CSK vs KKR, IPL 2022 Match Prediction: తొలి పోరులో గెలిచేదెవరో.. చెన్నై వర్సెస్ కోల్‌కతా పూర్తి రికార్డులు ఎలా ఉన్నాయంటే?

Csk Vs Kkr Ipl Match

ఐపీఎల్ 15వ సీజన్ (IPL 2022) శనివారం నుంచి ముంబైలోని వాంఖడే స్టేడియంలో ప్రారంభం కానుంది. డిఫెండింగ్ ఛాంపియన్ చెన్నై టీం వర్సెస్ రన్నరప్ కోల్‌కతా నైట్ రైడర్స్ (Chennai Super Kings vs Kolkata Knight Riders) మధ్య మొదటి మ్యాచ్ జరుగుతుంది. గతేడాది రెండు జట్లూ అద్భుత ఆటతీరును ప్రదర్శించాయి. కోల్‌కతా నైట్ రైడర్స్ అద్భుతంగా ఫైనల్‌లో చోటు సంపాదించింది. అయితే టైటిల్ మ్యాచ్‌లో ఈ జట్టును ఓడించి చెన్నై సూపర్ కింగ్స్ నాలుగోసారి IPLని కైవసం చేసుకుంది. కోల్‌కతాను ఎంఎస్ ధోనీ కూడా ప్రశంసించాడు. ఇది గతేడాది విషయం. కానీ ప్రస్తుతం జట్ల పరిస్థితి పూర్తిగా మారిపోయింది. కోల్‌కతా నైట్ రైడర్స్ వర్సెస్ చెన్నై సూపర్ కింగ్స్ మధ్య ఎవరు గెలుస్తారు? కోల్‌కతా కొత్త కెప్టెన్ శ్రేయాస్ అయ్యర్ ఫైర్ చూపిస్తాడా లేక రవీంద్ర జడేజా చెన్నై సూపర్ కింగ్స్‌ (IPL 2022 Match Prediction) విజయాలను కొనసాగిస్తాడా? అనేది చూడాల్సింది.

కోల్ కతా, చెన్నై సూపర్ కింగ్స్ తమ కెప్టెన్లను మార్చాయి. శ్రేయాస్ అయ్యర్‌కు KKR కమాండ్ ఇవ్వగా, ధోనీ చెన్నై కెప్టెన్సీని వదిలి జడేజాకు తన సింహాసనాన్ని అప్పగించాడు. రెండు జట్లలో చాలా మంది మ్యాచ్ విన్నర్లు ఉన్నారు. కాబట్టి ఈ మ్యాచ్‌లో ఎవరు గెలుస్తారో చెప్పడం కష్టం. అయితే, క్రికెట్‌లో గణాంకాలకు చాలా ప్రాముఖ్యత ఉంది. ఏ జట్టు పైచేయి సాధిస్తుందో ఇవి సూచిస్తాయనడంలో సందేహం లేదు.

గట్టిపోటీ..

గణాంకాల విషయానికొస్తే, కోల్‌కతా నైట్ రైడర్స్‌పై చెన్నై సూపర్ కింగ్స్ పూర్తిగా ఆధిపత్యం చెలాయిస్తోంది. ఈ రెండు టీంల మధ్య 26 మ్యాచ్‌లు జరగగా, చెన్నై 17 మ్యాచ్‌లు ఆడగా, కోల్‌కతా కేవలం 8 మ్యాచ్‌ల్లో విజయం సాధించింది. ఐపీఎల్ 2021 గురించి మాట్లాడుతూ, చెన్నై సూపర్ కింగ్స్ రెండు లీగ్ మ్యాచ్‌లలో కోల్‌కతా నైట్ రైడర్స్‌ను ఓడించింది. తొలి మ్యాచ్‌లో చెన్నై 6 వికెట్ల తేడాతో గెలుపొందగా, రెండో మ్యాచ్‌లో కోల్‌కతా నైట్ రైడర్స్ 2 వికెట్ల తేడాతో ఓడిపోయింది. ఫైనల్‌లోనూ కోల్‌కతాపై చెన్నై సూపర్ కింగ్స్ 27 పరుగుల తేడాతో విజయం సాధించింది.

అయితే ఇక్కడ గమనించాల్సిన విషయం ఏమిటంటే.. తొలి మ్యాచ్‌లో చెన్నై సూపర్ కింగ్స్ రికార్డు చాలా పేలవంగా ఉంది. చెన్నై ఇప్పటి వరకు 12 సార్లు ఐపీఎల్‌లో ఓపెనింగ్ మ్యాచ్ ఆడగా, అందులో 6 సార్లు ఓడిపోయింది. మరోవైపు కోల్‌కతా 14 మ్యాచ్‌ల్లో 10 గెలిచింది. ఈ సంఖ్య కోల్‌కతా నైట్ రైడర్స్‌కు అనుకూలంగా ఉన్నట్లు కనిపిస్తోంది.

కోల్‌కతా-చెన్నై జట్టులో అత్యధిక సిక్సర్లు కొట్టిన బ్యాట్స్‌మెన్?

కోల్‌కతా తరపున ఆండ్రీ రస్సెల్ 140 సిక్సర్లు కొట్టాడు. రస్సెల్ కేవలం 66 ఇన్నింగ్స్‌ల్లోనే ఈ ఘనత సాధించాడు. కోల్‌కతా తరపున రస్సెల్ 114 ఫోర్లు కొట్టాడు. అంటే రస్సెల్ కేవలం సిక్స్‌లతోనే డీల్ చేస్తాడని ఈ రికార్డులు సూచిస్తున్నాయి.

చెన్నై సూపర్ కింగ్స్ తరపున మహేంద్ర సింగ్ ధోని 189 సిక్సర్లు కొట్టాడు. ఈ సీజన్‌లో ధోనీ తన 200 ఐపీఎల్ సిక్సర్లను పూర్తి చేయగలడు. ఈ గణాంకాలు ఐపీఎల్, ఛాంపియన్స్ లీగ్‌కి సంబంధించినవి.

చెన్నై-కోల్‌కతా తరపున అత్యధిక వికెట్లు తీసిన బౌలర్?

ఐపీఎల్‌, ఛాంపియన్స్‌ లీగ్‌తో సహా కోల్‌కతా తరపున ఆఫ్‌ స్పిన్నర్‌ సునీల్‌ నరైన్‌ అత్యధిక వికెట్లు పడగొట్టాడు. ఈ దిగ్గజ బౌలర్ 161 వికెట్లు పడగొట్టాడు. చెన్నై సూపర్ కింగ్స్ తరపున డ్వేన్ బ్రావో అత్యధికంగా 138 వికెట్లు పడగొట్టాడు.

చెన్నై-కోల్‌కతా తరపున అత్యధిక క్యాచ్‌లు పట్టిన ఫీల్డర్?

చెన్నై సూపర్ కింగ్స్ తరపున సురేష్ రైనా 98 క్యాచ్‌లు తీసుకున్నాడు. కానీ, రైనా ప్రస్తుతం జట్టులో భాగం కాదు. ప్రస్తుత జట్టు కెప్టెన్ రవీంద్ర జడేజా 63 క్యాచ్‌లు పట్టాడు. ప్రస్తుతం కోల్‌కతా జట్టులో ఆండ్రీ రస్సెల్ 26 క్యాచ్‌లు పట్టాడు.

కోల్‌కతా నైట్ రైడర్స్ ప్రాబబుల్ ప్లేయింగ్ XI:
వెంకటేష్ అయ్యర్, సామ్ బిల్లింగ్స్, శ్రేయాస్ అయ్యర్, నితీష్ రాణా, షెల్డన్ జాక్సన్, ఆండ్రీ రస్సెల్, సునీల్ నరైన్, టిమ్ సౌథీ, ఉమేష్ యాదవ్, శివమ్ మావి, వరుణ్ చక్రవర్తి

చెన్నై సూపర్ కింగ్స్ ప్రాబబుల్ ప్లేయింగ్ XI:
రితురాజ్ గైక్వాడ్, రాబిన్ ఉతప్ప, డెవాన్ కాన్వే, అంబటి రాయుడు, డ్వేన్ బ్రావో, రవీంద్ర జడేజా (కెప్టెన్), ఎంఎస్ ధోని, శివమ్ దూబే, రాజవర్ధన్ హంగర్‌గేకర్, ఆడమ్ మిల్నే, మహిష్ తీక్షణ

Also Read: Pak vs Aus 3rd Test: టెస్ట్ సిరీస్ ఆసీస్ సొంతం.. 115 పరుగుల తేడాతో పాక్ ఓటమి.. 24 ఏళ్ల తర్వాత కంగారుల స్పెషల్ రికార్డ్..

Women’s IPL: మహిళల ఐపీఎల్‌పై కీలక నిర్ణయం.. వచ్చే ఏడాది నుంచే షురూ.. గ్రీన్ సిగ్నల్ ఇచ్చిన బీసీసీఐ..!