Virat Kohli: డౌటే లేదు.. టీమిండియాలో అతడే బిగ్గెస్ట్ క్రౌడ్ పుల్లర్..! వీడియో చూస్తే షాక్ అవడం ఖాయం

Kohli

భారత క్రికెట్ లో విరాట్ కోహ్లీ పేరు చెబితే క్రికెట్ అభిమానుల హృదయాలు వేడెక్కుతాయి. అతని ఆటతీరు, అంకిత భావం, ఆగ్రెసివ్ నేచర్ వల్లే కాక, మైదానంలో అతను ప్రదర్శించే ఎమోషన్స్ కూడా ప్రేక్షకులను విశేషంగా ఆకట్టుకుంటాయి.

కోహ్లీ బ్యాటింగ్ కు వచ్చినప్పుడల్లా స్టేడియంలో అభిమానుల ఊరేగింపు మామూలుగా ఉండదు. అతని ఒక్కో షాట్ కు స్టేడియం హోరెత్తిపోతుంది. టెస్టులు, వన్డేలు, టీ20లు అన్నీ ఫార్మాట్లలోనూ అతను తన ముద్ర వేయడం అతనిని ప్రత్యేకంగా నిలబెట్టింది. ఐపీఎల్‌లో రాయల్ ఛాలెంజర్స్ బెంగళూరుకు ఆడినప్పుడల్లా అభిమానులు అతన్ని చూసేందుకు స్టేడియాలకు పోటెత్తుతారు.

క్రికెట్ ప్రపంచంలో అతనికున్న ఫాలోయింగ్ మరెవరికీ ఉండదనడంలో సందేహమే లేదు. విరాట్ కోహ్లీ అంటే కేవలం ఒక ఆటగాడు మాత్రమే కాదు, ఒక ఎమోషన్! అందుకే ఈ ఇండియన్ క్రికెట్ సూపర్ స్టార్ విరాట్ కోహ్లీ 12 ఏళ్ల తర్వాత రంజీ ట్రోఫీలో తిరిగి అడుగుపెట్టడంతో స్టేడియానికి క్రికెట్ ఫ్యాన్స్ వరదలా వచ్చారు. ఢిల్లీ తరఫున రైల్వేస్ జట్టుతో జరిగిన గ్రూప్-డి పోరులో అతను బరిలోకి దిగాడు. ఈ మ్యాచ్ కోసం అరుణ్ జైట్లీ స్టేడియానికి అభిమానులు భారీ సంఖ్యలో తరలి వచ్చారు.

బోర్డర్-గావాస్కర్ ట్రోఫీ పరాజయం అనంతరం, బీసీసీఐ సీనియర్ ఆటగాళ్లు దేశీయ క్రికెట్‌ను ప్రాధాన్యత ఇవ్వాలని కీలక నిర్ణయం తీసుకుంది. ఈ నిర్ణయానికి అనుగుణంగా రంజీ ట్రోఫీ 2024-25 చివరి దశ ప్రారంభమైంది. అందులో భాగంగా రోహిత్ శర్మ, శుబ్‌మన్ గిల్, యశస్వి జైస్వాల్ వంటి ఆటగాళ్లు దేశీయ క్రికెట్‌లో అడుగుపెట్టారు.

జనవరి 30న విరాట్ కోహ్లీ రంజీ ట్రోఫీలో తిరిగి అడుగుపెట్టడం అభిమానులను ఉత్సాహానికి గురిచేసింది. కోహ్లీ కొద్ది రోజుల క్రితమే ఢిల్లీ జట్టుతో కలిసాడు. అతను జూనియర్ ఆటగాళ్లతో కలిసి ప్రాక్టీస్ చేశాడు. ఇక, రైల్వేస్‌తో మ్యాచ్‌లో ప్లేయింగ్ ఎలెవన్‌లో చోటు సంపాదించాడు.

కోహ్లీ రంజీ ట్రోఫీలో ఆడుతున్న వార్త తెలిసిన వెంటనే అభిమానులు స్టేడియం బయట భారీ సంఖ్యలో గుమిగూడారు. సోషల్ మీడియాలో షేర్ అయిన వీడియోల ప్రకారం, కొందరు అభిమానులు అర్ధరాత్రి నుంచే స్టేడియం బయట క్యూ కట్టారు. స్టేడియంలోనూ ప్రేక్షకులతో స్టాండ్లు నిండిపోయాయి. వ్యాఖ్యాతలు కూడా ఇటువంటి జన సందోహాన్ని దేశీయ క్రికెట్‌లో చాలా కాలం తర్వాత చూస్తున్నామంటూ వ్యాఖ్యానించారు.

అయితే, ఢిల్లీ జట్టు తొలుత బౌలింగ్ ఎంచుకోవడంతో కోహ్లీ బ్యాటింగ్‌కు దిగే క్రమంలో అభిమానులకు కొంతసేపు నిరీక్షణ తప్పలేదు. అయినప్పటికీ, అతని తిరుగు ప్రయాణం సంచలనంగా మారింది. అతని ఆటను ప్రత్యక్షంగా చూసేందుకు అభిమానులు స్టేడియానికి తరలివచ్చారు. రంజీ ట్రోఫీ పైన తిరిగి ఆసక్తిని రేకెత్తించడంలో కోహ్లీ పాత్ర కీలకంగా మారింది.

కొత్త రికార్డులను తిరగరాయాలని, దేశీయ క్రికెట్‌కు మరింత ఊతమివ్వాలని అభిమానులు ఆశిస్తున్నారు. రంజీ ట్రోఫీలో కోహ్లీ ఆడటం వల్ల యువ క్రికెటర్లకు ఇది గొప్ప ప్రేరణగా మారనుంది. ఇక ముందు రోజుల్లోనూ ఈ క్రేజ్ కొనసాగుతుందని విశ్లేషకులు అంచనా వేస్తున్నారు.

మరిన్ని క్రీడా వార్తల కోసం ఇక్కడ క్లిక్ చేయండి..