Ishan Kishan: ఈషాన్ కిషన్ విధ్వంసకర సెంచరీ.. సోషల్ మీడియాను ఊపేస్తున్న గర్ల్‌ఫ్రెండ్ అదితి పోస్ట్

Ishan Kishan: చెన్నైలోని ఎంఏ చిదంబరం స్టేడియం వేదికగా ప్రారంభమైన దులీప్ ట్రోఫీ ఫైనల్ పోరులో ఈస్ట్ జోన్ కెప్టెన్ ఈషాన్ కిషన్ అద్బుతమైన బ్యాటింగ్‌తో అలరించాడు. జట్టును ముందుండి నడిపిస్తూ సౌత్ జోన్ బౌలర్లను నలువైపులా అటాక్ చేశాడు. కేవలం 122 బంతుల్లోనే తన సెంచరీ మార్కును అందుకోవడమే కాకుండా, ఫస్ట్ క్లాస్ క్రికెట్‌లో తన పదో సెంచరీని నమోదు చేసుకున్నాడు. మొదటి రోజు ఆట పూర్తయ్యే సమయానికి ఈషాన్ 135 బంతుల్లో 14 ఫోర్లు, రెండు సిక్సర్లతో 111 పరుగులు చేసి నాటౌట్‌గా నిలిచాడు.

ఈషాన్ కిషన్ సెంచరీ పూర్తయిన వెంటనే అతడి రూమర్డ్ గర్ల్ ఫ్రెండ్, ప్రముఖ మోడల్ అదితి హుండియా తన ఇన్‌స్టాగ్రామ్ స్టోరీలో ఒక స్పెషల్ పోస్ట్ పెట్టింది. ఈషాన్ మైదానంలో సెంచరీ సంబరాలు చేసుకుంటున్న ఫోటోను షేర్ చేస్తూ, “ఒక అద్భుతమైన సెంచరీ.. ఇది నువ్వు నీ కష్టంతో సంపాదించుకున్నది” అని రాసుకొచ్చింది. అతడి టాలెంటును ప్రశంసిస్తూ అదితి పెట్టిన ఈ చిన్న పోస్ట్ సోషల్ మీడియాలో క్షణాల్లో వైరల్ అయింది. నెటిజన్లు, క్రికెట్ అభిమానులు ఈ జంటకు శుభాకాంక్షలు చెబుతూ కామెంట్లు పెడుతున్నారు.

Ishan Kishan Girlfriend Instagram Story. pic.twitter.com/jeUoyrQfuT

— Sahil (@SahilSinghadiya) September 6, 2026

మొదటి రోజు ఆట ముగిసే సమయానికి ఈస్ట్ జోన్ జట్టు 4 వికెట్ల నష్టానికి 385 పరుగుల భారీ స్కోరు సాధించి స్ట్రాంగ్ పొజిషన్లో నిలిచింది. ఈషాన్ కిషన్‌తో పాటు వికెట్ కీపర్ బ్యాటర్ కుమార్ కుశాగ్ర కూడా అద్భుతంగా రాణించాడు. వీరిద్దరూ ఐదో వికెట్‌కు ఏకంగా 160 బంతుల్లో 144 పరుగుల భాగస్వామ్యాన్ని నెలకొల్పి ప్రత్యర్థి బౌలర్లకు చుక్కలు చూపించారు. కుశాగ్ర 75 బంతుల్లో 4 ఫోర్లు, 5 భారీ సిక్సర్లతో 63 పరుగులు చేసి క్రీజులో ఉన్నాడు.

మహ్మద్ సిరాజ్, తిలక్ వర్మ నేతృత్వంలోని సౌత్ జోన్ బౌలింగ్ విభాగం ఈస్ట్ జోన్ బ్యాటర్ల విరుచుకుపడుతున్న తీరుకు అడ్డుకట్ట వేయలేకపోయింది. సిరాజ్ ఏకంగా ఓవర్‌కు ఎనిమిది పరుగులకు పైగా సమర్పించుకుని నిరాశపరిచాడు. ఈస్ట్ జోన్ ఓపెనర్లు అభిమన్యు ఈశ్వరన్, వైభవ్ సూర్యవంశీ కూడా మంచి ఆరంభాన్ని ఇవ్వడం వల్ల ఆ జట్టు సునాయాసంగా భారీ స్కోరు వైపు దూసుకెళ్లింది.

మరిన్ని క్రికెట్ వార్తల కోసం ఇక్కడ క్లిక్ చేయండి..