్టర్స్‌ ముగిసేసరికి ఇరు జట్లు 1-1తో సమంగా నిలిచాయి. భారత్‌ తరపున ఆట 2వ నిమిషంలో గుర్జీత్‌ కౌర్‌ గోల్‌ అందించగా.. అర్జెంటీనా తరపున ఆట 18వ నిమిషంలో బారియోన్యూ గోల్‌ అందించింది.

అర్జెంటీనాతో జరిగిన తొలి క్వార్టర్‌లో భారత మహిళల హాకీ జట్టు అద్భుతంగా ఆడింది. దీంతో 1-0తో ఆధిక్యంలో ఉంది. మొదటి పెనాల్టీ కార్నర్‌ని గుర్జీత్ గోల్‌గా మార్చి ఆధిక్యాన్ని పెంచింది.

భారత మహిళల హాకీ జట్టు రెండో నిమిషంలోనే పెనాల్టీ కార్నర్‌ని అందుకుంది. ఆధిక్యంలోకి రావడానికి ఇంకా అవకాశం ఉంది. కీలకమైన మ్యాచ్‌లో మరోసారి గుర్జిత్ కౌర్ గోల్‌ని సాధించి జట్టుకు ఆధిక్యాన్ని అందించింది. ఇప్పటివరకు భారత్ 1-0 ఆధిక్యంలో ఉంది.

పురుషుల రెజ్లింగ్‌ సెమీస్‌లో దీపక్‌ పునియా ఓటమి పాలయ్యాడు. రెజ్లింగ్‌ 86 కిలోల విభాగం సెమీస్‌లో అమెరికా రెజ్లర్‌ మోరిస్‌ చేతిలో దీపక్‌ 0-10 తేడాతో చిత్తుగా ఓడిపోయాడు. కాగా ఈ మ్యాచ్‌లో దీపక్‌ ఓటమి పాలైనా పతకం ఆశలు మిగిలే ఉన్నాయి. గురువారం కాంస్య పతకం కోసం పోటీ పడనున్నాడు.

రెజ్లర్ రవికుమార్ ఫైనల్‌కు చేరడంతో టోక్యో ఒలింపిక్స్‌లో భారత్ నాలుగో పతకాన్ని ఖాయం చేసుకుంది. ఇప్పటి వరకు మీరాభాయి చాను రజత పతకం సాధించగా..పీవీ సింధు, లవ్లీనా కాంస్య పతకాలు సాధించారు.

టోక్యో ఒలింపిక్స్‌ పురుషుల రెజ్లింగ్‌‌లో రవి దహియా ఫైనల్‌ చేరాడు.  57 కిలోల విభాగంలో కజకిస్తాన్‌ రెజ్లర్‌ సనయెవ్‌పై 14-4తో రవి విజయం సాధించాడు. దీంతో టోక్యో ఒలింపిక్స్‌లో భారత్‌కు నాలుగో పతకం ఖాయమయ్యింది.

ఒలంపిక్స్‌లో కాంస్య పతకం సాధించిన బాక్సర్ లవ్లీనాను భారత రాష్ట్రపతి రామ్‌నాధ్ కోవింద్, ప్రధానమంత్రి నరేంద్రమోడీ అభినందించారు. రాష్ట్రపతి రామ్ నాథ్ కోవింద్ ట్వీట్ చేస్తూ.. మీ కృషి, అంకితభావంతో దేశం మొత్తం గర్వపడేలా చేశారని కొనియాడారు.

ఎన్నో ఆశలు రేకెత్తించిన భారత బాక్సర్ లవ్లీనా నిరాశపరిచింది. తాజాగా జరిగిన 69 కేజీల బాక్సింగ్ విభాగంలోని సెమిఫైనల్ మ్యాచ్‌లో ఓటమిపాలైంది. వరల్డ్ ఛాంపియన్ బుసేనాజ్ సుర్మేనెలి చేతిలో 0-5తో ఓటమిపాలైంది. దీనితో ఆమెకు కాంస్య పతకం లభించగా.. భారత్‌కు మూడో పతకం వచ్చింది.

చైనా ఆటగాడు జుషేన్ లిన్‌పై 3-6తో దీపక్ పునియా విజయం సాధించి సెమీఫైనల్ కు క్వాలిఫై అయ్యాడు.

బల్గేరియా ఆటగాడు జియోర్గి వంగెలోవ్‌ను 4-14 తేడాతో ఓడించి భారత స్టార్ రెజ్లర్ రవి దహియా సెమీఫైనల్స్‌లోకి అడుగుపెట్టాడు.

భారత అథ్లెట్ దీపక్ పునియా 12-1 తేడాతో నైజీరియా ఆటగాడు ఎకెరేకేమె అగిమోరను ఓడించి క్వార్టర్ ఫైనల్‌కు దూసుకుపోయాడు.

హోరాహోరీగా సాగిన మహిళల ఫ్రీస్టైల్ 57 కేజీల రెజ్లింగ్ మ్యాచ్‌లో భారత మహిళా రెజ్లర్ అన్షు మాలిక్ ఓటమిపాలైంది. బెలారస్‌కు చెందిన కురచకినా చేతిలో 8-2 తేడాతో ఓడిపోయింది.

ఒలింపిక్స్‌: రెజ్లింగ్ 57 కిలోల విభాగంలో క్వార్ట‌ర్ ఫైన‌ల్‌కు చేరిన రవికుమార్‌.

భారత అథ్లెట్ శివపాల్ సింగ్ జావెలిన్ త్రో ఫైనల్‌కు అర్హత సాధించలేకపోయారు. గ్రూప్ బీ విభాగంలో అతడు వరుసగా 76.40, 74.80, 74.81 మీటర్లు విసిరాడు.

రెండో ప్రయత్నంలో భారత అథ్లెట్ శివపాల్ సింగ్ 74.80మీటర్ల త్రో చేశాడు.

భారత అథ్లెట్ శివపాల్ సింగ్ 76.40 మీటర్లు విసిరాడు. గ్రూప్ బీ నుంచి అతడు మొదటి ప్రయత్నంలో ఇన్ని మీటర్లు విసిరాడు.

83.50 మీటర్ల త్రో ద్వారా మొదటి ప్రయత్నంలోనే నీరజ్ చోప్రా ఫైనల్‌కు అర్హత సాధించాడు.