French Open: ఫ్రెంచ్ఓపెన్‌ ప్రీక్వార్టర్స్‌లోకి గ్రాండ్ ఎంట్రీ ఇచ్చిన ముద్దుగుమ్మలు మారియా, కోకో గాఫ్
French Open: ఫ్రెంచ్ ఓపెన్‌లో ప్రీక్వార్టర్స్‌లోకి అదిరిపోయే ఎంట్రీ ఇచ్చింది మారియా సక్కారి. ప్రత్యర్థులను చిత్తు చేస్తూ నాలుగో రౌండ్‌లోకి ఎంట్రీ ఇచ్చిచారు. ఆదివారం జరిగిన మహిళల సింగిల్స్ మూడో రౌండ్లో...
ఫ్రెంచ్ ఓపెన్‌లో ప్రీక్వార్టర్స్‌లోకి అదిరిపోయే ఎంట్రీ ఇచ్చింది మారియా సక్కారి. ప్రత్యర్థులను చిత్తు చేస్తూ నాలుగో రౌండ్‌లోకి ఎంట్రీ ఇచ్చిచారు. ఆదివారం జరిగిన మహిళల సింగిల్స్ మూడో రౌండ్లో దాదాపు మూడు గంటల పాటు ఉత్కంఠగా సాగిన మ్యాచ్‌లో ఎలీస్ మెర్టెన్స్(బెల్జియమ్)ను 7-5, 6-7(2), 6-2 తేడాతో ఓడించింది మారియా సక్కారి. నాలుగో రౌండ్కు 7వ సీడ్ సక్కారి చేరుకోవడం ఇంతవరకు తన కెరీర్‌లో ఇదే తొలిసారి. ప్రీక్వార్టర్స్లో సోఫియా కెనిన్(అమెరికా)తో తలపడనుంది.
ఈ ఇద్దరి మధ్య తొలి సెట్ నుంచే ఆట పోటా పోటీగా సాగింది. మొదటి సెట్‌ను 7-5తో గెలుచుకుంది. ఆ తర్వాత సెట్‌ను 6-7(2)తో పోరాడి గెలిచింది సక్కారి. ఇక మూడో సెట్‌ను మాత్రం సునాయసంగా గెలుచుకుంది. ఇందులో ముందు నుంచి తన ఆదిపత్యం ప్రదర్శించింది సక్కరి.
ఈ మూడో రౌండ్లో నెం.4సీడ్ సోఫియా 4-6,6-1,6-4తేడాతో జెస్సికా పెగులాను ఓడించగా.. నెం.24సీడ్ కోకో గాఫ్(అమెరికా)3-6, 6-0, 6-1తేడాతో మాగ్డా లినెట్టి(పొలాండ్)ను మట్టికరిపించింది. కోకో కూడా నాలుగో రౌండ్కు చేరడం ఇదే తొలిసారి. దీంతో వీరిద్దరూ కూడా ప్రీక్వార్టర్స్లో అడుగుపెట్టేశారు. ఆదివారం జరిగిన పోటీల్లో మారియా సక్కారి(గ్రీస్), సోఫియా, కోకో గాఫ్ అదరగొట్టారు. ప్రత్యర్థులపై ఆధిపత్యం చెలాయించి ప్రీక్వార్టర్స్కు చేరుకున్నారు.