IND vs SA Final: బ్యాడ్ లక్ టీం గెలిచిన ఏకైక ఐసీసీ ట్రోఫీ ఏది, ఎప్పుడో తెలుసా?

T20 World Cup 2024: టీ20 ప్రపంచ కప్ చివరి మ్యాచ్ కోసం కౌంట్ డౌన్ ప్రారంభమైంది. నేడు (జూన్ 29) బార్బడోస్‌లోని కెన్సింగ్టన్ ఓవల్ మైదానంలో జరిగే ఫైనల్ మ్యాచ్‌లో భారత్, దక్షిణాఫ్రికా జట్లు తలపడనున్నాయి. విశేషమేమిటంటే దక్షిణాఫ్రికాకు ఇదే తొలి టీ20 ప్రపంచకప్ ఫైనల్. అలాగే భారత జట్టు పదేళ్ల తర్వాత టీ20 ప్రపంచకప్‌ ఫైనల్‌కు చేరుకుంది.

అంటే నేటి మ్యాచ్‌లో ఎవరు గెలిచినా.. అది చరిత్రాత్మక విజయం అవుతుంది. ఇందుకు మరో కారణం కూడా ఉంది. ఇరుజట్లు ఒక్క మ్యాచ్ ఓడిపోకుండా ఫైనల్ చేరుకోవడమే. అయితే, ముఖ్యంగా దక్షిణాఫ్రికాకు ప్రపంచకప్ ఎండమావిలా మారింది. తద్వారా ప్రపంచకప్ ట్రోఫిని తొలిసారి ముద్దాడాలని కోరుకుంటోంది.

ఇంతకు ముందు ఐసీసీ టోర్నీలో దక్షిణాఫ్రికా ఒకే ఒక్క టైటిల్‌ను గెలుచుకుంది. అది కూడా 1998లో కావడం గమనార్హం. దీని తర్వాత ఐసీసీ టోర్నీలో ఆఫ్రికన్లు ఎన్నడూ టైటిల్ నెగ్గకపోవడం ఆశ్చర్యకరం.

దక్షిణాఫ్రికా గెలుచుకున్న మొదటి ట్రోఫీ..

క్రికెట్ ఫీల్డ్‌ని చోకర్స్‌గా పిలిచే దక్షిణాఫ్రికా జట్టు ఐసీసీ టోర్నీలో ఒకే ఒక్క టైటిల్‌ను గెలుచుకుంది. 1998లో వెస్టిండీస్ వర్సెస్ దక్షిణాఫ్రికా ICC నాకౌట్ ట్రోఫీ (ప్రస్తుతం ఛాంపియన్స్ ట్రోఫీ) ఫైనల్‌లో తలపడ్డాయి.

ఈ మ్యాచ్‌లో తొలుత బ్యాటింగ్ చేసిన వెస్టిండీస్ 49.3 ఓవర్లలో 245 పరుగులకు ఆలౌటైంది. 246 పరుగుల విజయలక్ష్యంతో బరిలోకి దిగిన దక్షిణాఫ్రికా జట్టు 47 ఓవర్లలో 4 వికెట్లు కోల్పోయి విజయాన్ని అందుకుంది.

దక్షిణాఫ్రికా గెలిచిన ఏకైక ఐసీసీ టోర్నీ ఇదే. దీని తర్వాత వన్డే ప్రపంచకప్, టీ20 ప్రపంచకప్, ఛాంపియన్స్ ట్రోఫీలో ఆడినా టైటిల్ గెలవలేకపోయింది. ముఖ్యంగా, T20 క్రికెట్‌లోని బలమైన ఆటగాళ్లను చేర్చినా, టీ20 ప్రపంచ కప్ గత 8 ఎడిషన్‌ల ఫైనల్స్‌లో కనిపించలేకపోయారు.

17 ఏళ్ల తర్వాత దక్షిణాఫ్రికా టీమ్ టీ20 ప్రపంచకప్‌లో చివరి రౌండ్‌లోకి ప్రవేశించింది. దీంతో తొలి ప్రపంచకప్ గెలుస్తామన్న నమ్మకంతో ఆఫ్రికన్లు ఉన్నారు. అందుకు తగ్గట్టుగానే ఫైనల్ మ్యాచ్‌లో టీమిండియాపై గెలిచి ఐడెన్ మార్క్రామ్ జట్టు చిరకాల స్వప్నాన్ని నెరవేర్చుకుంటుందో లేదో చూడాలి.

మరిన్ని క్రీడా వార్తల కోసం ఇక్కడ క్లిక్ చేయండి..