IPL 2025 Auction: మెగా వేలానికి సర్వం సిద్ధం.. ప్రతీ జట్టుకు ఎంతమంది ప్లేయర్లు కావాలంటే?
IPL 2025 Mega Auction: అక్టోబర్‌లో 10 ఫ్రాంచైజీలు తమ రిటైన్ లిస్ట్ ప్రకటించిన సంగతి తెలిసిందే. ఈమేరకు రాబోయే సీజన్ కోసం తమ పూర్తి జట్టును సిద్ధం చేసుకునేందుకు ఐపీఎల్ మెగా వేలంలోకి రానున్నాయి. దుబాయ్ వేదికగా నవంబర్ 24, 25 తేదీల్లో జరగనున్న మెగా వేలంలో ఎన్నో ఆసక్తికరన పరిణామాలు చోటు చేసుకోనున్నాయి.
IPL 2025 Mega Auction: ఇండియన్ ప్రీమియర్ లీగ్ (ఐపీఎల్) 2025 వేలం నవంబర్ 24, 25 తేదీల్లో సౌదీ అరేబియాలోని జెడ్డాలో జరగనుంది. ఈ మేరకు అన్నిజట్లు తమ సన్నాహాలు పూర్తి చేశాయి. అలాగే, ఈ మెగా వేలంలో స్టార్ ప్లేయర్లు కూడా పాల్గొనడంతో అందరి చూపు దుబాయ్ వైపే నిలిచింది. ముఖ్యంగా రిషబ్ పంత్ వేలంలోకి రావడంతో ఈసారి ఐపీఎల్ అత్యధిక ప్రైజ్ లిస్ట్ మారనుందని భావిస్తున్నారు. ఈ క్రమంలో అక్టోబర్‌లో 10 ఫ్రాంచైజీలు తమ రిటైన్ చేసిన ఆటగాళ్లను ప్రకటించిన సంగతి తెలిసిందే. రాబోయే ఎడిషన్ కోసం తమ జట్టును ఖరారు చేయడానికి మెగా వేలంలో ఫ్రాంచైజీలు అన్ని ఈ రెండు రోజుల్లో సమావేశం కానున్నాయి. దీంతో ఏ ఆటగాడి లక్ మారనుంది, ఏ ఆటగాడికి మొండిచేయి తగలనుందో చూడాల్సి ఉంది.
మొత్తం 46 మంది ఆటగాళ్లను 10 జట్లు అట్టిపెట్టుకున్నాయి. కోల్‌కతా నైట్ రైడర్స్, రాజస్థాన్ రాయల్స్ మాత్రమే తమ పూర్తి కోటాను ఆరు రిటెన్షన్‌లను ఉపయోగించుకున్నాయి.
వేలంలోకి వెళ్లే ప్రతి జట్టుకు ఎన్ని స్లాట్లు మిగిలి ఉన్నాయో ఓసారి చూద్దాం?
ప్రతి జట్టు జాబితాలో గరిష్టంగా 25 మంది ఆటగాళ్లను, కనీసం 18 మందిని కలిగి ఉండవచ్చు. ఒక జట్టులో గరిష్టంగా ఎనిమిది మంది విదేశీ ఆటగాళ్లు కూడా ఉండవచ్చు.
కేవలం ఇద్దరు ఆటగాళ్లను మాత్రమే ఉంచుకున్న పంజాబ్ కింగ్స్ గరిష్ట సంఖ్యలో ఆటగాళ్లను (23) తీసుకునే ఛాన్స్ ఉంది.
ప్రతి జట్టుకు మిగిలి ఉన్న స్లాట్లు (బ్రాకెట్‌లో విదేశీ ఆటగాళ్లు)
చెన్నై సూపర్ కింగ్స్: 20 (7)
రాయల్ ఛాలెంజర్స్ బెంగళూరు: 22 (8)
సన్‌రైజర్స్ హైదరాబాద్: 20 (5)
ముంబై ఇండియన్స్: 20 (8)
ఢిల్లీ రాజధానులు: 21 (7)
రాజస్థాన్ రాయల్స్: 19 (7)
పంజాబ్ కింగ్స్: 23 (8)
కోల్‌కతా నైట్ రైడర్స్: 19 (6)
గుజరాత్ టైటాన్స్: 20 (7)
లక్నో సూపర్ జెయింట్స్: 20 (7).
మరిన్ని క్రీడా వార్తల కోసం ఇక్కడ క్లిక్ చేయండి..