రోహిత్ శర్మ, వీవీఎస్ లక్ష్మణ్.. సేమ్ బ్యాటింగ్! 99 శాతం మందికి తెలియని నిజాలు

రోహిత్ శర్మ.. హిట్‌మ్యాన్‌గా పేరు తెచ్చుకున్న హిట్టర్. మరోవైపు వెరీ వెరీ స్పెషల్ అనే బిరుదు ఉన్న లక్ష్మణ్. చాలా మంది ఈ ఇద్దరి బ్యాటింగ్ స్టైల్‌కి పోలికేంటి అని అనుకుంటున్నారు కానీ, కాస్త డీప్‌గా చూస్తే.. ఇద్దరి బ్యాటింగ్‌లో చాలా కామన్ క్వాలిటీస్ ఉన్నాయి. క్రికెట్ నిపుణులు, మాజీ ఆటగాళ్ల అభిప్రాయాలను పరిశీలిస్తే ఈ విషయం అర్థం అవుతుంది. బ్యాటింగ్‌లో కనిపించే సహజమైన టైమింగ్, మణికట్టు వినియోగం, ఒత్తిడి లేకుండా భారీ షాట్లు ఆడే తీరు, బంతిని చివరి క్షణం వరకు చూసి ఆడే సామర్థ్యం వంటి అంశాల్లో రోహిత్‌కు అత్యంత దగ్గర పోలిక లక్ష్మణ్‌తోనే కనిపిస్తుందని పలువురు విశ్లేషకులు అభిప్రాయపడుతున్నారు. రోహిత్ కూడా రిథమ్ ఆధారిత బ్యాటర్ అని వీవీఎస్ లక్ష్మణ్ గతంలో వ్యాఖ్యానించి ఉన్నారు.

ఫొటో: రోహిత్ శర్మ, వీవీఎస్ లక్ష్మణ్

బలం కంటే టైమింగ్ వాడతారు..

రోహిత్, లక్ష్మణ్ ఇద్దరి బ్యాటింగ్‌ను పరిశీలిస్తే ముందుగా కనిపించేది వారి టైమింగ్. బలంగా కొట్టకుండానే బంతి బౌండరీకి వెళ్లేలా చేసే ప్రత్యేక నైపుణ్యం ఇద్దరిలోనూ కనిపిస్తుంది. ముఖ్యంగా కవర్ డ్రైవ్, ఆన్ డ్రైవ్, ఫ్లిక్ షాట్లలో ఇద్దరూ అసాధారణ నైపుణ్యాన్ని ప్రదర్శించారు. వారి బ్యాటింగ్‌ను చూసే అభిమానులు బలం కంటే క్లాస్ ఎక్కువగా కనిపిస్తుందని తరచూ చెబుతుంటారు. అందుకే లక్ష్మణ్‌ను “వెరీ వెరీ స్పెషల్”, రోహిత్‌ను “హిట్‌మ్యాన్” అని పిలిచినా, ఇద్దరి బ్యాటింగ్‌లోని అందం మాత్రం ఒకే స్కూల్‌కు చెందినట్లుగా ఉంటుంది.

మణికట్లు మాంత్రికులు..

ఇద్దరి మధ్య మరో ముఖ్యమైన కామన్ పాయింట్ మణికట్టు వినియోగం. బంతిని చివరి క్షణంలో దిశ మార్చే నైపుణ్యం లక్ష్మణ్ ప్రత్యేకత కాగా, అదే తరహా షాట్లు రోహిత్ బ్యాటింగ్‌లోనూ తరచూ కనిపిస్తాయి. అందుకే రోహిత్ ఆటను చూసినప్పుడు చాలామందికి హైదరాబాద్ స్కూల్ ఆఫ్ బ్యాటింగ్ గుర్తుకు వస్తుందని క్రికెట్ విశ్లేషకులు పేర్కొంటున్నారు. గతంలో లక్ష్మణ్‌పై మహ్మద్ అజారుద్దీన్ ప్రభావం ఉన్నట్లు కూడా అనేక మంది విశ్లేషించారు. దీంతో రోహిత్ బ్యాటింగ్‌లో లక్ష్మణ్, అజార్ ఇద్దరి శైలి కలిసి చూడొచ్చని అభిప్రాయాలు ఉన్నాయి.

ఫొటో: రోహిత్ శర్మ, వీవీఎస్ లక్ష్మణ్

ఇది కూడా చదవండి: యువరాజ్ సింగ్, గార్ఫీల్డ్ సోబర్స్.. ఈ దిగ్గజాల మధ్య ఉన్న కామన్ క్వాలిటీస్ ఏంటో తెలుసా?

అయితే ఇద్దరి మధ్య కొన్ని తేడాలు కూడా ఉన్నాయి. లక్ష్మణ్ ప్రధానంగా టెస్టు క్రికెట్‌లో సుదీర్ఘ ఇన్నింగ్స్‌లతో గుర్తింపు పొందగా, రోహిత్ పరిమిత ఓవర్ల క్రికెట్‌లో భారీ సెంచరీలకు మారుపేరుగా మారాడు. వన్డే క్రికెట్‌లో మూడు డబుల్ సెంచరీలు చేసిన ఏకైక బ్యాటర్‌గా రోహిత్ ప్రత్యేక స్థానం సంపాదించగా, లక్ష్మణ్ ఒత్తిడి పరిస్థితుల్లో జట్టును గెలిపించే ఇన్నింగ్స్‌లతో చిరస్థాయిగా నిలిచాడు. భారత క్రికెట్‌లో రోహిత్ శర్మ బ్యాటింగ్ అందానికి, సహజమైన టైమింగ్‌కు, మణికట్టు మాయాజాలానికి అత్యంత దగ్గర పోలిక వీవీఎస్ లక్ష్మణ్‌తోనే కనిపిస్తుంది. తరాలు మారినా, ఫార్మాట్లు మారినా బ్యాట్‌ను ఒక ఆర్ట్‌లా ఉపయోగిస్తూ ప్రేక్షకులను మెస్మరైజ్ చేసే అరుదైన భారత బ్యాటర్లలో ఈ ఇద్దరూ ప్రత్యేక స్థానం సంపాదించారని క్రికెట్ ప్రపంచం ఏకగ్రీవంగా అంగీకరిస్తోంది.

మరిన్ని క్రికెట్ వార్తల కోసం ఇక్కడ క్లిక్ చేయండి