Shreyas Iyer : ఇంకో రెండు నెలలు ఆగాల్సిందే..మళ్లీ స్కాన్ తర్వాతే శ్రేయస్ అయ్యర్ ఎంట్రీ
భారత క్రికెట్ జట్టు యువ స్టార్ బ్యాట్స్మెన్ శ్రేయస్ అయ్యర్ ఆస్ట్రేలియా పర్యటనలో గాయపడిన సంగతి తెలిసిందే. సిడ్నీ క్రికెట్ గ్రౌండ్లో జరిగిన మూడో వన్డే మ్యాచ్లో క్యాచ్ పట్టుకునే ప్రయత్నంలో అయ్యర్ ప్లీహానికి గాయమైంది. ఈ ఘటన తర్వాత అతడిని వెంటనే ఆసుపత్రిలో చేర్చారు. అంతర్గత రక్తస్రావం కారణంగా అయ్యర్కు ఆపరేషన్ కూడా చేయాల్సి వచ్చింది.
Shreyas Iyer : భారత క్రికెట్ జట్టు యువ స్టార్ బ్యాట్స్మెన్ శ్రేయస్ అయ్యర్ ఆస్ట్రేలియా పర్యటనలో గాయపడిన సంగతి తెలిసిందే. సిడ్నీ క్రికెట్ గ్రౌండ్లో జరిగిన మూడో వన్డే మ్యాచ్లో క్యాచ్ పట్టుకునే ప్రయత్నంలో అయ్యర్ ప్లీహానికి గాయమైంది. ఈ ఘటన తర్వాత అతడిని వెంటనే ఆసుపత్రిలో చేర్చారు. అంతర్గత రక్తస్రావం కారణంగా అయ్యర్కు ఆపరేషన్ కూడా చేయాల్సి వచ్చింది. ప్రస్తుతం అతను గాయం నుంచి కోలుకుంటున్నారు. అయితే, క్రికెట్ మైదానంలోకి అతడి పునరాగమనం కోసం అభిమానులు ఎక్కువ కాలం వేచి చూడక తప్పదు.
శ్రేయస్ అయ్యర్ రీఎంట్రీ పై అప్డేట్
టీమిండియా నవంబర్ 30 నుంచి దక్షిణాఫ్రికాతో మూడు మ్యాచ్ల వన్డే సిరీస్ ఆడాల్సి ఉంది. కానీ ఈ సిరీస్కు శ్రేయస్ అయ్యర్ అందుబాటులో ఉండే అవకాశం లేదని మీడియా వర్గాలు చెబుతున్నాయి. నివేదికల ప్రకారం.. అయ్యర్ ఇప్పటికీ కనీసం మూడు నెలలు మైదానానికి దూరంగా ఉండే అవకాశం ఉంది. అయితే అయ్యర్ ఆరోగ్యం మెరుగుపడుతోంది. ఇటీవల అయ్యర్ తన ఇంటి వద్ద అల్ట్రాసోనోగ్రఫీ స్కాన్ చేయించుకున్నారు. ఈ స్కాన్ ప్రకారం అతని గాయం సరైన దిశలో నయం అవుతోందని తెలిసింది. కానీ ప్రస్తుతానికి అతను ఎలాంటి ట్రైనింగ్ లేదా వ్యాయామం చేయకుండా పూర్తిగా విశ్రాంతి తీసుకోవాలని వైద్యులు సూచించారు.
రిహాబిలిటేషన్ ఎప్పుడు మొదలవుతుంది?
గాయం అయిన తర్వాత రెండు నెలలు పూర్తయిన తర్వాత, శ్రేయస్ అయ్యర్కు మరోసారి అల్ట్రాసోనోగ్రఫీ స్కాన్ చేయాల్సి ఉంటుంది. ఆ స్కాన్ రిపోర్ట్ ఆధారంగానే అతను మళ్లీ క్రికెట్లోకి ఎప్పుడు వస్తాడనే దానిపై తుది నిర్ణయం తీసుకుంటారు. ఒకవేళ స్కాన్ తర్వాత అంతా సవ్యంగా ఉంటే అయ్యర్ బెంగళూరులోని సెంటర్ ఆఫ్ ఎక్సలెన్స్లో తన రిహాబిలిటేషన్ను ప్రారంభించగలుగుతారు. దీని అర్థం ఏమిటంటే అయ్యర్ వచ్చే ఏడాది జనవరిలో న్యూజిలాండ్తో జరగనున్న సిరీస్ను కూడా మిస్సయ్యే అవకాశం ఉంది. కొన్ని నివేదికలు అయితే శ్రేయస్ అయ్యర్ ఐపీఎల్ 2026 కంటే ముందు తిరిగి వచ్చే అవకాశం లేదని కూడా పేర్కొంటున్నాయి.
గాయం ఎలా అయ్యింది?
సిడ్నీ క్రికెట్ గ్రౌండ్లో ఆస్ట్రేలియా బ్యాట్స్మెన్ అలెక్స్ కారీ కొట్టిన క్యాచ్ను పట్టుకునే క్రమంలో శ్రేయస్ అయ్యర్ గట్టిగా కింద పడిపోయారు. ఆ సమయంలో అతను నొప్పి తట్టుకోలేక లేవలేకపోయారు. వెంటనే బీసీసీఐ వైద్య బృందం అతడిని మైదానం నుంచి బయటకు తీసుకెళ్లి గాయాన్ని గుర్తించింది. ఆ తర్వాత బీసీసీఐ వైద్య బృందం సిడ్నీ, భారత్లోని నిపుణులతో కలిసి అయ్యర్కు చికిత్స అందించింది. అంతర్గత రక్తస్రావం కారణంగా ఆపరేషన్ చేయించుకున్న అయ్యర్ ఇటీవలనే భారత్కు తిరిగి వచ్చారు.
మరిన్ని క్రీడా వార్తల కోసం ఇక్కడ క్లిక్ చేయండి..