Womens Cricket: న్యూజిలాండ్‌లో భారత మహిళల క్రికెట్‌ జట్టు పర్యటన ఖరారు.. పూర్తి షెడ్యూల్‌ ఇదే..
న్యూజిలాండ్‌లో భారత మహిళల క్రికెట్‌ జట్టు పర్యటన ఖరారైంది. దీనికి సంబంధించి న్యూజిలాండ్‌ క్రికెట్‌(NCZ) శుక్రవారం పూర్తి షెడ్యూల్‌ విడుదల చేసింది..
న్యూజిలాండ్‌లో భారత మహిళల క్రికెట్‌ జట్టు పర్యటన ఖరారైంది. దీనికి సంబంధించి న్యూజిలాండ్‌ క్రికెట్‌(NCZ) శుక్రవారం పూర్తి షెడ్యూల్‌ విడుదల చేసింది. ఇందులో భాగంగా భారత్‌, న్యూజిలాండ్‌ జట్లు ఒక టీ-20, ఐదు వన్డే మ్యాచ్‌ల్లో తలపడనున్నాయి. వచ్చే ఏడాది ఫిబ్రవరి 9న తొలిగే టీ-20 మ్యాచ్‌తో భారత పర్యటన ఆరంభం కానుంది. కాగా మార్చి- ఏప్రిల్‌ మధ్య కాలంలో న్యూజిలాండ్‌ వేదికగానే మహిళల వన్డే ప్రపంచకప్‌ జరగనుంది. ఈ క్రమంలో ప్రపంచకప్‌ సన్నాహకాల్లో భాగంగానే బీసీసీఐ ఈ సిరీస్‌ ఏర్పాటుచేసింది.
న్యూజిలాండ్‌లోని ఫాస్ట్‌ అండ్‌ బౌన్సీ పిచ్‌లతో పాటు అక్కడి వాతావరణ పరిస్థితులకు భారత మహిళలు బాగా అలవాటు పడేందుకు ఈ టోర్నీని నిర్వహించనుంది. కాగా భారత్‌, న్యూజిలాండ్‌ జట్లు చివరిసారిగా 2019 జనవరిలో తలపడ్డాయి. న్యూజిలాండ్‌ ఆతిథ్యమిచ్చిన ద్వైపాక్షిక వన్డే సిరీస్‌ను భారత్‌ 2-1తో చేజిక్కించుకోగా, మూడు మ్యాచ్‌ల టీ-20 సిరీస్‌ను కివీస్‌ క్లీన్‌స్వీప్‌ చేసింది.
న్యూజిలాండ్‌లో భారత మహిళల జట్టు షెడ్యూల్‌ ఇదే.
మొదటి టీ-20 మ్యాచ్‌- ఫిబ్రవరి9- నేపియర్‌
మొదటి వన్డే – ఫిబ్రవరి11- నేపియర్‌
రెండో వన్డే – ఫిబ్రవరి14- నెల్సన్‌
మూడో వన్డే – ఫిబ్రవరి16- నెల్సన్‌
నాలుగో వన్డే – ఫిబ్రవరి 22- క్వీన్స్‌టౌన్‌
ఐదో వన్డే – ఫిబ్రవరి 25 – క్వీన్స్‌టౌన్‌
Also Read:
Hockey India: మరోసారి టీమిండియాను ఛాంపియన్‌ చేస్తాం.. సరికొత్త వ్యూహాలతో బరిలోకి: వివేక్ సాగర్