RCB vs CSK: బెంగళూరు ముందు భారీ టార్గెట్.. హాఫ్ సెంచరీలతో చెలరేగిన దూబే, కాన్వే..

Dube Ipl 2023

ఇండియన్ ప్రీమియర్ లీగ్-16లో భాగంగా 24వ మ్యాచ్ చెన్నై సూపర్ కింగ్స్ (CSK), రాయల్ ఛాలెంజర్స్ బెంగళూరు (RCB) మధ్య బెంగళూరులోని ఎం చిన్నస్వామి స్టేడియంలో జరుగుతోంది. బెంగళూరు టాస్ గెలిచి ముందుగా బౌలింగ్ ఎంచుకుంది. తొలుత బ్యాటింగ్ చేసిన చెన్నై 20 ఓవర్లలో 6 వికెట్లకు 226 పరుగులు చేసింది. దీంతో బెంగళూర్ ముందు 227 పరుగుల టార్గెట్‌ను ఉంచింది.

డేవాన్ కాన్వే, శివమ్ దూబే తుఫాన్ హాఫ్ సెంచరీల ఆధారంగా, చెన్నై సూపర్ కింగ్స్ ఇండియన్ ప్రీమియర్ లీగ్-16లో 24వ మ్యాచ్‌లో రాయల్ ఛాలెంజర్స్ బెంగళూరు ముందు 227 పరుగుల విజయ లక్ష్యాన్ని అందించింది.

తొలుత బ్యాటింగ్ చేసిన చెన్నై 20 ఓవర్లలో 6 వికెట్లకు 226 పరుగులు చేసింది. ఓపెనర్ డెవాన్ కాన్వే (45 బంతుల్లో 83), శివమ్ దూబే (27 బంతుల్లో 52) హాఫ్ సెంచరీలతో రాణించారు. వీరిద్దరూ కాకుండా అజింక్యా రహానే 20 బంతుల్లో 37 పరుగులు చేశాడు. రితురాజ్ గైక్వాడ్ 3 పరుగులు మాత్రమే చేయగలిగాడు.

బెంగళూరు తరఫున వేన్ పార్నెల్, విజయ్‌కుమార్ వైషాక్, మహ్మద్ సిరాజ్, వనిందు హసరంగా, హర్షల్ పటేల్, గ్లెన్ మాక్స్‌వెల్ తలో వికెట్ తీశారు.

ఇరు జట్లు:

చెన్నై సూపర్ కింగ్స్ (ప్లేయింగ్ XI): డెవాన్ కాన్వే, రుతురాజ్ గైక్వాడ్, అజింక్యా రహానే, మొయిన్ అలీ, అంబటి రాయుడు, శివమ్ దూబే, రవీంద్ర జడేజా, ఎంఎస్ ధోనీ(కీపర్/కెప్టెన్), మతీషా పతిరణ, తుషార్ దేశ్‌పాండే, మహేశ్ తీక్షణ.

రాయల్ ఛాలెంజర్స్ బెంగళూరు (ప్లేయింగ్ XI): విరాట్ కోహ్లీ, ఫాఫ్ డు ప్లెసిస్ (కెప్టెన్), మహిపాల్ లోమ్రోర్, గ్లెన్ మాక్స్‌వెల్, షాబాజ్ అహ్మద్, దినేష్ కార్తీక్ (కీపర్), హర్షల్ పటేల్, వనిందు హసరంగా, వేన్ పార్నెల్, విజయ్‌కుమార్ వైషాక్, మహ్మద్ సిరాజ్.

మరిన్ని క్రీడా వార్తల కోసం ఇక్కడ క్లిక్ చేయండి..