T20 WC 2022: టీ20 ప్రపంచ కప్ 2022లో బెస్ట్ రికార్డులు ఇవే.. టాప్ 10 లిస్టులో ఎవరున్నారంటే?

T20 World Cup 2022 Stats

T20 ప్రపంచ కప్ 2022లో ఇప్పటివరకు మూడింట రెండు వంతుల మ్యాచ్‌లు పూర్తయ్యాయి. ఈ మ్యాచ్‌ల తర్వాత శ్రీలంక ఆటగాళ్లు ఈ ప్రపంచకప్‌లో అత్యధిక పరుగులు, వికెట్లు తీయడంలో అగ్రస్థానంలో ఉన్నారు. అయితే, సూపర్-12 రౌండ్‌లో శ్రీలంక జట్టు ఇతర పెద్ద జట్ల కంటే 3 మ్యాచ్‌లు ఎక్కువగా ఆడే అవకాశం లభించడం కూడా దీనికి కారణంగా నిలిచింది. శ్రీలంక, నెదర్లాండ్స్, ఐర్లాండ్, జింబాబ్వే జట్లు కూడా T20 ప్రపంచ కప్ 2022లో మొదటి రౌండ్‌లో మ్యాచ్‌లు ఆడాయి. భారత్‌తో సహా ఎనిమిది పెద్ద జట్లు ఈ రౌండ్‌లో ఆడలేదు.

టీ20 ప్రపంచ కప్ 2022లో టాప్ 10 రికార్డుల ఇవే..

1. అత్యధిక స్కోరు: బంగ్లాదేశ్‌పై దక్షిణాఫ్రికా 5 వికెట్ల నష్టానికి 205 పరుగులు చేసింది.

2. అత్యధిక సిక్సర్లు: రిలే రోస్సో ఇప్పటివరకు 8 సిక్సర్లు కొట్టాడు.

3. అత్యధిక పరుగులు: శ్రీలంక ఓపెనర్ కుశాల్ మెండిస్ 6 ఇన్నింగ్స్‌ల్లో 180 పరుగులు చేశాడు. అతని బ్యాటింగ్ సగటు 36, స్ట్రైక్ రేట్ 156.52గా నిలిచింది.

4. అత్యుత్తమ ఇన్నింగ్స్, తొలి సెంచరీ: బంగ్లాదేశ్‌పై దక్షిణాఫ్రికాకు చెందిన రిలే రోసో 109 పరుగులు చేశాడు.

5. అతిపెద్ద విజయం: బంగ్లాదేశ్‌పై దక్షిణాఫ్రికా 104 పరుగుల తేడాతో విజయం సాధించింది.

6.  అత్యధిక భాగస్వామ్యం: బంగ్లాదేశ్‌పై దక్షిణాఫ్రికాకు చెందిన రిలే రోస్సో, క్వింటన్ డి కాక్ 168 పరుగుల భాగస్వామ్యాన్ని పంచుకున్నారు.

7. ఉత్తమ బౌలింగ్: ఆఫ్ఘనిస్థాన్‌తో జరుగుతున్న మ్యాచ్‌లో ఇంగ్లండ్ ఫాస్ట్ బౌలర్ సామ్ కరణ్ 3.4 ఓవర్లలో 10 పరుగులిచ్చి 5 వికెట్లు పడగొట్టాడు.

8. అత్యధిక క్యాచ్‌లు: శ్రీలంక కెప్టెన్ దసున్ షనక 6 మ్యాచ్‌ల్లో 6 క్యాచ్‌లు పట్టాడు.

9. అత్యధిక వికెట్లు: శ్రీలంక స్పిన్నర్ వనిందు హసరంగా 6 మ్యాచ్‌ల్లో 10 వికెట్లు పడగొట్టాడు. ఈ సమయంలో అతని బౌలింగ్ సగటు 16.30, ఎకానమీ రేటు 7.08గా నిలిచింది.

10. బెస్ట్ వికెట్ కీపింగ్: దక్షిణాఫ్రికా వికెట్ కీపర్ క్వింటన్ డి కాక్ కీపర్‌గా వికెట్ల వెనకాల 6 వికెట్లు పడగొట్టాడు.