MS Dhoni Retirement: చెన్నై ఫ్యాన్స్కు బ్యాడ్న్యూస్ వచ్చేసిందిగా.. రిటైర్మెంట్పై ధోని ఏమన్నాడంటే?
MS Dhoni Retirement: ఐపీఎల్ 2026 ముందు ఎంఎస్ ధోని రిటైర్మెంట్ పై మళ్లీ చర్చ మొదలైంది. చెన్నై సూపర్ కింగ్స్ కార్యక్రమంలో ధోని చేసిన వ్యాఖ్యలు అభిమానుల్లో ఆసక్తి రేపాయి. తన ఫిట్ నెస్ పై ఆధారపడి భవిష్యత్తు నిర్ణయం తీసుకుంటానని చెప్పడంతో ఇదే చివరి సీజన్ అవుతుందా అన్న సందేహం మళ్లీ ముందుకొచ్చింది.
MS Dhoni Retirement: ఐపీఎల్ వచ్చిందంటే ఒక ప్రశ్న తప్పకుండా వినిపిస్తుంది. ఇదేనా ధోని చివరి సీజన్ అనే సందేహం. గత కొన్ని సంవత్సరాలుగా ఇదే చర్చ కొనసాగుతోంది. అభిమానులు, క్రికెట్ విశ్లేషకులు అందరూ ధోని భవిష్యత్తుపై ఆసక్తిగా గమనిస్తున్నారు. 44 ఏళ్ల వయసులో కూడా అతను ఆట కొనసాగించడం ప్రత్యేకతగా నిలుస్తోంది.
చెన్నై ఈవెంట్ లో కీలక వ్యాఖ్యలు..
మార్చి 22న జరిగిన చెన్నై సూపర్ కింగ్స్ కార్యక్రమంలో ధోని ఈ విషయంపై స్పందించాడు. వేదికపై ఉన్న సమయంలో అతనిని నేరుగా రిటైర్మెంట్ గురించి ప్రశ్నించారు. మొదట చిరునవ్వు చిందించిన ధోని తర్వాత సమాధానం ఇచ్చాడు. స్పష్టంగా చెప్పకపోయినా తన మాటల్లో సంకేతాలు ఇచ్చాడు.
ఫిట్నెస్ పై ఆధారపడి నిర్ణయం..
ధోని మాట్లాడుతూ తన ఫిట్ నెస్ స్థాయి కొన్నిసార్లు మెరుగ్గా ఉంటుందని, కొన్నిసార్లు తగ్గుతుందని చెప్పాడు. ఈ పరిస్థితుల్లో ఆడటం కాస్త కష్టంగా మారుతుందని పేర్కొన్నాడు. అయినప్పటికీ తాను పూర్తి స్థాయిలో ప్రయత్నిస్తున్నానని, జట్టుకు తనవంతు సహకారం అందించడానికి కట్టుబడి ఉన్నానని తెలిపాడు.
అభిమానుల్లో మళ్లీ చర్చ..
ధోని వ్యాఖ్యలతో అభిమానుల్లో మరోసారి రిటైర్మెంట్ చర్చ మొదలైంది. అతను నేరుగా ఏమీ చెప్పకపోయినా త్వరలోనే నిర్ణయం తీసుకునే అవకాశం ఉందని భావిస్తున్నారు. ఫిట్ నెస్ ఎలా ఉంటుందన్నదే అతని కెరీర్ ను నిర్ణయించే కీలక అంశంగా మారింది.
రిటైర్మెంట్ సమయం ఎప్పుడు?
ధోని రిటైర్మెంట్ ఎప్పుడు అనే ప్రశ్నకు మాత్రం స్పష్టమైన సమాధానం లేదు. అయితే అతని మాటలను చూస్తే ఆ సమయం దగ్గరలోనే ఉందనే సంకేతాలు కనిపిస్తున్నాయి. ఐపీఎల్ 2026 సీజన్ అతని భవిష్యత్తును నిర్ణయించే కీలక దశగా మారింది.
మరిన్ని క్రీడా వార్తల కోసం ఇక్కడ క్లిక్ చేయండి..