Virat Kohli: ఐపీఎల్లో 8వ సెంచరీ.. కట్చేస్తే.. ఇద్దరు ఆస్ట్రేలియన్లకు చెక్ పెట్టేసిన విరాట్ కోహ్లీ
Virat Kohli IPL 2024 Century: ఐపీఎల్ 2024లోనూ పరుగులు చేయడంలో కోహ్లీ అగ్రస్థానంలో ఉన్నాడు. అతను ఐదు ఇన్నింగ్స్ల్లో 105 సగటుతో 316 పరుగులు చేశాడు. రాజస్థాన్తో జరిగిన మ్యాచ్లో అతను తన ఐపీఎల్ కెరీర్లో 7500 పరుగుల మార్కును కూడా దాటాడు. అతను ఇప్పుడు 242 మ్యాచ్ల్లో 7579 పరుగులు చేశాడు. ఈ పరుగుల సగటు 38.27, స్ట్రైక్ రేట్ 130.62లుగా నిలిచింది.
Virat Kohli IPL 2024 Century: ఐపీఎల్ 2024లో విరాట్ కోహ్లీ తొలి సెంచరీని నమోదు చేశాడు. రాయల్ ఛాలెంజర్స్ బెంగళూరు తరపున ఆడుతున్న అతను రాజస్థాన్ రాయల్స్పై 67 బంతుల్లో 100 పరుగుల మార్కును దాటాడు. అతను 72 బంతుల్లో 12 ఫోర్లు, నాలుగు సిక్సర్లతో 113 పరుగులు చేసి నాటౌట్గా నిలిచాడు. ఐపీఎల్లో విరాట్ కోహ్లీ 8వ సారి సెంచరీ సాధించాడు. ఈ టోర్నీలో అత్యధిక సెంచరీలు చేసిన ఆటగాడిగా రికార్డు సృష్టించాడు. అలాగే టీ20లో అతడికిది తొమ్మిదో సెంచరీ. ఈ ఫార్మాట్లో అత్యధిక సెంచరీల జాబితాలో మూడో స్థానంలో నిలిచాడు. అతను ఎనిమిది సెంచరీలు చేసిన ఆస్ట్రేలియాకు చెందిన డేవిడ్ వార్నర్, మైఖేల్ క్లింగర్లను వదిలిపెట్టాడు. 22 సెంచరీలు చేసిన క్రిస్ గేల్ అగ్రస్థానంలో ఉన్నాడు.
ఐపీఎల్లో కోహ్లీ 7500కు పైగా పరుగులు..
ఐపీఎల్ 2024లోనూ పరుగులు చేయడంలో కోహ్లీ అగ్రస్థానంలో ఉన్నాడు. అతను ఐదు ఇన్నింగ్స్ల్లో 105 సగటుతో 316 పరుగులు చేశాడు. రాజస్థాన్తో జరిగిన మ్యాచ్లో అతను తన ఐపీఎల్ కెరీర్లో 7500 పరుగుల మార్కును కూడా దాటాడు. అతను ఇప్పుడు 242 మ్యాచ్ల్లో 7579 పరుగులు చేశాడు. ఈ పరుగుల సగటు 38.27, స్ట్రైక్ రేట్ 130.62లుగా నిలిచింది. ఐపీఎల్లో అతని పేరిట ఎనిమిది సెంచరీలు, 52 హాఫ్ సెంచరీలు ఉన్నాయి. అతని అత్యధిక స్కోరు 113 నాటౌట్. ఐపీఎల్లో రాజస్థాన్ రాయల్స్పై కోహ్లి తొలిసారి సెంచరీ సాధించాడు. ఈ మ్యాచ్కు ముందు, జైపూర్లో అతని పేరుకు అర్ధ సెంచరీ కూడా లేదు.
ఐపీఎల్లో అత్యధిక సెంచరీలు చేసిన బ్యాట్స్మెన్స్..
విరాట్ కోహ్లీ 242 మ్యాచ్ల్లో 8 సెంచరీలు
క్రిస్ గేల్ 142 మ్యాచ్ల్లో 6 సెంచరీలు
జాస్ బట్లర్ 100 మ్యాచ్ల్లో 5 సెంచరీలు
కేఎల్ రాహుల్ 121 మ్యాచ్ల్లో 4 సెంచరీలు
షేన్ వాట్సన్ 145 మ్యాచ్ల్లో 4 సెంచరీలు
డేవిడ్ వార్నర్ 180 మ్యాచ్ల్లో 4 సెంచరీలు
టీ20 క్రికెట్లో అత్యధిక సెంచరీలు చేసిన బ్యాట్స్మెన్స్
క్రిస్ గేల్ 463 మ్యాచ్ల్లో 22 సెంచరీలు
బాబర్ ఆజం 290 మ్యాచ్ల్లో 11 సెంచరీలు
విరాట్ కోహ్లీ 380 మ్యాచ్ల్లో 9 సెంచరీలు
మైఖేల్ క్లింగర్ 206 మ్యాచ్ల్లో 8 సెంచరీలు
డేవిడ్ వార్నర్ 374 మ్యాచ్ల్లో 8 సెంచరీలు
ఐపీఎల్ చరిత్రలో అత్యంత స్లో సెంచరీ ఇదే..
ఈ సెంచరీ ద్వారా కోహ్లి తన పేరిట అవాంఛిత రికార్డును కూడా నమోదు చేసుకున్నాడు. అతను 67 బంతుల్లో 100 పరుగులు పూర్తి చేశాడు. ఇది ఐపీఎల్ చరిత్రలో ఉమ్మడిగా స్లో సెంచరీగా నిలిచింది. కోహ్లీతో పాటు మనీష్ పాండే కూడా అదే బంతుల్లో సెంచరీ సాధించాడు. అందులో రెండు 2009లో డెక్కన్ ఛార్జర్స్పై వచ్చాయి. మిగిలిన బ్యాట్స్మెన్లలో జోస్ బట్లర్, సచిన్ టెండూల్కర్, డేవిడ్ వార్నర్ 66 బంతుల్లోనే సెంచరీలు సాధించారు. కాగా, కోహ్లీ తన టీ20 కెరీర్లో సుదీర్ఘమైన టీ20 ఇన్నింగ్స్ ఆడాడు. అతను మొదటిసారి 64 కంటే ఎక్కువ బంతులు ఎదుర్కొన్నాడు.
మరిన్ని క్రీడా వార్తల కోసం ఇక్కడ క్లిక్ చేయండి..