Bowling Action: అనుమానాస్పద బౌలింగ్ యాక్షన్.. అరంగేట్రం మ్యాచ్‌లోనే బుక్కయ్యాడు

Prenelan Subrayen

Suspect Bowling Action: దక్షిణాఫ్రికా జట్టు ప్రస్తుతం ఆస్ట్రేలియా పర్యటనలో ఉంది. రెండు జట్ల మధ్య 3 మ్యాచ్‌ల వన్డే సిరీస్ జరుగుతోంది. ఈ సిరీస్‌లోని మొదటి మ్యాచ్‌ను దక్షిణాఫ్రికా గెలుచుకుంది. ఈ మ్యాచ్‌లో, దక్షిణాఫ్రికాకు చెందిన ఒక బౌలర్ కూడా అరంగేట్రం చేశాడు. కానీ, తొలి మ్యాచ్‌లోనే , ఈ ఆటగాడు తన బౌలింగ్ యాక్షన్ కారణంగా ఇబ్బందుల్లో పడ్డాడు. ఈ దక్షిణాఫ్రికా బౌలర్ అనుమానాస్పద బౌలింగ్ యాక్షన్ వివాదంగా మారింది. మ్యాచ్ అధికారుల నివేదికలో, బౌలింగ్ యాక్షన్ చట్టబద్ధతపై ఆందోళనలు తలెత్తాయి.

తన తొలి మ్యాచ్‌తోనే చిక్కుల్లో పడ్డాడు..

ఆస్ట్రేలియాతో జరిగిన తొలి వన్డేలో అద్భుతంగా అరంగేట్రం చేసిన దక్షిణాఫ్రికా ఆఫ్ స్పిన్నర్ ప్రెనెలన్ సుబ్రియన్‌కు పెద్ద ఎదురుదెబ్బ తగిలింది. ప్రెనెలన్ సుబ్రియన్ బౌలింగ్ యాక్షన్‌పై అనుమానం వచ్చింది. అతను తన బౌలింగ్‌ను పరీక్షించుకోవడానికి ఐసీసీ గుర్తింపు పొందిన టెస్ట్ ఫెసిలిటీ ద్వారా వెళ్ళవలసి ఉంటుంది. ఈ సంఘటన ఆగస్టు 19, 2025న కైర్న్స్‌లోని కాజాలిస్ స్టేడియంలో జరిగిన తొలి వన్డే సందర్భంగా జరిగింది. దీనిలో దక్షిణాఫ్రికా ఆస్ట్రేలియాను 98 పరుగుల తేడాతో ఓడించింది .

ప్రేనేలన్ సుబ్రియన్ బౌలింగ్ చట్టబద్ధతను ప్రశ్నిస్తూ ఐసీసీ మ్యాచ్ అధికారులు ఒక నివేదికను సమర్పించారు. ఈ మ్యాచ్‌లో అతను 10 ఓవర్లు బౌలింగ్ చేసి, ఆస్ట్రేలియా బ్యాట్స్‌మన్ ట్రావిస్ హెడ్‌ను స్టంప్ అవుట్ చేశాడు. అంతకుముందు, ఈ సంవత్సరం బులవాయోలో జింబాబ్వేతో జరిగిన టెస్ట్ మ్యాచ్‌లో సుబ్రియన్ తన అరంగేట్రం కూడా చేశాడు. అక్కడ అతను మొదటి ఇన్నింగ్స్‌లో నాలుగు వికెట్లు తీసుకున్నాడు. ఐసీసీ నిబంధనల ప్రకారం, సుబ్రియన్ ఇప్పుడు తన బౌలింగ్ యాక్షన్‌ను తనిఖీ చేయించుకోవాల్సి వచ్చింది.

దేశవాళీ క్రికెట్‌లో అపార అనుభవం..

ప్రేనేలన్ సుబ్రయాన్ గత కొన్ని సంవత్సరాలుగా దక్షిణాఫ్రికా తరపున దేశవాళీ క్రికెట్ ఆడుతున్నాడు. అతను ఇప్పటివరకు 78 ఫస్ట్ క్లాస్, 102 లిస్ట్ ఏ, 120 టీ20 మ్యాచ్‌లు ఆడాడు. అతను దక్షిణాఫ్రికా టీ20 లీగ్ SA20లో కూడా భాగమయ్యాడు.