Video: ఛీ ఏంటార్చరా ఇది! కాస్లీ ప్లేయర్ అవుట్ తరువాత ఓనర్ అంకుల్ రియాక్షన్ వైరల్.. నెట్టింట మీమ్స్ రచ్చ!
IPL 2025లో రిషబ్ పంత్ పిచ్చి పెర్ఫార్మెన్స్పై విమర్శలు భారీగా వెల్లువెత్తుతున్నాయి. SRHతో కీలకమైన మ్యాచ్లో కేవలం 7 పరుగులు మాత్రమే చేసి అవుట్ అయ్యాడు, దీంతో యజమాని సంజీవ్ గోయెంకా స్టేడియం వదిలి వెళ్లిన దృశ్యం వైరల్ అయింది. గతంలో 27 కోట్లకు కొనుగోలు చేసిన పంత్, 13 మ్యాచ్లలో కేవలం 135 పరుగులతో నిరాశపరిచాడు. LSG ప్లేఆఫ్స్ ఆశలు నిలబెట్టుకోవాలంటే మిగిలిన అన్ని మ్యాచ్లు గెలవడం అవసరం.
ఇండియన్ ప్రీమియర్ లీగ్ (IPL) 2025లో రిషబ్ పంత్ బ్యాటింగ్లో పేలవమైన ప్రదర్శనతో మరోసారి విమర్శలకు లోనయ్యాడు. సన్రైజర్స్ హైదరాబాద్ (SRH)తో కీలకమైన మ్యాచ్లో లక్నో సూపర్ జెయింట్స్ (LSG) కెప్టెన్గా బరిలోకి దిగిన పంత్, కేవలం ఆరు బంతుల్లో ఏడు పరుగులు మాత్రమే చేసి అవుట్ అయ్యాడు. ఎషాన్ మలింగ వేసిన స్లో యార్కర్ బంతికి పంత్ మోసపోయి షాట్కి యత్నించి అవుట్ అయ్యాడు. బంతి గాల్లోకి ఎగిరిన తర్వాత మలింగ అదే క్యాచ్గా పట్టుకోవడం విశేషం. పంత్ అవుట్ అయిన క్షణానికే LSG యజమాని సంజీవ్ గోయెంకా స్టాండ్స్ నుంచి నిశ్శబ్దంగా బయటకు వెళ్తున్న దృశ్యం కెమెరాల్లో నమోదై సోషల్ మీడియాలో వైరల్ అయింది.
గతేడాది జరిగిన మెగా వేలంలో రిషబ్ పంత్ను లక్నో జట్టు భారీగా రూ.27 కోట్లకు కొనుగోలు చేసింది. అయితే అతను 2025 సీజన్లో ఇప్పటివరకు 13 మ్యాచ్లలో కేవలం 135 పరుగులు మాత్రమే చేసి నిరాశ పరిచాడు. కెప్టెన్గా కూడా పంత్ తగిన ఆడతలకాదన్న అభిప్రాయాలు విస్తరించాయి. అతని ప్రదర్శనపై అభిమానుల నుంచి తీవ్ర విమర్శలు వెల్లువెత్తుతున్నాయి.
ఇదిలా ఉండగా, లక్నోలోని భరత రత్న శ్రీ అటల్ బిహారీ వాజ్పేయి ఎకానా క్రికెట్ స్టేడియంలో జరిగిన మ్యాచ్లో SRH కెప్టెన్ పాట్ కమ్మిన్స్ టాస్ గెలిచి బౌలింగ్ ఎంచుకున్నాడు. “వికెట్ ఎలా ప్రవర్తిస్తుందో తెలీదు, అందుకే ఛేజింగ్ చేయడమే మంచిది. ఇప్పటివరకు మేము మా సామర్థ్యాన్ని పూర్తిగా ప్రదర్శించలేకపోయాం. కొన్ని గాయాలు కూడా ప్రభావం చూపాయి. జట్టు బాగానే ఉంది కానీ తమ అత్యుత్తమ ప్రదర్శన చేయలేదు. ట్రావిస్ హెడ్కు అవకాశం దక్కలేదు. ఉనద్కత్ వ్యక్తిగత కారణాల వల్ల లభించలేదు,” అని కమ్మిన్స్ స్పష్టం చేశాడు.
మరోవైపు, టాస్ సమయంలో LSG కెప్టెన్ రిషబ్ పంత్ మాట్లాడుతూ, “మాకు టాస్పై అభ్యంతరం లేదు. మేము ఒక్కో మ్యాచ్ను చూసుకుంటూ ముందుకు వెళ్తున్నాం. మాపై అనవసర ఒత్తిడి లేకుండా జట్టుగా మేము మళ్లీ స్థిరపడినట్టే. బలమైన స్థితిలో ఉన్నాము. ఈ రోజు ఒకే ఒక మార్పు జరిగింది, న్యూజిలాండ్ ఆటగాడు విల్ ఓ’రూర్కేకి లక్నో తరఫున తొలి మ్యాచ్ ఆడే అవకాశం లభించింది,” అని చెప్పాడు. ఈ మ్యాచ్ ద్వారా విల్ ఓ’రూర్కే తన IPL అరంగేట్రం చేశాడు.
LSG ప్లేఆఫ్స్కు అర్హత సాధించాలంటే మిగిలిన మ్యాచ్లను నెగ్గాల్సి ఉండటంతో ఈ మ్యాచ్ వారికి ఎంతో కీలకం. ఇప్పటికే వరుసగా మూడు మ్యాచ్లను కోల్పోయిన లక్నో జట్టు, 16 పాయింట్లకు చేరాలంటే ప్రతీ మ్యాచ్ను గెలవడం తప్పనిసరి. అలాగే ఇతర జట్ల ఫలితాలు తమకు అనుకూలంగా ఉండాలని కూడా ఆశించాల్సిన పరిస్థితి.
— Drizzyat12Kennyat8 (@45kennyat7PM) May 19, 2025
మరిన్ని క్రికెట్ వార్తల కోసం ఇక్కడ క్లిక్ చేయండి..