Video: ట్రోఫీ అందించిన ప్లేయర్నే ఇమిటేడ్ చేసిన కోహ్లీ.. వీడియో చూస్తే నవ్వాగదంతే..!
Virat Kohli Imitates Romario Shepherd Batting Style: ఐపీఎల్ మైదానంలో పరుగుల వరద పారించే విరాట్ కోహ్లీ, తెర వెనుక తన హాస్యచతురతతో అందరినీ నవ్విస్తుంటారు. తాజాగా రాయల్ ఛాలెంజర్స్ బెంగళూరు శిబిరంలో కోహ్లీ తన సహచర ఆటగాడు రోమారియో షెపర్డ్ బ్యాటింగ్ శైలిని అనుకరిస్తూ చేసిన విన్యాసం ఇప్పుడు సోషల్ మీడియాలో వైరల్గా మారింది.
Virat Kohli Imitates Romario Shepherd Batting Style: రాయల్ ఛాలెంజర్స్ బెంగళూరు జట్టు ప్రస్తుతం మైదానంలోనే కాకుండా, బయట కూడా ఎంతో ఐక్యతతో కనిపిస్తోంది. 2025లో తొలిసారి ఐపీఎల్ ఛాంపియన్గా నిలిచిన ఆర్సీబీ, 2026 సీజన్ను కూడా సన్రైజర్స్ హైదరాబాద్పై భారీ విజయంతో ఘనంగా ప్రారంభించింది. ఈ క్రమంలోనే జట్టు సభ్యుల మధ్య ఉన్న సాన్నిహిత్యాన్ని చాటిచెప్పేలా కోహ్లీ ఒక సరదా వీడియోను పంచుకున్నారు. వెస్టిండీస్ ఆల్ రౌండర్ రోమారియో షెపర్డ్ బ్యాటింగ్ కోసం వచ్చినప్పుడు క్రీజులో నిలబడే తీరును కోహ్లీ ఇమిటేడ్ చేశాడు. అచ్చం అలాగే చేసి చూపించాడు. అది చూసి షెపర్డ్ కూడా నవ్వు ఆపుకోలేకపోయాడు.
ఆర్సీబీ కీలక అస్త్రం రోమారియో షెపర్డ్..
రోమారియో షెపర్డ్ 2025 సీజన్ నుంచి ఆర్సీబీ జట్టులో కీలక సభ్యుడిగా కొనసాగుతున్నాడు. బ్యాటుతోనూ, బంతితోనూ ఆయన జట్టుకు ఎన్నో అద్భుత విజయాలను అందించాడు. ముఖ్యంగా గత ఏడాది చెన్నై సూపర్ కింగ్స్పై కేవలం 14 బంతుల్లోనే 53 పరుగులు చేసిన ఇన్నింగ్స్ అభిమానుల గుండెల్లో నిలిచిపోయింది. అలాగే 2025 ఫైనల్ మ్యాచ్లో పంజాబ్ కింగ్స్ కెప్టెన్ శ్రేయాస్ అయ్యర్ వికెట్ తీసి జట్టును విజేతగా నిలబెట్టడంలో ముఖ్య పాత్ర పోషించారు. ఈ ఏడాది కూడా హైదరాబాద్తో జరిగిన తొలి మ్యాచ్లోనే మూడు వికెట్లు తీసి తన ఫామ్ను చాటుకున్నారు.
కోహ్లీ జోరు.. కుర్రాళ్లకు మార్గదర్శకం..
VIRAT KOHLI IMITATING ROMARIO SHEPHERD’S BATTING STYLE. 😂♥️
– King Kohli, What a character! pic.twitter.com/CMwbCnwmjl
— Tanuj (@ImTanujSingh) April 1, 2026
మరోవైపు విరాట్ కోహ్లీ కూడా తన భీకర ఫామ్ను కొనసాగిస్తున్నాడు. తొలి మ్యాచ్లోనే 38 బంతుల్లో 69 పరుగులు చేసి అజేయంగా నిలిచాడు. కేవలం బ్యాటింగ్లోనే కాకుండా యువ ఆటగాళ్లకు దిశానిర్దేశం చేయడంలోనూ కోహ్లీ ముందుంటున్నాడు. జట్టులోని యువ స్పిన్నర్ విక్కీ ఓస్త్వాల్ కోహ్లీ గురించి మాట్లాడుతూ.. “నెట్స్ ప్రాక్టీస్ సమయంలో కోహ్లీతో మాట్లాడటం నా ఆటను మెరుగుపరుచుకోవడానికి ఎంతో సహాయపడుతుంది. నేను బౌలింగ్ చేసేటప్పుడు నా ఆలోచనా విధానం ఎలా ఉంది, ఆయన బ్యాటింగ్ చేసేటప్పుడు ఏం ఆలోచిస్తారు అనే విషయాలను ఆయన స్పష్టంగా వివరిస్తారు” అని పేర్కొన్నారు.
తదుపరి పోరు చెన్నైతో..
వరుస విజయాలతో ఊపుమీదున్న రాయల్ ఛాలెంజర్స్ బెంగళూరు తన తదుపరి మ్యాచ్ను ఏప్రిల్ 5, ఆదివారం నాడు చెన్నై సూపర్ కింగ్స్తో ఆడనుంది. ఈ పోరులో కూడా కోహ్లీ తన బ్యాటుతో మెరిపిస్తారని, షెపర్డ్ తన ఆల్ రౌండ్ ప్రదర్శనతో ఆకట్టుకుంటారని అభిమానులు ఆశిస్తున్నారు.
మరిన్ని క్రికెట్ న్యూస్ కోసం ఇక్కడ క్లిక్ చేయండి..