IND vs IRE: సంవత్సరం తర్వాత రీఎంట్రీ.. కట్‌చేస్తే.. 3 బంతుల్లో వికెట్.. వేటకు సిద్ధమైన టీమిండియా స్పీడ్ స్టర్..
India vs Ireland, Prasidh Krishna: గతేడాది జింబాబ్వేతో జరిగిన మ్యాచ్‌లో ప్రసీద్ధ్ గాయపడ్డాడు. అతడి నడుము భాగంలో ఫ్రాక్చర్ అయింది. ఆ తర్వాత శస్త్ర చికిత్స కూడా చేయించుకున్నాడు. శస్త్రచికిత్స తర్వాత, అతను పునరావాసం కోసం NCA కి వెళ్ళాడు. గతంలో అతని ఫిట్‌నెస్ గురించి అప్‌డేట్ ఇస్తూ నెట్స్‌లో పూర్తి శక్తితో బౌలింగ్ చేస్తున్నాడని BCCI తెలిపింది. గత నెల జులై 21న బీసీసీఐ అప్‌డేట్ ఇవ్వగా, నెల రోజుల్లోనే అతను తిరిగి మైదానంలోకి వచ్చాడు.
India vs Ireland, Prasidh Krishna: టీమ్ ఇండియా ప్రస్తుతం ఆసియా కప్, ప్రపంచకప్ 2023కు సన్నద్ధం అవుతోంది. భారత జట్టు పూర్తి శక్తితో బరిలోకి దిగేందుకు ప్లాన్ చేస్తుంది. అయితే కొంతమంది ముఖ్యమైన ఆటగాళ్లు పూర్తిగా ఫిట్‌గా లేకపోవటంతో, జట్టు ప్రయోగాలు చేయవలసి వస్తోంది. గాయపడిన వారిలో ఒకరు తిరిగి రావడం గురించి ఇప్పుడు శుభవార్త వస్తోంది. భారత ఫాస్ట్ బౌలర్ ప్రసీద్ధ్ కృష్ణ ఫిట్‌గా మారాడు. అంతే కాదు, ఐర్లాండ్ పర్యటనకు ముందు తన ఫిట్‌నెస్ చూపించి సత్తా చాటుకున్నాడు. గాయం కారణంగా, ప్రసీద్ధ్ కృష్ణ చాలా కాలం పాటు మైదానానికి దూరంగా ఉన్నారు. NCA లో చాలా కాలం గడపవలసి వచ్చింది.
ప్రస్తుతం కర్ణాటక స్టేట్ క్రికెట్ అసోసియేషన్ (KSCA) మహారాజా ట్రోఫీ T20 టోర్నమెంట్ ద్వారా తిరిగి మైదానంలోకి వచ్చాడు. సరిగ్గా ఏడాది తర్వాత మైదానంలోకి అడుగుపెట్టి బంతితో అద్భుతాలు చేశాడు. గతేడాది ఆగస్టులో ప్రసీద్ధ్ టీమ్ ఇండియాతో కలిసి జింబాబ్వే టూర్‌కు వెళ్లాడు . ఆ పర్యటన తర్వాత ఒక సంవత్సరం తర్వాత, అతను ఇప్పుడు బౌలింగ్‌కి దిగాడు. అతనికి లయ అందుకోవడానికి ఎక్కువ సమయం పట్టలేదు. కేవలం 3 బంతుల్లోనే తన సత్తా చాటాడు. అతని అద్భుతమైన ప్రదర్శన ఐర్లాండ్ పర్యటనకు ముందు వచ్చింది.
మూడో బంతికే వికెట్..
మైసూర్ వారియర్స్ తరపున హుబ్లీ టైగర్స్‌పై మైదానంలోకి దిగి 3 బంతుల్లో వికెట్ తీశాడు. ప్రసీద్ధ్ బౌలింగ్ 2 ఓవర్లలో, అతను 13 పరుగులు ఇచ్చాడు. తొలి ఓవర్ మూడో బంతికే ఓపెనర్ లవ్‌నీత్ సిసోడియాను అవుట్ చేశాడు. ఖాతా తెరవడానికి కూడా సిసోడియాను అనుమతించలేదు. ప్రముఖ ఐర్లాండ్ పర్యటనకు వెళ్లనున్న టీమిండియా స్వ్కాడ్‌లో ప్రసీద్ధ్ భాగమయ్యాడు. జస్ప్రీత్ బుమ్రా సారథ్యంలోని టీమిండియా ఆగస్టు 18 నుంచి 23 వరకు 3 టీ20 మ్యాచ్‌ల సిరీస్‌ను ఆడనుంది.
గజ్జల్లో గాయం..
గతేడాది జింబాబ్వేతో జరిగిన మ్యాచ్‌లో ప్రసీద్ధ్ గాయపడ్డాడు. అతడి నడుము భాగంలో ఫ్రాక్చర్ అయింది. ఆ తర్వాత శస్త్ర చికిత్స కూడా చేయించుకున్నాడు. శస్త్రచికిత్స తర్వాత, అతను పునరావాసం కోసం NCA కి వెళ్ళాడు. గతంలో అతని ఫిట్‌నెస్ గురించి అప్‌డేట్ ఇస్తూ నెట్స్‌లో పూర్తి శక్తితో బౌలింగ్ చేస్తున్నాడని BCCI తెలిపింది. గత నెల జులై 21న బీసీసీఐ అప్‌డేట్ ఇవ్వగా, నెల రోజుల్లోనే అతను తిరిగి మైదానంలోకి వచ్చాడు.
ఓటమి పాలైన ప్రసీద్ధ్ జట్టు..
మ్యాచ్ గురించి మాట్లాడితే, మొదట బ్యాటింగ్ చేసిన మైసూర్ 20 ఓవర్లలో 9 వికెట్లకు 111 పరుగులు చేసింది. అయితే వర్షం కారణంగా హుబ్లీకి 13 ఓవర్లలో 80 పరుగుల లక్ష్యాన్ని అందుకుంది. దీనిని హుబ్లీ డక్వర్త్ లూయిస్ ఆధారంగా 8.1 ఓవర్లలో సాధించింది. ఒక వికెట్ మాత్రమే కోల్పోయి విజయం సాధించింది.
ప్రసీద్ధ్ బౌలింగ్..
మరిన్ని క్రీడా వార్తల కోసం ఇక్కడ క్లిక్ చేయండి..