Virat Kohli : విరాట్ కోహ్లీ సడన్ డెసిషన్.. అమ్మకానికి రూ.100కోట్ల విలువైన కంపెనీ

Virat Kohli : సౌతాఫ్రికా సిరీస్‌లో బ్యాట్‌తో అద్భుతాలు చేసిన టీమిండియా స్టార్ బ్యాట్స్‌మెన్ విరాట్ కోహ్లీ ఇప్పుడు వ్యాపార రంగంలో కూడా భారీ ఇన్నింగ్స్ ఆడటానికి సిద్ధమవుతున్నాడు. అందుతున్న సమాచారం ప్రకారం.. కోహ్లీ తన సొంత లైఫ్‌స్టైల్ బ్రాండ్ అయిన One8ను విక్రయించాలని నిర్ణయించుకున్నాడు. నివేదికల ప్రకారం బెంగళూరుకు చెందిన స్టార్టప్ కంపెనీ అజిలిటాస్‎కు ఈ బ్రాండ్‌ను విక్రయించనున్నాడు. ఈ డీల్‌లో భాగంగా కోహ్లీ అదే అజిలిటాస్ కంపెనీలో మైనారిటీ వాటా పొందడానికి తన వ్యక్తిగత సామర్థ్యం మేరకు రూ.40 కోట్లు పెట్టుబడి పెట్టనుండటం విశేషం. అజిలిటాస్ సంస్థ కొనుగోలు చేయబోతున్న రెండవ కంపెనీ One8 కావడం గమనార్హం. గతంలో ఈ సంస్థ మోచికో షూస్‌ను కొనుగోలు చేసింది.

విరాట్ కోహ్లీకి చెందిన One8 బ్రాండ్ రెస్టారెంట్‌లతో పాటు, వివిధ లైఫ్‌స్టైల్ ఉత్పత్తులను కూడా తయారు చేస్తుంది. ఈ బ్రాండ్ నికర విలువ రూ.112 కోట్లకు పైగా ఉంటుందని అంచనా. ప్రస్తుతం ఈ కంపెనీని విరాట్ కోహ్లీ చిన్ననాటి స్నేహితుడు వర్తిక్ తిహారా, అన్నయ్య వికాస్ కోహ్లీ నిర్వహిస్తున్నారు. ఈ బ్రాండ్‌ను ఇప్పుడు అజిలిటాస్ కొనుగోలు చేయనుంది. అజిలిటాస్ సంస్థ గతంలో కొనుగోలు చేసిన మోచికో షూస్, అడిడాస్, ప్యూమా, న్యూ బ్యాలెన్స్, రీబాక్ వంటి దిగ్గజ సంస్థల కోసం షూలను తయారు చేస్తుంది. అంటే, ఈ డీల్‌తో విరాట్ కోహ్లీ తన సొంత బ్రాండ్‌ను అమ్మి, మరింత పెద్ద తయారీ సామర్థ్యం ఉన్న సంస్థలో వ్యూహాత్మక వాటాదారుగా మారనున్నాడు.

🚨Virat Kohli to sell One8 to Agilitas, invest Rs 40 crore to pick up stake

Virat Kohli is set to sell his sporting brand, One8, to Agilitas and also invest Rs 40 crore in his personal capacity to become a minority shareholder in the Bengaluru-based startup.

One8 will be…

— Chandra R. Srikanth (@chandrarsrikant) December 8, 2025

విరాట్ కోహ్లీ కేవలం అత్యుత్తమ క్రికెటర్ మాత్రమే కాదు, ఒక విజయవంతమైన వ్యాపారవేత్త కూడా. ఈ ఆటగాడి నికర ఆస్తి ఇప్పటికే రూ.1000 కోట్లు దాటింది, ఇందులో అతని తెలివైన వ్యాపార పెట్టుబడుల పాత్ర కీలకం. కోహ్లీ ఫ్యాషన్, ఫిట్‌నెస్, ఫుడ్, టెక్, స్పోర్ట్స్ సెక్టార్లలో 13 కంటే ఎక్కువ వెంచర్లలో పెట్టుబడులు పెట్టాడు. అతను కొన్ని బ్రాండ్‌లకు సహ-యజమానిగా కూడా ఉన్నాడు. One8 తో పాటు, కోహ్లీ Wrogn (ఫ్యాషన్ బ్రాండ్), Nueva (ఫుడ్ వెంచర్), చీజల్ ఫిట్‌నెస్ వంటి వాటిలో పెట్టుబడులు పెట్టాడు. అంతేకాకుండా, FC గోవా (ఫుట్‌బాల్), యూఏఈ రాయల్స్, బెంగళూరు యోధ వంటి స్పోర్ట్స్ టీమ్‌లలో కూడా సహ-యజమానిగా ఉండి తన వ్యాపార సామ్రాజ్యాన్ని విస్తరించుకున్నాడు.

మరిన్ని క్రీడా వార్తల కోసం ఇక్కడ క్లిక్ చేయండి..