Champions Trophy 2025: ఛాంపియన్స్ ట్రోఫీ నుంచి శ్రీలంక ఔట్.. మాజీ టీమిండియా ప్లేయర్ షాకింగ్ కామెంట్స్..

Sri Lanka Cricket Team

Champions Trophy 2025: 2023 ప్రపంచ కప్‌ (World Cup)లో శ్రీలంక జట్టు ప్రదర్శన చాలా పేలవంగా ఉంది. మాజీ క్రికెటర్ ఆకాష్ చోప్రా దీనిపై షాకింగ్ స్టేట్‌మెంట్ ఇచ్చాడు. ఆకాష్ చోప్రా ప్రకారం, న్యూజిలాండ్‌పై ఘోర పరాజయం తర్వాత, శ్రీలంక జట్టు ఇప్పుడు ఛాంపియన్స్ ట్రోఫీ 2025 రేసు నుంచి నిష్క్రమించింది.

2023 ప్రపంచకప్‌లో బెంగళూరులో జరిగిన 41వ మ్యాచ్‌లో న్యూజిలాండ్ 5 వికెట్ల తేడాతో శ్రీలంకను ఓడించింది. తొలుత ఆడిన శ్రీలంక జట్టు 46.4 ఓవర్లలో 171 పరుగులకే కుప్పకూలింది. దీంతో కివీస్‌ జట్టు 23.2 ఓవర్లలో 5 వికెట్లు కోల్పోయి లక్ష్యాన్ని ఛేదించింది. ఈ అద్భుతమైన విజయం తర్వాత, న్యూజిలాండ్ జట్టు ఇప్పుడు దాదాపు సెమీ-ఫైనల్‌కు చేరుకుంది. న్యూజిలాండ్ బౌలింగ్‌లో ట్రెంట్ బౌల్ట్ 3 వికెట్లు తీయగా, మిచెల్ సాంట్నర్, లోకీ ఫెర్గూసన్‌లతో పాటు రచిన్ రవీంద్ర కూడా తలో 2 వికెట్లు తీశారు. దీంతో పాటు బ్యాటింగ్‌లో డెవాన్ కాన్వే, రచిన్ రవీంద్ర చక్కటి ప్రదర్శన చేశారు.

ఛాంపియన్స్ ట్రోఫీకి వీడ్కోలు చెప్పాలి – ఆకాష్ చోప్రా..

2023 ప్రపంచ కప్‌లో శ్రీలంక జట్టు 9 మ్యాచ్‌లలో 2 మాత్రమే గెలవగలిగింది. దీని కారణంగా ఇప్పుడు పాకిస్తాన్‌లో జరిగే ఛాంపియన్స్ ట్రోఫీకి రేసు నుంచి దూరంగా ఉంది. దీనికి సంబంధించి తన యూట్యూబ్ ఛానెల్‌లో జరిగిన సంభాషణలో ఆకాష్ చోప్రా మాట్లాడుతూ.. శ్రీలంకలో పరిస్థితి చాలా సాధారణంగా ఉంది. ఇప్పుడు ఆ జట్టు ఛాంపియన్స్ ట్రోఫీకి వీడ్కోలు పలుకుతుందని అనుకుంటున్నాను. ఎందుకంటే శ్రీలంక 9వ స్థానంలో ఉంది. దీని కారణంగా శ్రీలంక ఛాంపియన్స్ ట్రోఫీలో ఆడటం సాధ్యం కాదు. ఇప్పుడు శ్రీలంక ఇంతకు మించి వెళ్ళడం లేదు. ఎందుకంటే ప్రపంచ కప్‌లో అన్ని మ్యాచ్‌లు ఆడింది.

ప్రపంచ కప్‌లో టాప్ 8 జట్లు మాత్రమే ఛాంపియన్స్ ట్రోఫీకి అర్హత సాధిస్తాయని తెలిసిందే. శ్రీలంక 9వ స్థానంలో ఉంది. ఇలాంటి పరిస్థితుల్లో శ్రీలంక ఈ టోర్నీకి దూరమైంది.

శ్రీలంక జట్టు: పాతుమ్ నిస్సాంక, కుసల్ పెరీరా, కుసల్ మెండిస్(w/c), సదీర సమరవిక్రమ, చరిత్ అసలంక, ఏంజెలో మాథ్యూస్, ధనంజయ డి సిల్వా, మహేశ్ తీక్షణ, దుష్మంత చమీర, కసున్ రజిత, దిల్షన్ మధుశంక, దిముత్ కరుణాంతనే, చమీ కరుణామత్ కరుణరత్నే, లహిరు కుమార, దునిత్ వెల్లలగే.

మరిన్ని క్రీడా వార్తల కోసం ఇక్కడ క్లిక్ చేయండి..