Rohit Sharma: 348 రోజుల తర్వాత ఇచ్చిపడేసిన రోహిత్.. కట్చేస్తే.. ఐపీఎల్ హిస్టరీలోనే..
Rohit Sharma Half Century: ఐపీఎల్ 2025లో ముంబై ఇండియన్స్ ఓపెనర్ రోహిత్ శర్మ పరుగులు సాధించడంలో ఇబ్బంది పడుతున్నాడు. కానీ, చెన్నై సూపర్ కింగ్స్తో జరిగిన మ్యాచ్లో తన సొంత మైదానంలో పరుగుల కరువుకు ముగింపు పలికాడు. అద్భుతమైన హాఫ్ సెంచరీతో మ్యాచ్ విన్నింగ్ నాక్ ఆడేశాడు.
ఐపీఎల్ 2025లో భాగంగా 38వ మ్యాచ్లో, చెన్నై సూపర్ కింగ్స్ వర్సెస్ ముంబై ఇండియన్స్ మధ్య కీలక మ్యాచ్ జరిగింది. గత ఓటమికి ముంబై ఇండియన్స్ ప్రతీకారం తీర్చుకుంది. ముంబై టీం తమ సొంత మైదానంలో చెన్నైని 9 వికెట్ల తేడాతో ఓడించింది. ఈ మ్యాచ్లో ముంబై ఇండియన్స్ ఓపెనర్ రోహిత్ శర్మ అద్భుతమైన హాఫ్ సెంచరీ ఇన్నింగ్స్ ఆడి జట్టును విజయపథంలో నడిపించాడు.
చెన్నైతో జరిగిన మ్యాచ్లో రోహిత్ శర్మ సూర్యకుమార్ యాదవ్తో కలిసి సెంచరీ భాగస్వామ్యాన్ని నెలకొల్పాడు. ఈ భాగస్వామ్యం కారణంగా, ముంబై ఇండియన్స్ 3 సంవత్సరాల తర్వాత ఐపీఎల్లో చెన్నైని ఓడించగలిగింది. ఈ విజయంతో ముంబై ఇండియన్స్ హ్యాట్రిక్ విజయాలు సాధించింది. ఐపీఎల్లో 348 రోజుల తర్వాత రోహిత్ అర్ధ శతకం సాధించాడు. అతను చివరిసారిగా 2024లో లక్నో సూపర్జెయింట్స్పై హాఫ్ సెంచరీ చేశాడు.
గత 6 మ్యాచ్ల్లో విఫలమైన రోహిత్ శర్మ.. చెన్నై సూపర్ కింగ్స్పై అద్భుతమైన పునరాగమనంతో అజేయ హాఫ్ సెంచరీ సాధించాడు. అతను 45 బంతుల్లో 4 ఫోర్లు, 6 సిక్సర్లతో 76 పరుగులు చేసి అజేయంగా నిలిచాడు. దీనికి ముందు, అతను 6 మ్యాచ్లలో 6 ఇన్నింగ్స్లలో 82 పరుగులు మాత్రమే చేయగలిగాడు. అందులో అతని అత్యధిక స్కోరు 26 పరుగులు. ఇది ఐపీఎల్లో రోహిత్కు 44వ హాఫ్ సెంచరీ. ఇది మాత్రమే కాదు, అతను IPLలో CSKపై తన 9వ 50+ స్కోరును సాధించాడు. ఈ విధంగా, అతను ఐపీఎల్లో CSKపై అత్యధిక 50+ స్కోర్లు చేసిన శిఖర్ ధావన్, డేవిడ్ వార్నర్, విరాట్ కోహ్లీల రికార్డును సమం చేశాడు.
తన హాఫ్ సెంచరీ పూర్తి చేసిన కొద్దిసేపటికే, రోహిత్ ఐపీఎల్లో కొత్త మైలురాయిని కూడా సాధించాడు. అతను 60 పరుగుల మార్కును చేరుకున్న వెంటనే, శిఖర్ ధావన్ను బద్దలు కొట్టి కొత్త రికార్డు సృష్టించాడు. ఐపీఎల్లో అత్యధిక పరుగులు చేసిన రెండో ఆటగాడిగా రోహిత్ నిలిచాడు. అంతకుముందు ధావన్ రెండో స్థానంలో ఉన్నాడు.
222 ఐపీఎల్ మ్యాచ్ల్లో ధావన్ 6769 పరుగులు చేశాడు. కాగా, ఇప్పుడు రోహిత్ ఐపీఎల్లో 6770 పరుగులు చేశాడు. ఇప్పుడు రోహిత్ కంటే ముందు విరాట్ కోహ్లీ మాత్రమే ఉన్నాడు. ఐపీఎల్లో అత్యధిక పరుగులు చేసిన రికార్డు విరాట్ కోహ్లీ పేరిట ఉంది. ఈ లీగ్లో అతను 8300 కంటే ఎక్కువ పరుగులు చేశాడు. ఐపీఎల్లో 8000 కంటే ఎక్కువ పరుగులు చేసిన ఏకైక బ్యాట్స్మన్ అతనే.